www.ebarimt.mn сайтад нэвтрэх код, нууц үгээ мартсан уу?

GoGo.mn

2018-10-02 14:20 GMT+8

Иргэд, татвар төлөгчид НӨАТ-ын урамшуулалын систем, е-баримтын талаар 1800-1288 дугаарт холбогдож, татварын улсын байцаагчаас зөвлөгөө, мэдээлэл авах нь их. Е-баримттай холбоотой хамгийн их ханддаг асуудал нь www.ebarimt.mn сайтад нэвтрэх код, нууц үгээ мартсан тухай юм. 

www.ebarimt.mn сайт болон апп-д нэвтрэх код, нууц үгээ мартсан бол бүртгэлтэй гар утасны дугаараасаа 131313 дугаарт “?” мессеж илгээж, шинээр авах боломжтой. 

Бүртгэлтэй гар утасны дугаараа сольсон бол бүртгэлтэй и-мэйл хаягаараа сэргээж авах хэрэгтэй. Гар утас, и-мэйл хаягаар авах боломжгүй бол Улаанбаатар хотод Драгон, Мишээл, Дүнжингарав үйлчилгээний нэгдсэн төвийн Татварын нэгжид, орон нутагт бол харьяа Татварын албандаа бичиг баримттайгаа очиж нууц үг, нэвтрэх кодоо авахыг зөвлөж байна. 

Татвар төлөгч иргэд маань Татварын албаны 1800-1288 дугаарт залгах, www.ebarimt.mn цахим сайтад хандаж сонирхсон мэдээллээ авах, мөн Татварын албаны www.mta.mn цахим сайтын “Татварын боловсрол” цэсний “Асуулт хариултын сан”-гаас татварын хууль тогтоомж болон е-баримттай холбоотой мэдээллийг авах боломжтой юм. 

Бэлтгэсэн: ТЕГ-ын Хэвлэл мэдээлэл, олон нийттэй харилцах ажилтан Э.Энхцэцэг

САНАЛ БОЛГОХ

 
 
ЖДҮ-ийн сангаас зээл авсан гэж үзэж буй УИХ-ын гишүүд, Сайд нарт ямар хариуцлага тооцох нь зүйтэй гэж та бодож байна?
Нийт 3168 санал өгсөн байна.

Дээшээ