Шар мэдээ
Холливудын хамгийн сайн 10 аав Холливудын “Хамгийн сайн 10 аав”-ыг та бүхэнд танилцуулж байна. Эмэгтэйчүүдэд зориулсан www.sheknows.com вэбсайтаас энэ жагсаалтыг гаргажээ. Тэд ар гэртээ анхаарал хандуулдаг, үр хүүхдэдээ цаг зав гаргаж чаддаг үлгэр жишээч аавуудыг нэрлэсэн байна. 1. Мэттью МакКонахи, 44 настай Саяхан Оскарын шагнал хүртсэн Мэттью МакКонахи шилдэг эрэгтэй жүжигчнээс гадна “шилдэг” аав гэнэ. Тэрээр Бразилийн загвар өмсөгч, телевизийн хөтлөгч Камила Элвэстэй 2006 онд танилцаж, 2012 онд хуримаа хийжээ. Хосууд өдгөө гурван хүүхэдтэй. Мэттью МакКонахи мундаг эцэг байхаас гадна хүүхдийн төлөө сайн үйлс хийдэг нэгэн гэнэ. Мэттью “Амьдраад байгаарай” хэмээх өвөрмөц нэртэй сайн үйлсийн санг үүсгэн байгуулжээ. Энэхүү сан нь өсвөр насны хүүхдүүдэд идэвхтэй амьдралаар амьдарч, тэр тусмаа амьдралын эрүүл хэв маягийг уриалж, сайн хүн болоход нь туслах зорилготой аж. 2014-03-18 9
Наоми Кэмпбелл: Би хүүхэдтэй болмоор байна Өдгөө 43 настай нэрт загвар өмсөгч Наоми Кэмпбелл “Sirius XM” радиод Диана Вон Фюрстенбергийн хөтөлдөг нэвтрүүлэгт оролцжээ. Тэрээр ярилцлагынхаа үеэр загвар өмсөгч эмэгтэйчүүдийг эрүүл мэндээ золиослохгүй байхыг хүсээд “Хүнийг биеийнх нь галбираар шүүдэг гэж загварын ертөнцийг хүмүүс их буруушаадаг. Үнэндээ загвар өмсөгч хувь хүн өөрөө тэрхүү сэтгэлгээг нийгэмд бий болгоод байгаа. Би 28 жил ажиллахдаа “Хоолны дэглэм бариад, тураад буцаад ир” гэсэн нэг ч дизайнертай таарч байсангүй. Өөрөө өөрийнхөөрөө л байх хэрэгтэй. Чи ажиллахын төлөө идэхээ больж байгаа бол чи өөрийнхөөрөө байж чадахгүй байна л гэсэн үг. Хоол сойж турах талаар яриад эхлэхээр л намайг бухимдуулдаг, миний хувьд маш эмзэглэмээр асуудал” гэжээ. Мөн тэрээр хүүхэдтэй болох хүсэлтэй байгаагаа хуваалцжээ. Наоми одоо ганц бие байгаа ч гэлээ, хүүхэдтэй болохыг маш их хүсэж байгаа гээд “Би найз залуутай ч бай, үгүй ч бай би хүүхэдтэй болохыг үнэхээр их хүсэж байгаа. Би ерөнхийдөө 2008 он хүртэл хүүхэдтэй болох бодолгүй явсан. Харин одоо өөрийн гэсэн гэр бүлтэй баймаар байна” гэжээ. Загварын ертөнцөд хэсэг цаг хугацааны турш цойлж байсан Наоми Кэмпбелл хамгийн сүүлд Оросын тэрбумтан Владислав Доронинтой таван жил үерхэж байгаад өнгөрсөн онд салжээ. 2014-03-16 12 1
Скарлетт Йоханссон хөл хүнд болсноор “Avengers-2” кино хойшлогдож магадгүй Холливудын хамгийн сайхан эмэгтэй жүжигчдийн тоонд зүй ёсоор ордог 29 настай Скарлетт Йоханссон бие давхар болсон талаарх мэдээлэл түүний шүтэн бишрэгчид болоод кино сонирхогчдод баярт мэдээ болсон. Мөн энэхүү мэдээ түүнтэй гэрээ байгуулсан кино бүтээгчдэд буюу "Марвел" студийнхэнд гэнэтийн зүйл болсон нь мэдээж. Учир нь 2015 оны тавдугаар сард нээлтээ хийх “The Avengers: Age of Ultron” киноны зураг авалт талдаа ч ороогүй байгаа энэ үед энэ мэдээг дуулгасан нь киноны нээлтийн хугацааг хойшлогдох байх хэмээн таамаг төрүүлээд байгаа аж. Киноны зураг авалт 2014 оны хоёрдугаар сарын 11-нд Өмнөд Африкт эхэлсэн бөгөөд Скарлетт тус кинонд улаан үст Наташа Романовагийн дүрийг бүтээдэг билээ. Тэрээр өдгөө дөрвөн сартай жирэмсэн бөгөөд ирэх наймдугаар сард амаржих гэнэ. Тэрээр кино зураг авалтанд оролцож болох ч Наташа Романовагийн өмсдөг хар, бариу савхин хувцас түүний гэдсийг нууж чадахгүй л болов уу. "Магадгүй Наташагийн зураг авалтын хэсгүүдийг хамгийн түрүүнд авах байх" хэмээн Дэйлимэйл-ийн сайтад мэдээлсэн байна. Одоогоор "Марвел" студээс албан ёсны тайлбар хийгээгүй байгаа. 2014-03-05 7 13
Эллен пицца хүргэгч залууд цайны мөнгө болгож 600 ам.доллар өгчээ 86 дахь удаагийн Оскарын наадам өчигдөр маш гайхалтай болж өндөрлөсөн. Угийн хээгүй, наргианч зантай, ток шоуны хөтлөгч Эллен Деженерес энэ удаагийн наадмыг хөтөлсөн бөгөөд тэрээр ёслолын үеэр зочдыг пиццагаар дайлжээ. Пицца хүргэгч залууг урьдаас бэлдсэн жүжигчин байх хэмээн хэвлэл мэдээллийн хэрэгслээр таамаглаж байсан хэдий ч тэрбээр “Big Mama's & Papa's Pizzeria” компанийн жинхэнэ хүргэлтийн үйлчилгээний ажилтан байсан бөгөөд тэрбээр хүргэлтээр Оскарын наадамд ирэхээ мэдээгүй байсан гэнэ. Эллен түүний хамтаар таван хайрцаг буюу 60 хэрчим пиццаг хүмүүст тараажээ. Харин Эллен “Түгээгч залууд өгөх цайны мөнгө надад байдаггүй. Чамд байна уу?” хэмээн Сандра Баллокоос асууж хүмүүсийг хөгжөөгөөд амжсан юм. Харин тэрбээр реппэр Паррэл Уилиамсын бүрх малгайг түр зээлэн хүмүүсээс задгай мөнгө цуглуулж хүргэгч залууд 300 гаруй доллар өгсөн байна. 2014-03-04 17 5
 
 

САНАЛ АСУУЛГА

Автозамын түгжрэлийг бууруулахын тулд ачаалал ихтэй замаар төлбөртэй зорчуулдаг тогтолцоонд шилжих нь зөв үү.
Нийт 179 санал өгсөн байна.
  •  
     
  •  
     
  •