ОНЦЛОХ МЭДЭЭ
ШИНЭ МЭДЭЭ
Монгол Улсын Ерөнхийлөгчийн сонгуульд АН-аас нэр дэвшигч Х.Баттулга өнөөдөр “Блю скай”-д хөгжлийн бэрхшээлтэй иргэдийн төлөөлөлтэй уулзлаа. Энэхүү уулзалтад тэргэнцэртэй, сонсголын болоод хэл ярианы бэрхшээлтэй иргэдийн төлөөлөл болсон 30 гаруй хүн оролцсон юм. Хөгжлийн бэрхшээлтэй иргэдийн зүгээс гурван нэр дэвшигчид хүсэлт тавьж, урилга гаргаж, тэдэнтэй уулзахыг хүссэн аж. Тэгвэл АН-аас нэр дэвшигч Х.Баттулга уриалгыг элэгсгээр хүлээж авч, энэ сарын 20-ны өдрөөс эхлэн бүх уулзалтуудаа дохионы хэлний орчуулагчтайгаар хийж байгаа гэдгийг тэд хэлж байсан юм. Мөн өнөөдөр хөгжлийн бэрхшээлтэй иргэдийг хүлээж авч уулзаж байгаад ч тэд баярлаж буйгаа илэрхийлж байлаа. 2013 оны Ерөнхийлөгчийн сонгуулиар ч гэсэн хөгжлийн бэрхшээлтэй иргэд уриалга гаргахад ганцхан АН-ын нэр дэвшигч л тэднийг саналыг хүлээж авч, уулзаж байсан аж.

Хөгжлийн бэрхшээлтэй иргэд бүгд Х.Баттулгыг дэмжихээ илэрхийллээ

Монгол Улсын Ерөнхийлөгчид Монгол Ардын намаас нэр дэвшигч Миеэгомбын Энхболд Бурхантийн хөндийд их хот байгуулж, үйлдвэр, завод бүтээн босгогчидтой уулзлаа. Орос ах нарын байгуулж өгсөн найрамдлын хот Дархан Монгол орны нэгэн өвөрмөц нүүр царай, их үйлдвэрийн хот билээ. Дархан-Уул аймаг Монгол Улсын томоохон аж үйлдвэрийн төв төдийгүй дэд бүтэц сайн хөгжсөн, Улаанбаатар-Алтанбулагийн чиглэлийн олон улсын автозам, Улаанбаатар-Сүхбаатарын төмөр замын зангилаан дээр оршдог. Тиймээс ч дарханчууд Миеэгомбын Энхболдын “Монгол төр-Монгол гэр” мөрийн хөтөлбөрт нухацтай хандаж, аж үйлдвэрийн паркийг цаасан дээр биш газар дээр нь байгуулахыг хүсч, шинэ төмөр зам барих Засгийн газрын үйл ажиллагааг бодитойгоор дэмжин ажил хэрэг болгохын төлөө хаа хаанаасаа хүчээ нэгтгэх хэрэгтэй хэмээн Ерөнхийлөгч болоод хийх ажлынх нь захиасыг өгч байлаа. Дархан-Уул аймгийн нийт нутгийн 70 гаруй хувийг хөдөө аж ахуйн эдэлбэр газар эзэлдэг учир атрын аяны хүрсэн төвшинг ахиулах, орон нутгийн эдийн засгийн үр өгөөжийг нэмэгдүүлэхэд чиглэсэн бүхий л үйл ажиллагааг дэмжиж ажиллахаар мөрийн хөтөлбөртөө тусгасан нь тэдний хувьд боломж гэнэ. Мөн 91 мянга гаруй хүн амынх нь 60 гаруй хувийг 35 хүртэлх насныхан эзэлдэг тул залуучуудаа дэмжих бодлого хэрэгжүүлэхээр тусгасан нь ч тэдэнд таалагджээ. Дарханчуудад Миеэгомбын Энхболдын Мөрийн хөтөлбөр нь амьдралд нийцсэн, хэрэгжүүлэх эзэн нь Монгол төрийн өндөр босгыг даваад цаана нь гарах чадалтай болохоор бид дэмжинээ. Миеэгомбын Энхболдод төрийн жолоог атгуулахад бид санаа зовох юмгүй амьдарч болно гэж байлаа.

Дарханчууд цаасан дээр биш газар дээр олон үйлдвэртэй болохын тулд М.Энхболдыг дэмжинэ

Монгол Улсын Ерөнхийлөгчийн сонгуулийн бэлтгэл ажилтай холбоотой зарим асуудлаар СЕХ-ноос мэдээлэл хийлээ. сонгуулийн бэлтгэл ажлын хүрээнд өнөөдөр санал авах бүх байруудад Сонгуулийн автоматжуулсан системийн тухай хууль, журамд заасны дагуу туршилтын ажлыг зохион байгуулжээ. Энэхүү туршилтаар Санал тоолох төхөөрөмж  санал авах байрандаа нэгбүрчлэн хүргэгдсэн эсэх, Тээвэрлэлтийн явцад эвдрэл гэмтэл гарсан эсэх, Саналын хуудсаа зөв уншиж, бодож байгаа эсэх, мөн үр дүнг дамжуулах зэргээр тэдгээрийн хэвийн ажиллагааг шалгаж бэлэн байдлыг тогтоосон байна. "Улсын хэмжээнд 1983 хэсэг, санал авах байр байгуулагдаж, сонгуулийн бэлтгэл ажлаа хангаад сонгогчийн санал авахад бэлэн боллоо. Дөрөвдүгээр сарын 19-ний байдлаар Улсын бүртгэлийн газраас ирүүлсэн тоогоор 2.2 сая сонгогч бүртгүүлжээ. Үүнээс хойш сонгогчийн шилжилт хөдөлгөөн зогссон. Зөөврийн битүүмжилсэн хайрцгаар санал авах сонгогчийн хүсэлт хүлээж авах хугацаа өчигдөр дуусгавар болсон. Сонгуулийн саналын хуудас бүрэн хэвлэгдэж, хөдөө орон нутагт хүргэгдсэн. Сонгуулийн сурталчилгаа энэ сарын 24-ний өдрөөр дуусгавар болно" хэмээн СЕХ-ны Мэдээлэл, судалгаа, арга зүйн хэлтсийн дарга Б.Оюумаа хэллээ. Түүнчлэн сонгуулийг гадаадын ажиглагчид ажигладаг. Энэ жилийн хувьд Европын парламентын ассамблей 30 ажиглагчаа илгээсэн нь хамгийн өргөн бүрэлдэхүүнтэй баг болж байгаа аж. Мөн ЕАБХА-ны гишүүн орнуудын 35 ажиглагч зэрэг нийтдээ 34 улсын 112 гадаадын ажиглагч СЕХ-нд бүртгүүлжээ.

Санал авах байруудад өнөөдөр туршилт хийжээ

Эрдэнэт эх орны дөрвөн зүг найман зовхисоос их бүтээн байгуулалтын дуудлагаар цугларсан түмэн олны эх болсон хот. Өнөөдөрийн энэ хотод оршин суугчдын аав ээж, ахмад буурлууд нь “Эрдэнэтийн – Овоо өнгөтэй байнаа, Энэ зууны царай байнаа" хэмээн дуулан Монгол оронд урд хожид байгаагүй их бүтээн байгуулалт эхлүүлж байсан цаг 40 гаруй жилийн тэртээ. Сэтгэлийн дуудлагаараа цугларч хот бүтээн байгуулсан тэд хотдоо л хайртай. Тиймээс эрдэнэтчүүд Монгол Улсын Ерөнхийлөгчид Монгол Ардын Намаас нэр дэвшигч Миеэгомбын Энхболдыг дэмжихээ дуу нэгтэйгээр илэрхийлж байна. Ийнхүү Миеэгомбын Энхболдыг дэмжих болсон шалтгаан нь учиртай . АН засаг барьж байх үедээ бараг нэг шөнийн дотор хайртай үйлдвэрийг нь хувийн болгочихсон нь эрдэнэтчүүдэд хар дарсан зүүд шиг л туссан. Харин энэ засгийн нүүрэн дээр Миеэгомбын Энхболдын даргалсан УИХ-ын шийдвэрээр АН-ын хуйвалдааны золиос болоод байсан “Эрдэнэт”-ийн 49 хувийг төрд нь ,ард олонд нь эргүүлэн авах шийдвэр гаргасан. Энэ шийдвэр л илүү ч үгүй, дутуу ч үгүй МАН-аас Ерөнхийлөгчийн сонгуульд нэр дэвшэгч Миеэгомбын Энхболдыг дэмжих хөдөлшгүй шийдвэр гаргахад эрдэнэтчүүдэд хангалттай хэмээн уулзалтанд оролцогсод илэрхийлж байлаа.

Эрдэнэтийнхэнд М.Энхболдыг дэмжих шалтгаан бий

Сүүлийн үед нэрсийн жагсаалтад хүмүүс өөр өөр хаяг дээр бүртгэлтэй байгаа, нэг айлын хаяг дээр байхгүй хүмүүсийг нь бүртгэсэн гэх тодорхой зөрчлүүд илэрч буй юм. Энэ байдлыг үндэслэж нэг сонгогч нэг л удаа саналаа өгөх ёстой гэсэн зарчмыг хангаж өгөхийг хүсч Ардчилсан намаас Ерөнхийлөгчийн сонгуульд өрсөлдөж буй Х.Баттулгын Сонгуулийн төв штабаас өнөөдөр СЕХ-нд шаардлага хүргүүллээ. Энэхүү шаардлагаар сонгогчдын саналаа өгснийг илэрхийлэх хурууны бэхэн тэмдэглэгээ хийхийг шаарджээ. Учир нь, сонгогч олон удаа давтан энэ, тэнд саналаа өгөх нөхцөл байдал үүсч болзошгүй хэмээн үзжээ. Мөн АН-ын удирдлагын зүгээс сонгуулийг СЕХ ил тод шударга, ямар нэгэн будлиангүй зохион байгуулах хуулиар олгогдсон үйл ажиллагааг явуулах ёстой гэж үзсэн байна. Харамсалтай нь, СЕХ-ноос бэхэн тэмдэглэгээ хийх боломжгүй, бэх дууссан гэх шалтгааныг хэлж буй юм. Уг нь, хуульд тэмдэг, тэмдэглэгээ хийх, бэх авах мөнгийг улсын төсөвт суулгаж авах эрхийг нь хуульчилж СЕХ-нд эрхийг нь олгосон байдаг. Тиймээс энэхүү шаардлагыг биелүүл хэмээх шаардлагаа Ардчилсан намын Ерөнхий нарийн бичгийн дарга Ц.Туваан, УИХ-ын дэд дарга, гишүүн Я.Санжмятав нар СЕХ-нд хүргүүллээ.

Санал өгсөн хүний хуруун дээр бэхээр тэмдэглэгээ хийхийг шаардав

 
 

Дээшээ