GoGo Мэдээ - Хоёр улсын харилцаанд хувь нэмрээ оруулахыг Кентийн хунтайж хүсэж байна

Усны асуудал чухал байгаа энэ үед та ирээдүйнхээ төлөө усыг зөв зохистой, ариг гамтай хэрэглэж чадаж байна уу?

Санал өгсөн нийт хүн(1551)

-Тийм. Өдөр тутмынхаа амьдралд усныхаа хэрэглээг хянаж хэмнэж чаддаг. Шүд угаах, аяга таваг угаахдаа усаа хааж, алхам тутамдаа дуслыг ч болов хэмнэдэг.
-Усаа хэмнэж байна гээд бүх хэрэглээндээ хяналт тавьдаггүй ч боломжоороо хэмнэдэг.
-Усаа хайрлаж гамнах талаар боддог ч тэр бүр зөв зохистой хэрэглэж чаддаггүй.
-Үгүй. Хэмнэлт хийдэггүй.
-Хэмнэлт хийх тухай боддоггүй, хүссэнээрээ хэрэглэдэг. Мөнгийг нь төлдөг учраас...

Бусад санал

Хоёр улсын харилцаанд хувь нэмрээ оруулахыг Кентийн хунтайж хүсэж байна

2012 оны 4-р сарын 17

Монгол Улсын Ерөнхий сайд С.Батболдын урилгаар Кентийн Эрхэм дээд Хунтайж Майкл манай улсад айлчилж байгаа. Тэрбээр одоогийн Хатан хааныг төлөөлж гадаадын чухал арга хэмжээнд оролцдог нэгэн юм.

Хунтайж Майкл 2012 оны 4 дүгээр сарын 17-ны энэ өдөр Монгол Улсын Ерөнхий сайд С.Батболдод бараалхлаа. Урилгыг нь хүлээн авсан Хунтайжид Ерөнхий сайд талархал илэрхийлээд Монгол оронд тавтай зочлохыг урилаа. Монгол Английн харилцааг ялангуяа, эдийн засаг, хөрөнгө оруулалтын салбарт хөгжүүлэхэд түлхүү анхаарч ажиллаж байгаа талаар Ерөнхий сайд С.Батболд уулзалтын эхэнд дурдаад хамтын ажиллагааны шинэ боломжийг эрэлхийлэх нь чухал гэдгийг хэллээ.

Монголын Хөрөнгийн биржтэй Лондонгийн Хөрөнгийн бирж хамтран ажиллаж байгаа болон Монгол Улс Ерөнхий боловсролын сургуулийн сургалтдаа Кембрижийн боловсролын хөтөлбөрийг амжилттай нэвтрүүлж эхэлж байгааг Ерөнхий сайд тэмдэглээд хоёр орны харилцааг хөгжүүлэхэд Эрхэм дээд Хунтайжийг хувь нэмрээ оруулна гэдэгт итгэлтэй байгаагаа илэрхийллээ. Монгол оронд анх удаагаа зочилж байна, сэтгэгдэл өндөр байгаа гэдгээ Хунтайж энэхүү уулзалтын үеэр илэрхийлж байлаа. Хоёр орны харилцааг хөгжүүлэхэд боломжоо дайчлан ажиллана гээд өөрийн зүгээс Монголд ямар хөрөнгө оруулалт хийж болох талаар судалж байгаа гэдгээ Хунтайж хэллээ.

Английн одоогийн Хатан хаан хоёрдугаар Элизабетын аав болон Майкл Хунтайжийн аав төрсөн ах дүүс бөгөөд Майкл 5 дугаар Жорж хааны дөрөв дэх хүү Кентийн гүн Жоржийнд төржээ. Түүнийг төрөхөд АНУ-ын Ерөнхийлөгч Франклин Д.Рузвелт загалмайлж, Майкл Жорж Чарльс Франклин хэмээн нэр өгсөн гэдэг.

Хунтайж Майкл ихэнх цагаа төрийн бус байгууллага болон олон нийтийн байгууллагын үйл ажиллагааг дэмжихэд зориулдаг төдийгүй Хатан хааныг төлөөлж гадаадын чухал арга хэмжээнүүдэд оролцдог байна. Түүний манай улсад хийж буй айлчлал энэ сарын 14-нд эхэлсэн бөгөөд тэрбээр өөрийн орны болон олон улсын томоохон компаниудын төлөөллийг дагуулан иржээ. Кентийн Хунтайжийн айлчлал маргааш өндөрлөнө гэж Засгийн газрын Хэвлэл мэдээллийн албанаас мэдээллээ.

Нийт сэтгэгдэл(5)

Yaduu 78.122.65.97
2012 оны 4-р сарын 17

tegvel ene ulsad ochij tsagaachilj bolgo gesen uguu?

[ Хариулах ] 0 1
jagaa 203.91.119.101
2012 оны 4-р сарын 17

ene tgd yamar orni hun be\nkent gej uls bg yum u haana bairlaltai uls ve\nhumuusee\nsetguulch ni yamar ch medeelel bicheegui bhiin\n

[ Хариулах ] 0 0
снайпер 182.160.37.81
2012 оны 4-р сарын 17

хонгилийн үзүүрт гэрэл харагдаж байх шиг байна цагаачилхаа түр азнаач нутаг гэдэг нутаг шүүдээ

[ Хариулах ] 0 0
yum unshaachei 61.134.100.162
2012 оны 4-р сарын 17

хатан хаан хоёрдугаар элизабетын gej ganst l bgaashdei er delhiin tuuh medehgui gehed medee haaya harj baildaa tegeed comment bichitsgee agaa naraa 10 nast bubu

[ Хариулах ] 0 0
Зочин 203.91.117.4
2012 оны 4-р сарын 17

амар амгалан байя гэвэл англичуудаас холхон бай гэсэн үг байдаг шүү дээ. одоогийн дэлхий ертөнцөд болж буй гай түйтгэрийн ихэнхийн нь эх үндэсийг англичууд тавьсан гэдгийг хүн төрөлхтөн мэднэ дээ. бид хөрөнгийн биржээ өгөөд эхлэхээр дараа нь юу авч болох нь вэ гэдгийг судлахаар ирсэнээ энэ хүн хэлээд байна л даа. батболд оо одоо англичуудад юугаа өгөх вэ гэж бодохын оронд юугаа авч үлдэж чадах вэ гэдгийг бодох цаг бидэнд ирчихээд байгаа юм биш үү.

[ Хариулах ] 0 0