GoGo Мэдээ - Пулитцерийн шагналтнууд тодорлоо

Усны асуудал чухал байгаа энэ үед та ирээдүйнхээ төлөө усыг зөв зохистой, ариг гамтай хэрэглэж чадаж байна уу?

Санал өгсөн нийт хүн(1806)

-Тийм. Өдөр тутмынхаа амьдралд усныхаа хэрэглээг хянаж хэмнэж чаддаг. Шүд угаах, аяга таваг угаахдаа усаа хааж, алхам тутамдаа дуслыг ч болов хэмнэдэг.
-Усаа хэмнэж байна гээд бүх хэрэглээндээ хяналт тавьдаггүй ч боломжоороо хэмнэдэг.
-Усаа хайрлаж гамнах талаар боддог ч тэр бүр зөв зохистой хэрэглэж чаддаггүй.
-Үгүй. Хэмнэлт хийдэггүй.
-Хэмнэлт хийх тухай боддоггүй, хүссэнээрээ хэрэглэдэг. Мөнгийг нь төлдөг учраас...

Бусад санал

Пулитцерийн шагналтнууд тодорлоо

2012 оны 4-р сарын 18

Сэтгүүлзүй, уран зохиол, урлагийн салбарынхны хувьд Нобель, Оскарын шагналтай дүйцэхүйц нэр хүндтэй Пулитцерийн эздийг өнгөрсөн даваа гаригт тодрууллаа.

Энэхүү шагналын эздийг нийт 21 номинацаар тодруулдаг бөгөөд энэ удаагийн онцлог нь анхдагчид цөөнгүй байжээ. Алдартай хүмүүс, оддын талаар ихэвчлэн шар мэдээлэл нийтэлдэг “The Huffington Post” сонин энэ удаа Ирак, Афганы дайнд хүнд шархдаж, тахир дутуу болсон цэргүүдийн талаар сурвалжлага нийтлэлээрээ Үндэсний мэдээний сурвалжлагын төрөлд анхны Пулитцерийн шагналаа хүртсэн байна. Редакцын тэргүүн мэдээний шог зураг төрөлд Пулитцер хүртсэн улс төрийн мэдээллийн “Politico” сэтгүүлийн хувьд ч анхных нь байжээ.

Үүнээс гадна 24 настай залуу сэтгүүлч эмэгтэй Сара Ганим энэхүү нэр хүндтэй шагналыг хүртсэн нь олны анхаарлыг ихээхэн татсан байна. Тэрээр АНУ-ын Пенсильвани мужийн “Patroit News” сонины сурвалжлагч бөгөөд хөлбөмбөгийн дасгалжуулагч асан Жерри Сандаскийтай холбоотой сексийн дуулианы талаар зоригтой илчлэн бичсэнээрээ Орон нутгийн мэдээний номинацад шагнал хүртжээ.

“Associated Press” агентлагийн хувьд лалын шашинтай иргэдийг тагнаж, мөрдөж байсан цагдаа нарын талаар мэдээллээрээ Эрэн сурвалжлах мэдээний номинацад ээлжит Пулитцерээ хүртсэн бол “Seatle Times” сонин мөн энэ төрөлд шагнал хүртжээ. Мөн “New York Times” сонин Олон улсын мэдээ, Тайлбар сурвалжлагын хоёр номинацид, “AFP” агентлаг Шуурхай мэдээллийн гэрэл зургийн номинацид Пулитцерийн эзэд болсон байна.

Уламжлал ёсоор драмын жүжиг, намтар зохиол, хөгжим, яруу найраг зэрэг төрөлд ч шагналын эздийг тодруулсан бол сүүлийн 35 жилийн түүхэнд анх удаа зөгнөлт зохиолын төрлөөр хэн ч шагнал авсангүй. Анх 1917 оноос Америкийн хэвлэгч Жозеф Пулитцерийн дурсгалыг мөнхжүүлэхээр энэхүү шагналыг олгож эхэлсэн бөгөөд шагналыг гэрчилгээнээс гадна 10 мянган ам.доллар дагалддаг байна.

Б.Тамир