Лукаку зээлээр явах магадлалтай

Челси клубын довтлогч Ромелу Лукаку одоогийн Челси дэх байр суурь болон тоглож буй тоогоороо маш их урам нь хугарч байгаа ба дараагийн улиралд өөр багт зээлээр тоглохоос татгалзахгүй хэмээн хэлжээ.

Өнгөрсөн улирлын зун Бельгийн Андерлехт клубээс ирсэн Лукаку нь энэ улиралд Премьер лигийн ердөө 6 тоглолтонд л сэлгээгээр гарч тоглосон юм. Хэдий багийн дасгалжуулагч солигдсон ч түүний тоглох тоо нэмэгдээгүй билээ.

Лукаку: “Би илүү олон тоглолт хийх хэрэгтэй. Би Челсид ийм байна гэж төсөөлөөгүй. Андре Виллас Боас, Роберто Ди Маттео аль нь ч ялгаагүй. Би тэдний шийдвэрт санал нийлж байгаагүй, гэхдээ тоглогч дасгалжуулагчийнхаа шийдвэрийг л дагах ёстой.”

“Гэхдээ би хэзээ ч Челсид ирсэндээ харамсаж байгаагүй. Би маш их зүйлийг сурсан.”

Бельг довтлогчийн хувьд ирэх улирлаас Вердер Бремен клубт зээлээр тоглох магадлалтай ба учир нь Мариний гэрээнд түүнийг оруулж болох юм. Харин түүний бие төлөөлөгч энэхүү мэдээг цуцалсан.

Лукаку: “Челсигийн үндсэн дасгалжуулагчаар хэн томилогдохыг хүлээх хэрэгтэй. Яг одоо миний хувьд хамгийн чухал зүйл бол тоглох, энэ л шалтгаанаас би өөр газарт тоглох магадлалтай.”

“Миний гол зорилго бол маш их туршлага хуримтлуулаад Челсидээ эргэн нэгдэх. Мөн би үндэсний шигшээ багтаа бүрэн тоглох хэмжээний болж чадах ёстой.” хэмээн хэлсэн байна.

Б.Амарбат “CSPORTS TEAM”



http://www.csports.mn/