Энэ зун хаана сувилуулах вэ

Нийслэл таймс

2012-06-09 13:45 GMT+8

Өдрийн ихэнх цагийг ажил дээрээ компьютерын ард өнгөрөөдөг хүмүүс цөөнгүй бий. Үүнийг яаж амжуулах вэ, тэрийг яах вэ гэсээр суутал нэг мэдэхэд ажлын цаг дуусчихдаг. Заримдаа бүүр илүү цагаар сууж ажиллах хэрэг гарна. Хажуугаар нь бие нозоороод, ядраад байдаг. Ажлын идэвхи буураад, эрч хүч багасаад, өдөржингөө хэвтэж өнжмөөр санагдана. Хэрэв танд ч бас тийм зовиур илрээд байгаа бол бидний бэлтгэсэн дараагийн мэдээлэлд анхаарал хандуулаарай.

Бид танд байгалийн сайханд амарч зугаалангаа биеэ эрүүлжүүлэх боломж байгааг дуулгаж байна. Уншигч та бүхэнд доорх рашаан сувилалуудын газруудыг танилцуулъя.

ОРГИЛ РАШААН СУВИЛАЛ

"Оргил" рашаан сувилал нь Богдхан уулын ар хормойд, Улаанбаатар хотын өмнөд хэсэг Хан-Уул дүүрэгт Удирдлагын Академийн хажууд байрладаг. Гидрокарбонат-кальци-натрийн найрлагатай, сул эрдэсжилттэй, сул хүчиллэг, нүүрсхүчлийн хий, төмөртэй хүйтэн рашаан юм. Уухаас гадна орох, шавших угаах зэргээр хэрэглэнэ. Уух рашаан нь ходоодны архаг, 12 нугалаа гэдэсний хүндрэлгүй шархлаа, гэдэсний архаг үрэвсэл, элэг цөсний архаг өвчин, төмөр дутсан цус багадалтыг эмчлэхэд сайн үйлчилгээтэй. Шавар эмчилгээг хорт хавдар, хурц үрэвсэлт өвчнүүд, архаг өвчний сэдрэлийн үе, сүрьеэ, декомпенсацийн шатанд байгаа зүрхний гажиг, зүрхний цус хомсрох өвчин, даралт ихдэх өвчин, бронхийн багтраа, гломерулонефрит, элэгний хатуурал өвчний үед хэрэглэхэд тохиромжгүй. "Оргил" рашаан сувилал байнгын ажиллагаатай бөгөөд нэг ээлжиндээ 250 хүн хүлээн авдаг байна. Хоногийн төлбөр нь эрүүл мэндийн даатгалтай бол 13500 төгрөг, Эрүүл мэндийн даатгалгүй, хаяг зөрсөн бол 18000 төгрөг бөгөөд илгээмж бичигт заасан өдөр ирэх ёстой аж.

Харилцах утас: 341152, 342093, 342096, 342092

УЛААНБААТАР СУВИЛАЛ ЦУС БАГАДАЛТЫГ АНАГААДАГ

Уламжлалт анагаах ухааны корпораци Улаанбаатар хотын өмнөд хэсэг Хан-Уул дүүрэгт Богд уулын ар хормойд байрладаг. Гидрокарбонат-кальци-натрийн найрлагатай, сул эрдэсжилттэй, сул хүчиллэг, нүүрс хүчлийн хий, төмөртэй хүйтэн рашаан юм. Уухаас гадна орох, шавших угаах зэргээр хэрэглэдэг гэж байна. Уух рашаан нь ходоодны архаг, 12 нугалаа гэдэсний хүндрэлгүй шархлаа, гэдэсний архаг үрэвсэл, элэг цөсний архаг өвчин, төмөр дутсан цус багадалтыг эмчлэхэд үр дүнтэй юм байна. Шавар эмчилгээг хорт хавдар, хурц үрэвсэлт өвчнүүд, архаг өвчний сэдрэлийн үе, сүрьеэ, декомпенсацийн шатанд байгаа зүрхний гажиг, зүрхний цус хомсрох өвчин, даралт ихдэх өвчин, бронхийн багтраа, гломерулонефрит, элэгний хатуурал өвчний үед хийлгэхэд зохимжгүй гэж байна. Өвчний онош болон эмчилгээний байдлаас шалтгаалан ор хоногийн үнийн тариф харилцан адилгүй байдаг учраас утсаар холбоо барьж лавлана уу.

Холбоо барих утас: 342539, 343013, 342553

ӨВӨР ЖАНЧИВЛАНГИЙН РАШААН, СУВИЛАЛ

Тус сувилал нь Төв аймгийн Эрдэнэ сумын нутагт байрлах бөгөөд нийслэлээс 78 км-ын зайтай.  Гидрокарбонат-кальци-натрийн найрлагатай, сул эрдэсжилттэй, сул хүчиллэг, нүүрсхүчлийн хийтэй, уух зориулалттай, хүйтэн рашаан аж. Эмчилгээний хувьд ходоодны архаг үрэвсэл, 12 нугалаа гэдэсний хүндрэлгүй шархлаа, гэдэсний архаг үрэвсэл, элэг цөсний архаг өвчин, нойр булчирхайн архаг үрэвсэл, бодисын солилцооны өвчин, төмөр дутсан цус багадалтын эмчилгээнд хэрэглэдэг. Тархины судасны хатуурлын гүнзгийрсэн хэлбэр, хүнд хэлбэрийн зүрхний шигдээсийн дараах үе, артерийн даралт ихдэлтийн өвчин зүрхний өвчний байнгын болон хүнд хэлбэрийн илэрлийн үед энэ рашаан тохиромжгүй. Байнгын ажиллагаатай тус рашааны газар нь нэг ээлжиндээ 200 хүн хүлээн авах хүчин чадалтай. Энгийн ерөө нь 12 мянга, люкс өрөө нь 14 мянган төгрөгийн үнэтэй. Эрүүл мэндийн даатгалгүй бол хоногийн 16 мянган төгрөг. Долоо хоног бүрийн даваа/пүрэв гаригт нийслэлийн Үйлдвэрчний төв зөвлөлийн байрнаас өглөөний найман цагт автобусаар сувилуулагсдыг хүргэж өгөх аж.

Харилцах утас: 88001511, 322075

ГУРВАННУУРЫН РАШААН, СУВИЛАЛ

Онон, Балж голын сав газар, Дэлүүн болдогийн өвөрт нарсан ойгоор хүрээлэгдсэн холбоо гурван нуурын хойно Хэнтийн Дадал суманд байдаг энэхүү рашаан, сувиллын газар нь Улаанбаатар хотоос 540 км зайтай. Шавар нь химийн бүтцээрээ сапрофил шаврын төрөлд багтдаг. Гол төлөв амьсгалын эрхтний архаг өвчин, уушгины хагалгааны үлдэц, мөгөөрсөн хоолойн багтраа, мэдрэлийн сульдаа, үе мөчний өвчинд онцгой тохиромжтой. Тархины судасны хатуурлын гүнзгийрсэн хэлбэр, зүрхний шигдээсийн дараах үед тохиромжгүй гэж байна. Дөрөвдүгээр сарын 20-ноос арваннэгдүгээр сарын 1-ний хооронд амрагчдаа хүлээн авдаг. Нэг ээлжиндээ 200-250 хүн хүлээн авах хүчин чадалтай. Төлбөрийн хувьд хоолоо амрагчид өөрсдөө гаргах бол хоногийн 8500 төгрөг, сувиллын газраас өдрийн гурван удаа хоол идэх бол 12-17 мянган төгрөгийн үнэтэй. Эднийхийг зорих амрагчид "Нарантуул" олон улсын худалдааны төвийн дэргэдээс Хэнтийн Дадал явах унаагаар явах боломжтой бөгөөд хотоос хөдлөхдөө амралтын газар руу урьдчилан мэдэгдвэл тосч авах ажээ.

Харилцах утас: 99378342, 0156226524

"АР ЖАНЧИВЛАН" РАШААН

Төв аймгийн Эрдэнэ сумын нутагт байрладаг уг рашааны газар Улаанбаатар хотоос 70 км-ийн зайд байрладаг. Ар Жанчивлангийн рашаан нь гидрокарбонат-кальци-натрийн найрлагатай, сул эрдэсжилтэй, сул хүчиллэг, нүүрсхүчлийн хийтэй, хүйтэн рашаан юм. Эмчилгээний хувьд ходоодны архаг үрэвсэл, 12 нугалаа гэдэсний хүндрэлгүй шархлаа, гэдэсний архаг үрэвсэл, элэг цөсний архаг өвчин, нойр булчирхайн архаг үрэвсэл, бодисын солилцооны өвчин, төмөр дутсан цус багадалтын үед хэрэглэдэг. Харин тархины судасны хатуурлын гүнзгийрсэн хэлбэр, хүнд хэлбэрийн зүрхний шигдээсний дараах үе, артерийн даралт ихдэлтийн өвчин ба II түүнээс дээш шат, зүрхний бахын байнгын болон хүнд хэлбэрийн илэрлийн үед энэ рашаан зохимжгүй. Байнгын ажиллагаатай тус рашааны газар нь нэг ээлжиндээ 150-300 хүн хүлээн авах хүчин чадалтай. Эрүүл мэндийн даатгалтай бол хоногийн 10900, даатгалгүй бол 15900 төгрөгийн үнэтэй. Даваа, пүрэв гаригт 11 цагаас "Тэнгис" кино театрын урдаас унаа явдаг ажээ. Унааны зардал нэг талдаа 3000 төгрөг.

Харилцах утас: 99041639, 99889891, 88119252

"ХАСУ ШИВЭРТ" РАШААН СУВИЛАЛ, АЯЛАЛ ЖУУЛЧЛАЛЫН ЦОГЦОЛБОР ТӨВ

Архангай аймгийн Батцэнгэл сумын Дарьхинтын хөндийд байрладаг. Архангайн Цэцэрлэг хотоос зүүн хойшоо 35 км, Улаанбаатар хотоос 465 км-ийн зайд гэсэн үг. Нэг дор 150 хүн хүлээн авах хүчин чадалтай. Жилийн дөрвөн улиралд үйл ажиллагаагаа явуулдаг бөгөөд шавар болон рашаан эмчилгээ, зүү төөнүүр, бариа засал, физик эмчилгээтэй. Байгалийн ундарга бүхий 68 градусын хүхэрлэг, халуун рашаантай. Мөн "Нохой унадаг" нуурын халуун шавраар мэдрэл, үе мөч, арьсны харшил болон бусад өвчнийг анагаадаг. Сувилуулагчид чөлөөт цагаа зөв боловсон өнгөрүүлэхэд зориулагдсан усан бассейн, биллъярд, ширээний теннис, сагсан бөмбөг, гар бөмбөгийн талбайтай.

Харилцах утас: 98007314, 98003212

"АВАРГА ТОСОН" СУВИЛАЛ

Энэхүү сувилал нь Хэнтийн Дэлгэрхаан сумын нутагт байрладаг. Улаанбаатар хотоос 203 км-ийн зайтай. Тосон нуурын рашааны химийн найрлага нь карбонат гидрокарбонат-хлорид, натри, кальцийн найрлагатай, соодлог нуур. Харин Аваргын рашаан нь гидрокарбонат-натри-магни-кальцийн найрлагатай аж. Хоёр ба гурав цэнэгтэй төмөртэй, нүүрсхүчлийн хийтэй рашаан юм. Ходоодны архаг үрэвсэл, 12 нугалаа гэдэсний хүндрэлгүй шархлаа, гэдэсний архаг үрэвсэл, элэг цөсний архаг өвчин, нойр булчирхайн архаг үрэвсэл, бодисын солилцооны өвчин, төмөр дутсан цус багадалтыг эмчилдэг. Шавар эмчилгээ хорт хавдар, үрэвсэлт өвчнүүд, архаг өвчний сэдрэлийн үе, сүрьеэ, деканпенсацийн шатанд байгаа зүрхний гажиг, даралт ихдэх өвчин, бронхийн багтраа, элэгний хатуурал өвчинд зохимжгүй гэдгийг анхаарах хэрэгтэй шүү. Тус сувиллын газар зургадугаар сарын 14-нөөс есдүгээр сарын 16-ны хооронд амрагчдаа хүлээн авдаг юм байна. Нэг ээлжиндээ 250 хүн хүлээн авах хүчин чадалтай. Төлбөр хоногийн 18800-22500 төгрөг бөгөөд амрагчдадаа долоо хоногт хоёр удаа автобусаар үйлчилдэг ажээ.

Харилцах утас: 99198078, 70153033,70153034

"ОТГОНТЭНГЭР" РАШААН, СУВИЛАЛ

Энэ сувилал нь Завхан аймгийн Алдархаан сумын нутагг, Улиастай сумаас зүүн тийш 78 км, Отгонтэнгэр уулнаас 20 орчим км зайтай, өндөр уулс, ой мод бүхий газарт байрладаг. Натри, кальци, фторт азотийн халуун рашаан бөгөөд рашаанд оруулах хэлбэрээр эмчилгээ хийдэг. Үе мөчний зарим өвчин, эмэгтэйчүүд, мэдрэлийн өвчний үед онцгой сайн нөлөөтэй. Тархины судасны хатуурлын гүнзгийрсэн хэлбэр, зүрхний шигдээсийн дараах үе, зүрхний хүнд хэлбэрийн илэрлийн үед зохимжгүй. Энэхүү рашаан нь зургадугаар сарын 1-нээс есдүгээр сарын 1-ийг хүртэл ажилладаг байна. Нэг ээлжиндээ 150-210 хүн хүлээж авах хүчин чадалтай гэсэн. Эрүүл мэндийн даатгалтай бол хоногийн төлбөр 8000, даатгалгүй бол 20 мянган төгрөг. Эмчлүүлэхээр захиалгад орсон хүмүүст долоо хоногт нэг удаа Улаанбаатар хотоос унаагаар үйлчилдэг.

Харилцах утас: 01462-21620, 99059022, 99468182

"ӨӨШ МАНХАН" ЭЛСЭН СУВИЛАЛ

Дундговь аймгийн Өлзийт сумын нутагт байрлах сувилал нь Улаанбаатар хотоос 420 км-ийн зайтай оршдог. Бөөрний төрөл бүрийн архаг өвчин, үе мөчний архаг өвчин, цусны зарим төрлийн өвчтэй хүмүүс, хөл гар, нуруу нь татсан хүмүүсийг байгалийн хүчин зүйл болох нар, агаар, ингэний сүү, хоормогоор эмчлэн сувилдаг. Элсэн хучлага, наран шарлага, ингэний хоормог уулгах, бариа засал хийх, зүү төөнүүр тавих аргуудаар эмчилдэг. Мөн нарны халуун энерги бүхий элс, ингэний хоормогоор таван цул, дотор, гадна хаванг эмчилдэг. Үүний зэрэгцээ бие дээгүүр гарсан элдэв тууралт зэргийг эдгээхэд тустай ажээ. Энэхүү, элсэн сувиллын элс нь баруунаас зүүн тийш таван км урт сунаж тогтсон. Элс нь нарны энергийг ихээр шингээдэг, маш нарийн ширхэгтэй, эрдэс баялгийн олон бодистой ажээ. Уг элсийг хэлнийхээ хонхорт тавихаар хайлдаг бөгөөд барилгын ажилд хэрэглэж болдоггүй гэдэг. Сувилал зургадугаар сарын 12-ноос наймдугаар сарын 17-ны хооронд ажилладаг бөгөөд хоногийн төлбөр 23100. Эрүүл мэндийн даатгалтай бол хоногт 3500 төгрөгийн хөнгөлөлт эдэлдэг.

ХУЖИРТЫН ХАЛУУН РАШААН

Уг рашаан нь Өвөрхангай аймгийн Хужирт сумын нутагт байрлах бөгөөд нийслэл хотоос 290 км-ийн зайтай. Карбонат-сульфат-натри-кальцийн найрлагатай, фторт азотын халуун рашаан бөгөөд үе мөч, арьсны өвчин, ясны гэмтэл, эмэгтэйчүүд, мэдрэлийн өвчний үед голдуу хэрэглэнэ. Мөн эмчилгээний хүчин зүйлийн нэг бол лаг хар шавар бөгөөд үе мөч болон арьсны зарим өвчинд нэн тустай. Эмчилгээг шавраар, усаар, зүүгээр, бариа засал болон физик эмчилгээний аргаар хийдэг байна. Тархины судасны хатуурлын гүнзгийрсэн хэлбэр, хүнд хэм алдагдал, зүрхний шигдээсийн дараах үе, артерийн даралт эхлэх өвчин, зүрхний бахын байнгын болон хүнд хэлбэрийн илэрлийн үед энэ рашаан зохимжгүй. Тус сувилал нь ээлжиндээ 350-600 хүн хүлээн авах хүчин чадалтай. Энгийн өрөө нь хоногийн 13-17 мянга, хагас люкс нь 25, люкс нь 30 мянган төгрөг. Эрүүл мэндийн даатгалгүй бол хоногийн 5000 төгрөгийн нэмэгдэлтэй ажээ. Тус рашаан руу даваа, лхагва, баасан гаригуудад зорчигч тээврийн үйлчилгээний төвөөс өглөөний найман цагт автобус явдаг байна.

Харилцах утас: 01322-26507, 91913860, 99093324
Харилцах утас: 99118191, 633449, 96061971
 
Г.Буянжаргал
Т.Бумханд

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд GoGo.mn хариуцлага хүлээхгүй.



НИЙТ СЭТГЭГДЭЛ 28 Их хариулттай Их таалсан
  • Зочин     112.72.11.67
    2012 onii 7sard hodoodni hort hawdar gesen onoshoor hodoodoo buten awhuulsan tairsan hodoodnoos esiin shinjilgee awahad hort hawdargui gesn dugnelt garch himiin emchilgeend ywaagui.Hagalgaand orsnoos bolood nuugdmal bsn elegnii wirus idewhjij elegnii serioztoi bolj eleg hatuurch hewlii ustai bolson. Odoo bas mash olon tsusnii chuluutai bolsn. Nadad taarch tohiroh em tanbolon rashaan suwilal bnuu tus bolon uu! setgegdlee uldeenuu minii dugaar 88786450
    2014-03-13 0 0 Хариулах
  • Зочин     202.179.20.211
    Дээрхи зураг нь Шаргалжуут рашаан сувиллын зураг Шаргалжуут рашаан сувилал нь байгалийн эмчилгээний хүчин зүйл олонтой мөн физик, уламжлалт, бариа заслын эмчилгээ давхар хийгдэнэ. Холбогдох утас: 7000-3034. 95829918 Захиалгын төвийн хаяг: 3.4-р хороолол Хөх хулганы орны хажууд Тана мебель 1-р давхар
    2013-11-22 0 0 Хариулах
  • bayaraa     202.131.233.59
    ene exewchlen xotod oir gazaruud bichjee shargaljuut gj sain rashaan baidag eneni talaar yagad bichegui ym be
    2013-05-26 1 0 Хариулах
  • Зочин     202.179.20.211
    Дээрхи зураг нь Шаргалжуут рашаан сувиллын зураг Шаргалжуут рашаан сувилал нь байгалийн эмчилгээний хүчин зүйл олонтой мөн физик, уламжлалт, бариа заслын эмчилгээ давхар хийгдэнэ. Холбогдох утас: 7000-3034. 95829918 Захиалгын төвийн хаяг: 3.4-р хороолол Хөх хулганы орны хажууд Тана мебель 1-р давхар
    2013-11-22 0 0 Хариулах
  • Зочин     122.201.18.156
    suvlaluudin zarim medeellig sain sudlaj bichsen bol hamgiin suulin uenin medeellig gargasan bol ih heregtei baih bailaa\'
    2012-06-14 0 0 Хариулах
  • mugi     202.131.233.230
    yostoi goy medeelel baina bayarlalaa yaaj sudaldag yum bilee gej bodoj baisin
    2012-06-14 0 0 Хариулах
  • Zochin     61.65.196.171
    ulaanbaatar suwilal gej baihaa bolson shuu dee huuhduudee. ulaanbaatar suwilal tertee 20 jiliin omno tatan buugdsan. odoo ene emnelegiig ulamjlaltiin tuw emneleg gedeg bolson bnalee. suwilaliin shugamaar hun hewtuulehee boliod udaj bgaa gesen dee. harin zundaa gachuurtad suwilal neen ajilluuldag gene bilee. tegeed tendee guunii sam, zuu emchilgee bolon busad emchilgeenuudiig hiideg gesen.
    2012-06-12 1 0 Хариулах
  • zaya     122.201.18.144
    10 n sar hvrtel ajillad suwilal bn uu
    2012-06-13 0 0 Хариулах
  • oyuka     202.179.11.30
    heregtei medeelel niitelsen bna. buur nuruunii uwchind heregtei suwilal uur ymar suwilal bna.ene talaar irgeded medeelel ugnu uu.
    2012-06-11 0 0 Хариулах
  • zochin     203.91.113.18
    Шаргалзуутын зургийг тавьчихаад доор нь нэрийг нь бичсэнгүй дээ
    2012-06-11 0 0 Хариулах
  • huuchin medee     119.40.100.18
    ta nar boliochee huuchin medeeegee huulaad tavisan bna sh dee. urid heden jiliin umnu tanai saitad bsan. ene utasnuud ni hurtel zarim ni ajillahgui une tarif ni hurtel shal hudlaa bna. shinechleed taviachee
    2012-06-11 0 0 Хариулах
  • huuchin medee     119.40.100.18
    ta nar boliochee huuchin medeeegee huulaad tavisan bna sh dee. urid heden jiliin umnu tanai saitad bsan. ene utasnuud ni hurtel zarim ni ajillahgui une tarif ni hurtel shal hudlaa bna. shinechleed taviachee
    2012-06-11 0 0 Хариулах
  • Зочин     202.131.227.133
    sain bna uu iim medeelel oruulsand bayarlalaa tegehdee unen zub bichih heregtei uburjanchiblan gehed engiin uruu ni 22 myanga bolson gene saya 6 sariin negnees nemegdsen genee alivaa yumiig unuen zubuur bichie.
    2012-06-11 0 0 Хариулах
  • Зочин     202.179.20.190
    эрхэм хүндэт г.буянжаргал,т.бумханд нарт шивэртийн рашааны чин утас шал худлаа байнадаа
    2012-06-11 0 0 Хариулах
  • Marta     202.70.46.201
    gehdee l mash chuhal medeelel bna. une huls, utsiig ni medej bgaa yum bol zalruulaad bich l dee. heruul hiih geed l bh yumaa ene humuus.
    2012-06-11 0 0 Хариулах
  • zochin     202.126.94.80
    shargaljuut rashaan subilaliig yagaad bichihgui bgaam be sain shdee
    2012-06-11 0 0 Хариулах
  • Зочин     24.148.77.67
    yaag odoo mordoj baigaa tarif ni mon uu, arai l himd sanagdaad baih yum
    2012-06-11 0 0 Хариулах
  • Зочин     49.0.188.13
    shargaljuut hna bn
    2012-06-11 0 0 Хариулах
  • Зочин     114.31.70.114
    dusaal goojson heden umhii ambaaruud l baidag yum bilee dee hu
    2012-06-10 0 0 Хариулах
  • ug     202.72.247.219
    ta nart bauarlalaa gehdee ene tarif ni buruu bishuu utsaar asuusan chin oor baih yum
    2012-06-10 0 0 Хариулах
  • nana     203.91.117.4
    zow hergtei medeelel bn. dahiad neg ym helj ogch tuslaach, arhag olon jiliin ydargaatai hun suwiluulah ymar suwilal bn we
    2012-06-10 0 0 Хариулах
  • BAYARLALAA.     118.129.141.74
    estoi ih bayarlalaa.
    2012-06-10 0 0 Хариулах
  • Баярлалаа.     69.136.5.122
    эрхэм хүндэт г.буянжаргал,т.бумханд нарт:цаг хөдөлмөр,сэтгэл гаргаж олон түмэнд хэрэгтэй зөвлөлгөө,танилцуулга нийтлүүлсэнд их баярлалаа. сайн үйлс дэлгэрэг.
    2012-06-10 2 0 Хариулах
  • zochin     85.26.241.176
    sain medee bn shuu.bodoj bsan ymiig mine bichisen bn. uul n xeregtee xereggui xov jiv bichijij bsanaas iim xun xeregtei medee baival zugeer l bn
    2012-06-09 2 0 Хариулах
  • zochin     85.26.241.176
    ene medee yag tsagaa olson medee bn. medeeg oruulson 2 bayrllaa
    2012-06-09 3 0 Хариулах
  • Zochin     202.70.46.11
    heregtei medeelel bn txs. guunii saamaar eleg emchildeg sn gazaruudiin medeelel nemj uguuch.
    2012-06-09 1 0 Хариулах
  • bi     202.179.1.41
    tu heregtei medeelel oruulsand bayrlala,bicheed avchlaa.
    2012-06-09 1 0 Хариулах
  • Монгол     182.160.61.198
    тун хэрэгтэй мэдээлэл байна. баярлалаа.
    2012-06-09 6 0 Хариулах
 
 
Х.Тэмүүжин, О.Баасанхүү нарын “тэмцэл”

GO САНАЛ АСУУЛГА

“Эхэд тэтгэмж, дэмжлэг, хөнгөлөлт эдлүүлэх тухай” хуулийн төсөлд та ямар санал оруулах хүсэлтэй байна вэ?
Нийт 5176 санал өгсөн байна.
  •  
     
  •  
     
  •  
     
  •  
     
  •