Засгийн газар иргэдийн санал хүсэлтийг авах 1111 төвийг нээнэ

Сэтгүүлч О.Ариунбилэг

2012-10-11 15:36 GMT+8

Шинэчлэлийн Засгийн газар иргэдийн санал хүсэлтийг хүлээн авах 1111 төвийг нээхээр болжээ.

Тус төвийн нээлтийн ажиллагаа аравдугаар сарын 12-ны өдрийн 09:20 цагт МУИС-ийн баруун талд иргэдийг хүлээж авах төвд болох ажээ.

Энэхүү төв нь нийгмийн хүндрэл бэрхшээл, асуудлын талаарх иргэдийн санал гомдлыг холбогдох төрийн байгууллагад хүргэж, шийдвэрлүүлэх боломжийг иргэдэд олгох гэнэ. Мөн асуудлын шийдвэрлэх явцтай ч танилцаж болно.

Үүний тулд 1111 дугаарт утсаар ярих, 141111 дугаарт мессэж илгээх, http://11-11.mn/ хаягт хандах, твиттер, фэйсбүүк хуудсанд зочлохын зэрэгцээ өөрийн биеэр санал хүсэлтээ хүргэх боломжтой ажээ.

Иргэдийн санал хүсэлтийг авах энэ ажилд Засгийн газрын хэрэг эрхлэх газар болон Ерөнхий сайд шууд хяналт тавих юм байна.

М.Жаргал

GoGo Facebook Хуудас
 
 
Нийслэлийн нийтийн тээврийн газраас бэлэн мөнгөөр зорчих бол есдүгээр сарын 1-нээс эхлэн 1000 төгрөг төлөх санал гаргажээ. Та энэ саналыг дэмжиж байна уу?
Нийт 3736 санал өгсөн байна.

Дээшээ