МҮОХ-ны Ерөнхийлөгчид гурван хүн өрсөлдөнө

Зууны мэдээ

2012-11-26 13:35 GMT+8

Монголын Үндэсний Олимпийн Хорооны ээлжит чуулган ирэх сарын 19-нд Улаанбаатар хотноо зохиогдоно.

МҮОХ-ны Дүрмийн 8.6 заалтын дагуу чуулган эхлэхээс нэг сарын өмнө МҮОХ-ны Ерөнхийлөгч болон Гүйцэтгэх зөвлөлийн гишүүнд нэрээ дэвшүүлэх ёстой билээ.

Энэ удаагийн Олимпийн чуулганд МҮОХ-ны Ерөнхийлөгчийн албан тушаалд дараах гурван хүн нэрээ дэвшүүлээд байгаа бол гүйцэтгэх зөвлөлийн гишүүн болохын төлөө 15 хүн нэрээ дэвшүүлжээ.

МҮОХ-ны ерөнхийлөгчид нэр дэвшигчид

Дэмчигжав овогтой Загдсүрэн

1958 оны 11 дүгээр сарын 24-нд Завхан аймгийн Нөмрөг суманд төрсөн
Спортын эмч, Анагаах Ухааны Боловсролын доктор
Эрүүлийг хамгаалахын Гавьяат ажилтан /2008/
Азийн Олимпийн Зөвлөлийн Гавьяаны одон /2006/
Үндэсний Олимпийн Хороодын Зөвлөлийн Гавьяаны одон /2008/
2001 оноос МҮОХ-ны Ерөнхийлөгч
2011 оноос Монголын Хүндийг Өргөлтийн Холбооны Ерөнхийлөгчөөр сонгогдон ажиллаж байна.



Данзандорж овогтой Баясгалан

1968 оны 7 дугаар сарын 28-нд Улаанбаатар хотноо төрсөн Инженер-эдийн засагч, Бизнесийн удирдлагын магистр
“Алтан Гадас” одон /2007/
МҮОХ-ны “Алтан Од” одон /2008/
Ардчиллын төлөө Чингисийн одон /2011/
БТС-ын Тэргүүний ажилтан /2012/
Монголын Оюутны Спортын Холбооны Ерөнхийлөгч /1996 оноос одоог хүртэл/
Олон Улсын Оюутны Спортын Холбооны Гүйцэтгэх зөвлөлийн гишүүн, Ерөнхий Санхүүч




Дамбий овогтой Дорлигжав

1959 оны 7 дугаар сарын 24-нд Увс аймгийн Зүүнговь суманд төрсөн
Хуульч, эрхзүйч мэргэжилтэй
Монголын Жүдо Бөхийн Холбооны тэргүүн Дэд Ерөнхийлөгч
Монгол Улсын Ерөнхий Прокурор








М.Хүслэн

GoGo Facebook Хуудас
 
 
Та хувийн эмнэлэгт хүүхдээ үзүүлэхдээ сэтгэл хангалуун байдаг уу?
Нийт 2335 санал өгсөн байна.

Дээшээ