Нийслэлийн гудамж талбайд байрлах зар, сурталчилгааны самбарыг журамлана


2013-01-26 11:17 GMT+8

Улаанбаатар хотын ЗАА-ны Тохижилт, хог хаягдлын удирдлагын хэлтэс, Нийслэлийн зам талбайд байрлуулсан зар сурталчилгаа, мэдээллийн байгууламжийг шинэчлэх журмын төслийг боловсруулжээ.

“Нийслэлийн иргэний оролцооны танхим”-д тухайн төслийг иргэдээр хэлэлцүүлсэн байна.  НИТХ 2006 онд  одоогийн журмыг баталсан. Одоогоос долоон жилийн өмнө боловсруулсан журам өнөөдрийн нийслэлийн амьдралд тохирохоо больжээ.

Тухайн үед энэ талаар тодорхой ойлголт багатай байсан тул замын хөдөлгөөний аюулгүй байдалд сөргөөр нөлөөлөх талаас нь төдийлөн тооцож үзээгүй аж.

Харин одоо замын хөдөлгөөний аюулгүй байдалд сөргөөр нөлөөлөх, хотын өнгө үзэмжид нийцэхгүй зэрэг олон талаас нь авч үзжээ. Улаанбаатар хотын гудамжинд өнөөдрийн байдлаар 274 байгууллага, аж ахуйн нэгжийн нийт 2100 орчим зар сурталчилгаа, мэдээллийн самбар байрлаж байгаа юм байна.

Б.Номин

GoGo Facebook Хуудас
 
 
Согтуугаар тээврийн хэрэгсэл жолоодсон этгээдэд хөдөлмөрийн хөлсний доод хэмжээг 2 нийлүүлсэнтэй ижил хэмжээний мөнгөн торгууль (384 мянган төгрөг) ногдуулж, жолоодох эрхийг 6 сараас 2 жил хүртэлх хугацаагаар хасах гэсэн заалттай хуулийн төсөл өргөн барьсан. Та үүнийг дэмжих үү?
Нийт 1009 санал өгсөн байна.

Дээшээ