Улсын бүртгэлийн ерөнхий газар маргааш ажиллана


2013-03-22 13:44 GMT+8

“Иргэний баримт бичгийн зөрчил арилгах, баримт бичиггүй иргэдийг бичиг баримтжуулах сарын аян”-ыг УБЕГ-аас эхлүүлээд байгаа билээ.

Уг аяны хүрээнд гуравдугаар сарын 23-н буюу маргааш 10.00-16.00 цаг хүртэл “Нээлттэй хаалганы өдөр”-ийг улсын хэмжээнд зохион байгуулахаар болжээ.

Маргааш тус газрын харъяа Нийслэлийн улсын бүртгэлийн газар, Иргэний бүртгэлийн газар, Хуулийн этгээдийн бүртгэлийн газар, Эд хөрөнгийн эрхийн бүртгэлийн газар болон аймаг, нийслэлийн дүүргийн Улсын бүртгэлийн хэлтэс, нэгжүүд бүрэн бүрэлдэхүүнээр ажиллах юм байна.

Энэ өдөр иргэн, эд хөрөнгө, хуулийн этгээдийн үйлчилгээ үзүүлэхээс гадна архивын лавлагаа, гадаад паспорт олгох, шинээр материал хүлээн авах  зэрэг улсын бүртгэлийн бүхий л  төрлийн  үйлчилгээ үзүүлнэ.

Мөн баримт бичгийн зөрчилтэй иргэд өөрийн оршин суугаа дүүргийнхээ хорооны улсын бүртгэгчид хандан судалгаанд хамрагдаж зөрчлөө арилгуулах боломжтой аж.

Х.Алтанзагас

GoGo Facebook Хуудас
 
 
Шийдлийн Засгийн газрын 100 хоног маргааш буюу гуравдугаар сарын 20-нд болно. Та Засгийн газрын үйл ажиллагаанд ямар дүгнэлт өгөх вэ?
Нийт 4078 санал өгсөн байна.

Дээшээ