Сонгогчдын бүртгэлээ сонгуулиас өмнө баталгаажуулах шаардлагатай


2013-05-20 14:12 GMT+8

Улсын бүртгэлийн ерөнхий газраас өнгөрсөн хоёрдугаар сарын 28-ны өдөр буюу сонгуулийн тухай хуульд заасны дагуу насанд хүрсэн нийт иргэдийн сонгогчдын нэрийн жагсаалтыг хуулийн хугацаанд өөрийн байгууллагын www.burtgel.mn цахим хуудаст байршуулаад байна.

Харин өнөөдрийн байдлаар уг сайтаар нийт 170 мянга гаруй иргэн хандалт хийж өөрийн мэдээллээ шалгасан байгаа нь иргэдийн идэвхи сул байгааг харуулж байгаа юм. Тиймээс иргэн бүр дээрх цахим хаягаар орж нүүрэн хэсэгт байрлах  “Ерөнхийлөгчийн сонгууль 2013” цонхны “ЭНД дарна уу” гэсэн хэсгийг дарж, нэвтрэн, регистрийн дугаараа оруулж зөвхөн өөрт хамааралтай мэдээлэлтэй танилцаж, сонгогчдын нэрийн жагсаалтад бүртгэгдсэн эсэхээ шалгахыг дахин сануулж байна. Хэрэв мэдээлэл бүртгэгдээгүй юм уу зөрчилтэй байвал зөрчлийг арилгуулах талаар өөрийн оршин суугаа харьяа сум, дүүргийнхээ иргэний бүртгэлийн тасагт хүсэлтээ гаргах боломжтой юм.

Мөн Монгол Улсын Ерөнхийлөгчийн сонгуулийн тухай хуульд заасны дагуу өөрийн болон өөрийн гэр бүлийн аль нэг гишүүний нэр сонгогчдын нэрийн жагсаалтад бүртгэгдээгүй буюу буруу бүртэгдсэн байвал санал авах өдрөөс 10-аас доошгүй хоногийн өмнө улсын бүртгэлийн байгууллагад бичгээр гомдол гаргах эрхтэй. Энэ талаар улсын бүртгэлийн нэгдсэн лавлах 1890 утсанд холбогдож өөрт хэрэгтэй зөвлөгөө, мэдээллийг авч болох юм.

Харин хуульд заасны дагуу эрх зүйн чадамжгүй нь шүүхийн шийдвэрээр тогтоогдсон, санал авах өдөр хорих газарт ял эдэлж байх, 60 ба түүнээс дээш хоногийн хугацаагаар гадаад улсад зорчсон, санал авах өдөр хилийн цэргийн харьяа тусгай анги, салбар болон зэвсэгт хүчний анги нэгтгэлд алба хааж байгаа боловч тухайн сум, дүүргийн нутаг дэвсгэрт байнга оршин суух бүртгэлгүй сонгогчдын мэдээллийг Улсын дээд шүүх ШШГЕГ, ХХЕГ, Батлан хамгаалах яам тавдугаар сарын 15-ны дотор тус газарт ирүүлэхээр заасны дагуу ирүүлээд байгаа бөгөөд улсын бүртгэлийн мэдээллийн нэгдсэн санд тулган нягтлах ажлыг хийж байгаа юм байна.  

Г.Билгүүн

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд GoGo.mn хариуцлага хүлээхгүй.



НИЙТ СЭТГЭГДЭЛ 5 Их хариулттай Их таалсан
  • bolio bolio     27.123.214.2
    songuulid oroltsohgui!!!
    2013-05-20 1 0 Хариулах
  • Зочин     124.158.126.81
    naad site-aa yanzalchih, orohoor um neheed bna. ene tend ni tailbar ene ter hiij bolohgui uuuu....
    2013-05-20 1 0 Хариулах
  • a     203.194.114.180
    энэ сайтруу нь орохоор цахим шуудан, нууц үг гэж нэхээд байна ш дээ!!!
    2013-05-20 2 0 Хариулах
  • Hariu     202.21.112.202
    eronhiilogchiin songuuli 2013 gesen banner deer n daraarai
    2013-05-20 1 0 Хариулах
  • стресс тайлагч     202.126.91.68
    зассссс наад линк минкээ янзлааач худлаа олон долоон юм ярьцгааж байхаар!
    2013-05-20 0 1 Хариулах

САНАЛ БОЛГОХ

 
 
Х.Тэмүүжин, О.Баасанхүү нарын “тэмцэл”

GO САНАЛ АСУУЛГА

Барилгын ажлууд дөнгөж эхлэхэд л нийслэлд нэг хүн амиа алдаж, нэг хүүхэд гэмтлээ. Энэ байдлыг таслан зогсоохын тулд шуурхай, томоохон арга хэмжээ авах цаг хэдийнэ болжээ. Эс тэгвээс дараах албан тушаалтнуудын хэнтэй нь хамгийн түрүүнд хариуцлага тооцох ёстой вэ?
Нийт 299 санал өгсөн байна.
  •  
     
  •  
     
  •  
     
  •  
     
  •