Огторгуй ертөнц, сансрын уудам тааж баршгүй, бас хязгааргүй билээ. Дэлхийн иргэд бид хязгааргүй уудмын өчүүхэн нэг хэсэг. Сансар огторгуйд бидний таньж мэдээгүй асар олон амьдрал бий. Гэсэн ч тэдгээрийг бүрэн илрүүлж чадаагүй байгаа юм.
Тэгвэл Америкийн одон орон судлаачид бүтэц, хэмжээгээрээ дэлхийтэй маш төстэй, амьдрал байж болзошгүй гариг олсныг BBC мэдээлж байна. АНУ-ын сансрын агентлагийн мэдээлснээр тус гаригийг 2009 оны гуравдугаар сард илгээсэн "Kepler" буюу “Гаригийн анчид” телескопын тусламжтай илрүүлжээ.
Тус гаригийг “Kepler-186f” гэж нэрлэсэн бөгөөд энд амьдрал байж болзошгүй гэнэ. Учир нь амьдрал бий болох таатай бүсэд оршдог байна.
“Kepler-186f” гариг хэт хүйтэн, хэт халуун ч биш. Түүнчлэн тус гаригийн гадаргуу дээр ус байгаа бөгөөд ус шингэн төлөвт байгаа нь амьд организм байх боломжтойг баталсан хэрэг гэж эрдэмтэд онцолж байна.
Тус гариг нь дэлхийгээс 500 гэрлийн жилийн зайд байрладаг аж. Тодруулбал, нэг гэрлийн жил нь нэг жилд гэрлийн хурдаар дамжин өнгөрөх зай юм.
Гаригийн масс, бүрэлдэхүүнийг эрдэмтэд одоогоор тогтоогоогүй байгаа. Гэхдээ “Kepler-186f”-ийн гадаргуунд хатуу чулуунууд давамгайлснаас үндэслэн хадархаг гариг гэж үзэж байгаа юм.
Түүнчлэн “Kepler-186f”-ийн гадаргуугийн температурийг тодорхойлох агаар мандлыг илрүүлж амжаагүй байна.
Сүүлийн жилүүдэд одон орны судалгаанд хэд хэдэн чухал нээлтүүд хийсэн. “Kepler” телескопоор хамгийн анхны гаригийг 20 жилийн өмнө илрүүлж байсан бол одоо хоёр мянга гаруй гариг олж тогтоожээ.
Огторгуй ертөнц, сансрын уудам тааж баршгүй, бас хязгааргүй билээ. Дэлхийн иргэд бид хязгааргүй уудмын өчүүхэн нэг хэсэг. Сансар огторгуйд бидний таньж мэдээгүй асар олон амьдрал бий. Гэсэн ч тэдгээрийг бүрэн илрүүлж чадаагүй байгаа юм.
Тэгвэл Америкийн одон орон судлаачид бүтэц, хэмжээгээрээ дэлхийтэй маш төстэй, амьдрал байж болзошгүй гариг олсныг BBC мэдээлж байна. АНУ-ын сансрын агентлагийн мэдээлснээр тус гаригийг 2009 оны гуравдугаар сард илгээсэн "Kepler" буюу “Гаригийн анчид” телескопын тусламжтай илрүүлжээ.
Тус гаригийг “Kepler-186f” гэж нэрлэсэн бөгөөд энд амьдрал байж болзошгүй гэнэ. Учир нь амьдрал бий болох таатай бүсэд оршдог байна.
“Kepler-186f” гариг хэт хүйтэн, хэт халуун ч биш. Түүнчлэн тус гаригийн гадаргуу дээр ус байгаа бөгөөд ус шингэн төлөвт байгаа нь амьд организм байх боломжтойг баталсан хэрэг гэж эрдэмтэд онцолж байна.
Тус гариг нь дэлхийгээс 500 гэрлийн жилийн зайд байрладаг аж. Тодруулбал, нэг гэрлийн жил нь нэг жилд гэрлийн хурдаар дамжин өнгөрөх зай юм.
Гаригийн масс, бүрэлдэхүүнийг эрдэмтэд одоогоор тогтоогоогүй байгаа. Гэхдээ “Kepler-186f”-ийн гадаргуунд хатуу чулуунууд давамгайлснаас үндэслэн хадархаг гариг гэж үзэж байгаа юм.
Түүнчлэн “Kepler-186f”-ийн гадаргуугийн температурийг тодорхойлох агаар мандлыг илрүүлж амжаагүй байна.
Сүүлийн жилүүдэд одон орны судалгаанд хэд хэдэн чухал нээлтүүд хийсэн. “Kepler” телескопоор хамгийн анхны гаригийг 20 жилийн өмнө илрүүлж байсан бол одоо хоёр мянга гаруй гариг олж тогтоожээ.