Японы гурав дахь том зэс үйлдвэрлэгч “Mitsubishi Materials Corp” компани Оюутолгойгоос бүтээгдэхүүн нийлүүлэх урт хугацааны гэрээ байгуулахаар ажиллаж буйг “Bloomberg” мэдээллээ.
“Mitsubishi Materials Corp” болон “Mitsui & Co” нь туршилтаар 5000 тонн зэсийн баяжмал импортлох гэрээг “Оюутолгой” компанитай байгуулсан тухай “Mitsubishi Materials Corp”-ын Түүхий эд хариуцсан хэлтсийн ерөнхий менежер Тацуя Иноуэ мэдэгджээ. “Mitsui & Co” компани тээвэр, ложистикийг нь хариуцах аж.
“Mitsubishi Materials Corp” нь жилд нэг сая орчим тонн зэсийн баяжмал импортолдог байна. Түүнийхээ 70 гаруй хувийг Өмнөд Америкаас авдаг гэнэ. Энэ талаар Тацуя Иноуэ “Бид олон нийлүүлэгчтэй болох хүсэлтэй байна” гэж ярьсныг “Reuters” онцолжээ. Дэлхийд томд тооцогдох Оюутолгойн уурхайгаас ирэх онд 195.000 тонн баяжмал дахь зэс үйлдвэрлэхээр төлөвлөснийг дээрх цахим хуудсанд мөн бичсэн байна.
Оюутолгойн бүтээгдэхүүнийг төмөр замаар ОХУ-ын Владивосток боомтод хүргэн, дараа нь далайгаар Япон руу тээвэрлэхээр төлөвлөжээ. Тодруулбал, Шикокү бүсийн Кагава муж дахь “Mitsubishi Materials Corp” компанийн үйлдвэрт аваачих юм байна. Үүнд 30 орчим хоног зарцуулахаар байгаа гэнэ. Харин Өмнөд Америкаас бүтээгдэхүүн тээвэрлэхэд 30-40 хоног зарцуулдаг байна. Оюутолгойн зэсийн баяжмалыг зөвхөн БНХАУ руу бус Азийн өөр нэгэн том зах зээлд нийлүүлэх боломж ийнхүү бүрдэх нь. Учир нь дээрх урт хугацааны гэрээг ирэх оны эхээр эцэслэн байгуулахаар төлөвлөжээ.
Ц.Болормаа
Японы гурав дахь том зэс үйлдвэрлэгч “Mitsubishi Materials Corp” компани Оюутолгойгоос бүтээгдэхүүн нийлүүлэх урт хугацааны гэрээ байгуулахаар ажиллаж буйг “Bloomberg” мэдээллээ.
“Mitsubishi Materials Corp” болон “Mitsui & Co” нь туршилтаар 5000 тонн зэсийн баяжмал импортлох гэрээг “Оюутолгой” компанитай байгуулсан тухай “Mitsubishi Materials Corp”-ын Түүхий эд хариуцсан хэлтсийн ерөнхий менежер Тацуя Иноуэ мэдэгджээ. “Mitsui & Co” компани тээвэр, ложистикийг нь хариуцах аж.
“Mitsubishi Materials Corp” нь жилд нэг сая орчим тонн зэсийн баяжмал импортолдог байна. Түүнийхээ 70 гаруй хувийг Өмнөд Америкаас авдаг гэнэ. Энэ талаар Тацуя Иноуэ “Бид олон нийлүүлэгчтэй болох хүсэлтэй байна” гэж ярьсныг “Reuters” онцолжээ. Дэлхийд томд тооцогдох Оюутолгойн уурхайгаас ирэх онд 195.000 тонн баяжмал дахь зэс үйлдвэрлэхээр төлөвлөснийг дээрх цахим хуудсанд мөн бичсэн байна.
Оюутолгойн бүтээгдэхүүнийг төмөр замаар ОХУ-ын Владивосток боомтод хүргэн, дараа нь далайгаар Япон руу тээвэрлэхээр төлөвлөжээ. Тодруулбал, Шикокү бүсийн Кагава муж дахь “Mitsubishi Materials Corp” компанийн үйлдвэрт аваачих юм байна. Үүнд 30 орчим хоног зарцуулахаар байгаа гэнэ. Харин Өмнөд Америкаас бүтээгдэхүүн тээвэрлэхэд 30-40 хоног зарцуулдаг байна. Оюутолгойн зэсийн баяжмалыг зөвхөн БНХАУ руу бус Азийн өөр нэгэн том зах зээлд нийлүүлэх боломж ийнхүү бүрдэх нь. Учир нь дээрх урт хугацааны гэрээг ирэх оны эхээр эцэслэн байгуулахаар төлөвлөжээ.
Ц.Болормаа