С.Эрдэнэцэцэг: Саарал морь минь шандас сайтай

"НИЙГМИЙН ТОЛЬ"

2008-01-14 10:56 GMT+8

Заяаны ханиа танин уулзвал даа
Замбуулин хорвоод төрөх ч үгүй дээ хө хэмээн эвлэг намуухан дуулах энэ бүсгүйг Сугарын Эрдэнэцэцэг гэдэг. Түүнийг ардын богино дуу дуулаачдын улсын уралдаанд оролцоход нь ирээдүйтэй, сайн дуучин болно гэж таньсан багш нар нь одоогийн Ардын дуу бүжгийн үндэсний чуулгад дагалдан дуучнаар авснаас хойш 20 гаруй жил өнгөрчээ. Сонин сэтгүүл хэвлэлд нэг их гараад байдаггүй дуучинтай. Дасгалд орохынх нь өмнө уулзаж ярилцлаа.

-Гавьяат маань яагаад урлагийг сонгох болоо вэ. Хэн энэ ертөнц рүү хөтлөө бол?
-Сургуульд байхдаа урлагийн үзлэг, шинэ жилийн концертонд дуулдаг байсан. Намайг нээж өгсөн хүн бол дуу хөгжмийн Цэнджав багшийгаа гэж хэлж болно оо. Би чинь хар нялхаараа л энэ чуулгад ирсэн. Одоо 20 жил болжээ.

-Авьяас удамшсан юм болов уу?
-Манай хоёр өвөө хоёулаа уртын дуу сайхан дуулдаг хүн байсан.

-Ямар дуундаа илүү хайртай вэ?
-Ардын богино дуу дуулаачдын улсын анхдугаар уралдаанд “Саарал морь”, “Зуны нар”, “Хүүхэн нанаа” дуугаар оролцож байсан. “Саарал морь” дуундаа хайртай. Монголчууд мориндоо хайртай байдаг шүү дээ. Анхны дуугаа Монгол түмний шүтээн морины тухай дуугаар эхэлсэн болохоор би өдий зэрэгтэй яваа. Өөрөөр хэлбэл, “Саарал морь” минь шандастай байна.

-Таны багын мөрөөдөл?
-Дуучин болохыг мөрөөддөг байлаа. Нэг их урт даашинз өмсчихөөд микрофон бариад дуулж байна гэж зүүдэлдэг байлаа. Хүмүүс сайхан зүүдийг хүнд хэлэхээр биелдэггүй гэдэг болохоор нь ердөө хүнд хэлээгүй. Дуучин болсон хойноо гэрийхэндээ хэлсэн чинь ямар олон жил нуусан юм бэ. Яасан гүргэр юм гээд бөөн инээдэм болсон. Хүний хүсэл мөрөөдөл хязгааргүй шүү дээ. Бас кинонд тоглохыг хүсдэг байсан маань биелэсэн. Б.Лхагвасүрэн гуайн найруулсан “Хүн чулууны нулимс” кинонд Сүххуягийн эхнэрийн дүрд, Нямгаваа найруулагчийн “Догшин хутагт”, Нагнайдоржийн “Өв” зэрэг кинонд жижихэн дүр бүтээсэн. Алдартай том жүжигчдийн хүчинд тэр дүрүүдийг бүтээсэн.

-Хүнд нэг оргил үе гэж байдаг таны оргил үе…?
-Одоо ч бас бүтээж туурвиж л явна. Гэхдээ “Сэтгэлийн үг”, “Учирах тавилан” дуунууд байна хит болж байсан тэр үе маань л юмуу даа. “Учирах тавилан” дууг дуулсаны дараа хөгжмийн зохиолч, дуучид үзэгчид гээд олон хүн сэтгэлийн үгээ илгээж байсан.

-Энхзул гавьяат, Болормаа дуучин та гуравын хамтарсан тоглолтын үеэр үзэгчид таныг монгол хувцсаа өмсөхгүй, илүү зохидог юм гэж ярьж байсан. Таны хувьд ямар хувцас нь илүү зохимжтой санагддаг вэ. Урлагийн хүний нэг илэрхийлэл бол хувцас байдаг шүү дээ?
-Тийм шүү үнэхээр хувцас бол илэрхийлэл. Надад үндэсний хувцас маань илүү зохьдог гэдэгтэй санал нэг байна. Тоглолтынхоо хувцасыг орчин үеийн загвартай хэрнээ үндэсний хэв маягтай хийлгэнэ ээ. Та бүхнийхээ хүсэлт саналыг хүлээж авлаа. Бас дуулж байгаа дуундаа тохируулах хэрэгтэй.

-Гавьяат, хувийн амьдралаасаа сонирхуулахгүй юу. 5-6 жилийн өмнө таныг шар сонин дээр гурван хүүхэдтэй гэж бичсэн байсан?
-Тэр чинь одоо илбэдчихдэг юм болов уу? Би ганц хүүтэй. Хүү маань одоо 16 настай, миний амьдралын баяр баясгалан болсон хүн.

-Хүүд авьяас байна уу?
-Дуулж байхыг нь хараагүй. Одоогоор мэдэгдсэн юм алга.

-Автобусны радиогоор таны дуулахыг сонсоод явж байсан хоёр залуугийн нэг нь 40, нөгөө нь 30 настай гэж ярьж байхыг сонссон. Эмэгтэй хүн насаа хэлдэггүй гэдэг ч жилээр нь хэлж болох уу?
- Жилээр нь хэлчихээр мэдчихнэ ээ. Ер нь эмэгтэй хүн насаа нууж байх сайн байдаг гэсэн. Ордоор нь хэлчихье л дээ. Жинлүүрийн ордных.

-Магадгүй таны асуугаасай гэсэн зүйлийг чинь асууж чадаагүй байж мэднэ?
-Ахмад уран бүтээлчидгүй бид хэн ч биш шүү дээ. Биднийг өдий зэрэгт хүргэж өгсөн та нартаа, багш нартаа маш их баярлаж явдаг шүү гээд уран бүтээлийн өндөр амжилт хүсье.

-Сүүлийн үед ямар уран бүтээл хийж байна вэ. Бие даасан тоглолт хийх үү?
- Чуулга бол миний албан ажил. Сая оны өмнө “Монгол нутаг мину” гээд говь, хангай, тайга, хээрийг харуулсан бүтээл хийсэн. Үүнд би хангай талруугаа тухай дуулж байгаа. Одоо цагаан сарын өмнө Монгол улсын гавьяат жүжигчин Хоролсүрэн, Нансалмаа, Надмид, Баттөмөр гээд олон сайхан ахмад дуучидтайгаа хамтран ард түмний сэтгэлд хоногшсон дуугаар тоглолт хийж үзэгчиддээ барих гэж байна. Өөрийн хувьд яг одоохондоо тийм, ийм юм хийнэ гэж төлөвлөсөн юм алга.

С.Туул  

 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд GoGo.mn хариуцлага хүлээхгүй.



НИЙТ СЭТГЭГДЭЛ 8 Их хариулттай Их таалсан
  • болдоо     119.40.102.64
    энийг яамар юмныхан хөөрхөн сайхан хүүхэн гэдгийг эрийн заяа харьсан нэг шаамий янхан л байна сайхан хүүхэн байсан бол аль хэдийнээ нөхөр хүүхэдтэй сайхан амьдарч байхгүй юу өөрөө болохгүй яшка болохоор ашиглуулаад л хаягддаг биздээ хөөрхий гэж
    2012-10-02 0 0 Хариулах
  • болдоод     182.160.45.153
    чи иймэрхүү яашка хаана үзсэн *** вэ
    2013-05-30 0 0 Хариулах
  • Зочин     202.131.225.20
    huurhun tee
    2008-01-16 0 0 Хариулах
  • Asuult     76.223.248.93
    Chi yaagaad xormoin talaar ner muutai boltson be?
    2008-01-18 0 0 Хариулах
  • Тиймээ     76.223.248.93
    Нээрээ, энэ өөрийгөө сайхан хүүхний тоонд багтаах гээд үзчихнээ... Нуруу жоохонтой бас шаамий... Хамгийн гол нь олон түмэн нэг л ам муутай байдаг юм. Явдалтай завхай гээд л... Над бол нүд хөөрхөн санагддаг... Харин энэ зурган дээр яагаад хөшөө мэт гараав дээ?
    2008-01-18 0 0 Хариулах
  • Одноо     202.180.218.10
    Дуучин Далантай энэ 2 мөнч олон жил явалдсан даа хөөрхий Далантайгийн хар авгайгийн дэргэд ч хүүхэн шүү хө . 2 хоолойгоороо хоолоо олж идээд л байгаа юм даа
    2008-04-04 0 0 Хариулах
  • Эрдэнэцэцэгт     76.223.240.226
    Чадалтай цангинасан хоолойтой дуучин. Би чиний дуулсан хэдэн сайхан дуунд дуртай. Харин нэг сонин дээр "би сайхан хүүхний дүрд шилэгдэж тоголсон " гээд ярьсныг чинь уншаад сэтгэл гонсойж билээ. Уг нь ард түмэн чамайг тэгж үнэлбэл сайнсан. Чи өөрөө өөрийгөө сайхан хүүхэн гээд байж болохгүй шүү. Амжилт хүсье.
    2008-01-16 0 0 Хариулах
  • doogii     211.212.182.4
    uneheer heleh ug ugui shutdeg hairtai duuchin
    2008-01-14 0 0 Хариулах

САНАЛ БОЛГОХ

 
 
Цагдаа нар хувцсаа сольсон нь

GO САНАЛ АСУУЛГА

“Эхэд тэтгэмж, дэмжлэг, хөнгөлөлт эдлүүлэх тухай” хуулийн төсөлд та ямар санал оруулах хүсэлтэй байна вэ?
Нийт 1261 санал өгсөн байна.
  •  
     
  •  
     
  •  
     
  •  
     
  •