Зэсийн ханш “Comex” биржид сүүлийн хоёр сар орчмын дээд цэгээсээ эргэн сулраад байна. Гэхдээ Лондонгийн Металлын бирж дээр өсөлтөө хадгалсаар байна. Үүний зэрэгцээ “Morgan Stanley” 2015 оны зэсийн ханшийн төлвөө буурууллаа.
Энэ удаад өмнөх таамгаа бараг 16 хувиар бууруулж, тонн нь дунджаар 5945 ам.доллар байна гэж үзжээ. Харин 2016 оны төлвийг 6283 ам.доллар гэж тогтоосон байна. Энэ нь БНХАУ-ын үйлдвэрлэлийн салбарын идэвхжил ерөнхийдөө саарах төлөвтэй байгаатай холбон тайлбарлаж байгаа юм.
Үүнээс гадна энэ удаагийн тайланд зэсийн зах зээл дэх илүүдэл 230 мянган тоннд хүрч магадгүй гэж таамагласан байна. Энэ нь эргээд ханшийн төлвийг бууруулахад зарим байдлаар нөлөөлж байгаа юм. Учир нь 2014 онд зэсийн зах зээл дэх эрэлт, нийлүүлэлтийн харьцаа тогтворжоод байлаа.
Гэхдээ зарим томоохон уурхайнуудын үйл ажиллагаа зогсох, нийлүүлэлт тасалдах эрсдэл зах зээлд байсаар байгааг анхаарах хэрэгтэй. Арилжаанд оролцогчид болон хэджи сангууд зэсийн цэвэр уртын позицоо өсгөж, ханшийн түвшин 6000 ам.доллараас дээгүүр түвшинд байна гэх хүлээлттэй байгаагаа илэрхийлсэн байна. Энэ нь зэсийн ханш сүүлийн хоёр сар орчмын дээд түвшиндээ хүрэхэд нөлөөлсөн юм.
Харин богино хугацаандаа БНХАУ болон АНУ-ын эдийн засгийн ерөнхий төлөв зэсийн зах зээлд хүчтэй нөлөөлөх хандлагатай байна. Тухайлбал хоёр дахь том хэрэглэгч болох АНУ-д удаан эдэлгээтэй бараа, бүтээгдэхүүний захиалга хоёрдугаар сард 1.4 хувиар буураад байгаа аж.
Энэ нь шинжээчдийн таамаглаж байсан сөрөг хүлээлтээс ч тааруу дүн болсон байна. Мөн БНХАУ-ын үйлдвэрлэлийн салбарын индекс сүүлийн 11 сарын доод түвшиндээ хүрсэн гэж “HSBC”-ээс урьдчилсан байдлаар мэдээлжээ.
Зэсийн ханш “Comex” биржид сүүлийн хоёр сар орчмын дээд цэгээсээ эргэн сулраад байна. Гэхдээ Лондонгийн Металлын бирж дээр өсөлтөө хадгалсаар байна. Үүний зэрэгцээ “Morgan Stanley” 2015 оны зэсийн ханшийн төлвөө буурууллаа.
Энэ удаад өмнөх таамгаа бараг 16 хувиар бууруулж, тонн нь дунджаар 5945 ам.доллар байна гэж үзжээ. Харин 2016 оны төлвийг 6283 ам.доллар гэж тогтоосон байна. Энэ нь БНХАУ-ын үйлдвэрлэлийн салбарын идэвхжил ерөнхийдөө саарах төлөвтэй байгаатай холбон тайлбарлаж байгаа юм.
Үүнээс гадна энэ удаагийн тайланд зэсийн зах зээл дэх илүүдэл 230 мянган тоннд хүрч магадгүй гэж таамагласан байна. Энэ нь эргээд ханшийн төлвийг бууруулахад зарим байдлаар нөлөөлж байгаа юм. Учир нь 2014 онд зэсийн зах зээл дэх эрэлт, нийлүүлэлтийн харьцаа тогтворжоод байлаа.
Гэхдээ зарим томоохон уурхайнуудын үйл ажиллагаа зогсох, нийлүүлэлт тасалдах эрсдэл зах зээлд байсаар байгааг анхаарах хэрэгтэй. Арилжаанд оролцогчид болон хэджи сангууд зэсийн цэвэр уртын позицоо өсгөж, ханшийн түвшин 6000 ам.доллараас дээгүүр түвшинд байна гэх хүлээлттэй байгаагаа илэрхийлсэн байна. Энэ нь зэсийн ханш сүүлийн хоёр сар орчмын дээд түвшиндээ хүрэхэд нөлөөлсөн юм.
Харин богино хугацаандаа БНХАУ болон АНУ-ын эдийн засгийн ерөнхий төлөв зэсийн зах зээлд хүчтэй нөлөөлөх хандлагатай байна. Тухайлбал хоёр дахь том хэрэглэгч болох АНУ-д удаан эдэлгээтэй бараа, бүтээгдэхүүний захиалга хоёрдугаар сард 1.4 хувиар буураад байгаа аж.
Энэ нь шинжээчдийн таамаглаж байсан сөрөг хүлээлтээс ч тааруу дүн болсон байна. Мөн БНХАУ-ын үйлдвэрлэлийн салбарын индекс сүүлийн 11 сарын доод түвшиндээ хүрсэн гэж “HSBC”-ээс урьдчилсан байдлаар мэдээлжээ.