Сүүлийн долоон сар дараалан буурсан БНХАУ-ын коксжих нүүрсний импорт хоёрдугаар сард өсөлттэй байлаа.
Үүнийг дагаад Монгол Улсаас БНХАУ-д нийлүүлсэн коксжих нүүрсний хэмжээ ч гурав дахин өссөн байна. БНХАУ-ын Гаалийн ерөнхий газрын мэдээллээр өнгөрсөн хоёрдугаар сард тус улс 3.96 сая тонн коксжих нүүрс импортолжээ.
Энэ нь өнгөрсөн оны мөн үеэс 12 орчим хувиар өссөн дүн боловч сарын дүнгээрээ 1.3 хувиар буураад байна. Харин БНХАУ өнгөрсөн сард Монгол Улсаас нийт 1.1 тонн коксжих нүүрс импортолсон нь жилийн дүнгээрээ гурав дахин өссөн дүн боллоо.
Нэгдүгээр сартай харьцуулбал найман хувиар агшсан үзүүлэлт болж байна. Хэдийгээр Монгол Улсын хувьд хоёрдугаар сарын байдлаар экспортын биет хэмжээ сарын дүнгээрээ буурсан ч нийт экспортын үнийн дүн 3.4 хувиар өсч, 42.9 сая ам.доллар болжээ.
Өөрөөр хэлбэл тонн коксжих нүүрсний ханш 12.5 хувиар өсч, доод цэгээсээ сэргэсэн байна. Ашигт Малтмалын газрын мэдээллээр экспортын дийлэнх хувийг “Эрдэнэс Таван Толгой” болон “МАК” компани бүрдүүлжээ.
Харин Австралийн хувьд өнгөрсөн сард 2.2 сая тонн коксжих нүүрс БНХАУ-д нийлүүлээд байна. Энэ нь сарын дүнгээрээ 3.8 хувиар буурсан ч жилийн дүнгээрээ 31.9 хувиар өссөн үзүүлэлт боллоо. Эдгээрээс гадна шинжээчдийн зүгээс БНХАУ-ын зах зээлд нүүрсний ханш цаашид ч унах хандлагатай байгаа талаар мэдээлэв.
Сүүлийн долоон сар дараалан буурсан БНХАУ-ын коксжих нүүрсний импорт хоёрдугаар сард өсөлттэй байлаа.
Үүнийг дагаад Монгол Улсаас БНХАУ-д нийлүүлсэн коксжих нүүрсний хэмжээ ч гурав дахин өссөн байна. БНХАУ-ын Гаалийн ерөнхий газрын мэдээллээр өнгөрсөн хоёрдугаар сард тус улс 3.96 сая тонн коксжих нүүрс импортолжээ.
Энэ нь өнгөрсөн оны мөн үеэс 12 орчим хувиар өссөн дүн боловч сарын дүнгээрээ 1.3 хувиар буураад байна. Харин БНХАУ өнгөрсөн сард Монгол Улсаас нийт 1.1 тонн коксжих нүүрс импортолсон нь жилийн дүнгээрээ гурав дахин өссөн дүн боллоо.
Нэгдүгээр сартай харьцуулбал найман хувиар агшсан үзүүлэлт болж байна. Хэдийгээр Монгол Улсын хувьд хоёрдугаар сарын байдлаар экспортын биет хэмжээ сарын дүнгээрээ буурсан ч нийт экспортын үнийн дүн 3.4 хувиар өсч, 42.9 сая ам.доллар болжээ.
Өөрөөр хэлбэл тонн коксжих нүүрсний ханш 12.5 хувиар өсч, доод цэгээсээ сэргэсэн байна. Ашигт Малтмалын газрын мэдээллээр экспортын дийлэнх хувийг “Эрдэнэс Таван Толгой” болон “МАК” компани бүрдүүлжээ.
Харин Австралийн хувьд өнгөрсөн сард 2.2 сая тонн коксжих нүүрс БНХАУ-д нийлүүлээд байна. Энэ нь сарын дүнгээрээ 3.8 хувиар буурсан ч жилийн дүнгээрээ 31.9 хувиар өссөн үзүүлэлт боллоо. Эдгээрээс гадна шинжээчдийн зүгээс БНХАУ-ын зах зээлд нүүрсний ханш цаашид ч унах хандлагатай байгаа талаар мэдээлэв.