-Булган аймгаас мэдээлж байна-
Булган аймгийн Хутаг-Өндөр сум Хантай багийн Хангинахын шугуйд өдгөөгөөс 400 гаруй жилийн тэртээд шагайчид чуулж жилдээ нэг удаа тойром харвадаг байжээ. Уг хангинахын шугуйн тойром улсын хэмжээнд эхний гуравт ордог томоохон тойром байсан аж. Энэ тойром 1934 онд зохиогдоод тасарсан бөгөөд наяад онд ахин сэргэсэн боловч удалгүй тасарсан байна.
Хангинахын шугуйн шагайн тойром арга хэмжээг аялал жуулчлалтай хослуулан хөгжүүлэх үүднээс өнгөрөгч амралтын өдрүүдэд Аймгийн ЗДТГ, Аймгийн ССАЖГазар, Хутаг-Өндөр сум, Шагайн холбоо хамтран хоёр дахь жилдээ зохион байгууллаа.
Аймгийн Засаг даргын "Шинэ Булган" хөтөлбөрийн хүрээнд аялал жуулчлалыг эдийн засгийн биеэ дасан тэргүүлэх салбарын нэг болгон хөгжүүлэх, үндэсний спортыг хөгжүүлэх зорилгоор Хутаг-Өндөр сумын Хантай багийн нутагт 400 гаруй жилийн түүхтэй халхын 3 том шагайн тойрмын нэг болох Хангинахын шугуйн шагайн тойрмыг аялал жуулчлалын арга хэмжээ болгон зарлаж 2014 оны тавдугаар сарын 24-25-нд анхны удааг зохион байгуулж байсан бол өнгөрөгч амралтын өдрүүдэд хоёр дахь удаагаа аймгийн Засаг дарга ивээлдээ аван амжилттай зохион байгуулсан.
Хангинахын шагайн тойрмын гол онцлог нь Зуны эхэн сарын шинийн 8-нд Эгийн голын хөвөөнд Монос цэцэглэх цагаар тухайн жилийн анхны тойром харвааг зохион байгуулдаг байсан бөгөөд түүхэнд тэмдэглэгдэн үлдсэн.
Тус тэмцээнд Говьсүмбэр, Орхон, Сэлэнгэ, Дархан, Өмнөговь, Өвөрхангай, Сүхбаатар, Булган аймгийн 24 багийн 200 гаруй шагайчид цэц мэргэнээ сорин өрсөлдсөн. Хоёр хоногийн турш үргэлжилсэн тус тэмцээнд Монгол улсын мэргэн Ч.Жамъянсүрэн ахлагчтай Булган аймгийн “Уньт” багийн шагайчид гуравдугаар байр, аймгийн гоц мэргэн С.Одбаяр ахлагчтай Говьсүрмбэр аймгийн “Шивээ овоо” баг хоёрдугаар байруудыг эзэлсэн бол Монгол улсын үлэмж дархан мэргэн Ц.Болдбаатар ахлагчтай Сэлэнгэ аймгийн “Орхонтуул” баг тэргүүн байрыг эзэлсэн.
Тэмцээний цуваа харвааны төрөлд 160 орчим харваачид цэц мэргэнээ сорьсноос Монгол улсын маргэн Булган аймгийн Сэлэнгэ сумын н.Эрдэнэ-Отгон түрүүлж Монгол улсын дархан мэргэн Э.Болд /Өмнөговь/, Монгол улсын гарамгай мэргэн Б.Зоригоо /Сэлэнгэ/ нар удаалсан.
“Хангинахын шугуйн шагайн тойромд Монгол улсын Үлэмж дархан мэргэн 8, гоц мэргэн 9, хүндэт харваач 7, аймгийн гоц мэргэн 54 оролцож байгаа ба өнгөрсөн жилээс багийн тоо нэмэгдсэн төдийгүй олон аймгаас баг харваачид ирж оролцсон нь тэмцээнийг чансааг харуулж байна” хэмээн зохион байгуулагчид онцоллоо.
-Булган аймгаас мэдээлж байна-
Булган аймгийн Хутаг-Өндөр сум Хантай багийн Хангинахын шугуйд өдгөөгөөс 400 гаруй жилийн тэртээд шагайчид чуулж жилдээ нэг удаа тойром харвадаг байжээ. Уг хангинахын шугуйн тойром улсын хэмжээнд эхний гуравт ордог томоохон тойром байсан аж. Энэ тойром 1934 онд зохиогдоод тасарсан бөгөөд наяад онд ахин сэргэсэн боловч удалгүй тасарсан байна.
Хангинахын шугуйн шагайн тойром арга хэмжээг аялал жуулчлалтай хослуулан хөгжүүлэх үүднээс өнгөрөгч амралтын өдрүүдэд Аймгийн ЗДТГ, Аймгийн ССАЖГазар, Хутаг-Өндөр сум, Шагайн холбоо хамтран хоёр дахь жилдээ зохион байгууллаа.
Аймгийн Засаг даргын "Шинэ Булган" хөтөлбөрийн хүрээнд аялал жуулчлалыг эдийн засгийн биеэ дасан тэргүүлэх салбарын нэг болгон хөгжүүлэх, үндэсний спортыг хөгжүүлэх зорилгоор Хутаг-Өндөр сумын Хантай багийн нутагт 400 гаруй жилийн түүхтэй халхын 3 том шагайн тойрмын нэг болох Хангинахын шугуйн шагайн тойрмыг аялал жуулчлалын арга хэмжээ болгон зарлаж 2014 оны тавдугаар сарын 24-25-нд анхны удааг зохион байгуулж байсан бол өнгөрөгч амралтын өдрүүдэд хоёр дахь удаагаа аймгийн Засаг дарга ивээлдээ аван амжилттай зохион байгуулсан.
Хангинахын шагайн тойрмын гол онцлог нь Зуны эхэн сарын шинийн 8-нд Эгийн голын хөвөөнд Монос цэцэглэх цагаар тухайн жилийн анхны тойром харвааг зохион байгуулдаг байсан бөгөөд түүхэнд тэмдэглэгдэн үлдсэн.
Тус тэмцээнд Говьсүмбэр, Орхон, Сэлэнгэ, Дархан, Өмнөговь, Өвөрхангай, Сүхбаатар, Булган аймгийн 24 багийн 200 гаруй шагайчид цэц мэргэнээ сорин өрсөлдсөн. Хоёр хоногийн турш үргэлжилсэн тус тэмцээнд Монгол улсын мэргэн Ч.Жамъянсүрэн ахлагчтай Булган аймгийн “Уньт” багийн шагайчид гуравдугаар байр, аймгийн гоц мэргэн С.Одбаяр ахлагчтай Говьсүрмбэр аймгийн “Шивээ овоо” баг хоёрдугаар байруудыг эзэлсэн бол Монгол улсын үлэмж дархан мэргэн Ц.Болдбаатар ахлагчтай Сэлэнгэ аймгийн “Орхонтуул” баг тэргүүн байрыг эзэлсэн.
Тэмцээний цуваа харвааны төрөлд 160 орчим харваачид цэц мэргэнээ сорьсноос Монгол улсын маргэн Булган аймгийн Сэлэнгэ сумын н.Эрдэнэ-Отгон түрүүлж Монгол улсын дархан мэргэн Э.Болд /Өмнөговь/, Монгол улсын гарамгай мэргэн Б.Зоригоо /Сэлэнгэ/ нар удаалсан.
“Хангинахын шугуйн шагайн тойромд Монгол улсын Үлэмж дархан мэргэн 8, гоц мэргэн 9, хүндэт харваач 7, аймгийн гоц мэргэн 54 оролцож байгаа ба өнгөрсөн жилээс багийн тоо нэмэгдсэн төдийгүй олон аймгаас баг харваачид ирж оролцсон нь тэмцээнийг чансааг харуулж байна” хэмээн зохион байгуулагчид онцоллоо.