Улаанбурхан өвчний эмчилгээнд нэн шаардлагатай тоног төхөөрөмжүүдийг ХӨСҮТөвд нийлүүлж, ашиглаж эхлээд байгаа юм.
Зохиомол амьсгалын аппарат, дуслын автомат тариур, өвчтний хяналтын дэлгэцтэй болсноор хүүхдүүдэд үзүүлэх тусламж, үйлчилгээнд ихээхэн дэвшил авчирлаа.
Суурилуулсан тоног төхөөрөмжүүд өмнө хэрэглэж байсантай харьцуулахад овор хэмжээ, дуу чимээ багатай, шинэ горимуудыг ашиглах боломжтойгоороо давуу талтай гэж тус эмнэлгийн эрчимт эмчилгээний тасгийн эрхлэгч Ц.Чинбаяр танилцууллаа.
Засгийн газрын шийдвэрийн дагуу улаанбурхан өвчний эмчилгээнд зориулсан эм, тоног төхөөрөмжийг бүрэн нийлүүлж дууссан. Халдварт өвчин судлалын үндэсний төвд 350 сая төгрөгийн тоног төхөөрөмж, техник хэрэгслийг иж бүрнээр угсарч, ашиглаж эхэллээ. Амьсгалын аппарат, хяналтын дэлгэц дэлхийн стандартын дагуу эрчимт эмчилгээний тасгийн ор тус бүр дээр суурилуулснаар эмчилгээ, үйлчилгээний чанарт дэвшил гарна.
Эрчимт эмчилгээний тасагт өнөөдрийн байдлаар 15 хүүхэд эмчлүүлж байна. Энэ хүүхдүүдэд амьсгалын аппарат, хяналтын дэлгэц, дуслын шахуурга хангалттай хүрэлцэж байгаа гэж их эмч М. Ууганчимэг танилцууллаа.
Улаанбурхан өвчний эмчилгээнд нэн шаардлагатай тоног төхөөрөмжүүдийг ХӨСҮТөвд нийлүүлж, ашиглаж эхлээд байгаа юм.
Зохиомол амьсгалын аппарат, дуслын автомат тариур, өвчтний хяналтын дэлгэцтэй болсноор хүүхдүүдэд үзүүлэх тусламж, үйлчилгээнд ихээхэн дэвшил авчирлаа.
Суурилуулсан тоног төхөөрөмжүүд өмнө хэрэглэж байсантай харьцуулахад овор хэмжээ, дуу чимээ багатай, шинэ горимуудыг ашиглах боломжтойгоороо давуу талтай гэж тус эмнэлгийн эрчимт эмчилгээний тасгийн эрхлэгч Ц.Чинбаяр танилцууллаа.
Засгийн газрын шийдвэрийн дагуу улаанбурхан өвчний эмчилгээнд зориулсан эм, тоног төхөөрөмжийг бүрэн нийлүүлж дууссан. Халдварт өвчин судлалын үндэсний төвд 350 сая төгрөгийн тоног төхөөрөмж, техник хэрэгслийг иж бүрнээр угсарч, ашиглаж эхэллээ. Амьсгалын аппарат, хяналтын дэлгэц дэлхийн стандартын дагуу эрчимт эмчилгээний тасгийн ор тус бүр дээр суурилуулснаар эмчилгээ, үйлчилгээний чанарт дэвшил гарна.
Эрчимт эмчилгээний тасагт өнөөдрийн байдлаар 15 хүүхэд эмчлүүлж байна. Энэ хүүхдүүдэд амьсгалын аппарат, хяналтын дэлгэц, дуслын шахуурга хангалттай хүрэлцэж байгаа гэж их эмч М. Ууганчимэг танилцууллаа.