ТОЙМ: Хүчит бөхийн барилдаан

Б.Ирээдүй GoGo.mn

2016-07-13 11:45 GMT+8

Тулгар төрийн 2225, Их Монгол улсын 810, Ардын хувьсгалын 95 жилийн ойн хүчит бөхийн барилдаанд хүчит 1024 бөх эр бяраа үзлээ.

Улсын баяр наадмын хүчит бөхийн барилдааны ТОЙМЛОН хүргэж байна.

АРВЫН ДАВАА: Архангай аймгийн Хашаат сумын харьяат Чимэдрэгзэний Санжаадамба Р.Пүрэвдагваар улсын АВАРГА боллоо.

ЕСИЙН ДАВАА: Архангай аймгийн Хашаат сумын харьяат Чимэдрэгзэний Санжаадамба улсын аварга Г.Эрхэмбаяраар ес давж улсын арслан цол хүртлээ.

Архангай аймгийн Булган сумын харьяат улсын өсөх идэр начин Р. Пүрэвдагва улсын арслан Н.Батсуурь ес давж улсын арслан цол хүртсэн.

НАЙМЫН ДАВАА: Архангай аймгийн Хашаат сумын харьяат Чимэдрэгзэний Санжаадамба Э.Оюунболд арслангаар найм давж улсын гарьд цолны болзол хангасан.

Архангай аймгийн Булган сумын харьяат улсын өсөх идэр начин Р. Пүрэвдагва улсын арслан П.Бүрэнтөгсөөр найм давж гарьд цолны болзол хангасан.

ДОЛООГИЙН ДАВАА: Ховд аймгийн Чандмань сумын харьяат улсын харцага Б.Пүрэвсайхан Ц.Содномдорж харцагаар долоо давж улсын заан цолны болзол хангалаа.

ЗУРГААГИЙН ДАВАА: Баяр наадмаар зургаа даван шинээр улсын харцага цолтон тав төрлөө.

Аймгийн заан цолноос улсын харцага цолонд хүрсэн Д.Бат-Эрдэнэ

Шинээр төрсөн ХАРЦАГА ЦОЛТНУУД
Нэр Төрсөн он Аймаг Сум
Д.Бат-Эрдэнэ 1991 Завхан Нөмрөг
Х.Гантулга 1990 Өвөрхангай Уянга
Б.Бат-Өлзий 1991 Ховд Зэрэг
Н.Жаргалбаяр 1991 Сэлэнгэ Мандал
Т.Баасанхүү 1988 Увс Тэс

ТАВЫН ДАВАА: Шинээр 14 бөх улсын цолтны эгнээнд багтаж начин цол тэмдгээ гардан авлаа. Монгол Улсын аймгийн хурц арслан Ш.Мөнгөнбаатар, аймгийн арслан Д.Анар нар тунаж барилдсан юм.

Тунааны начин Д.Анар

Шинээр төрсөн НАЧИН ЦОЛТНУУД
Нэр Төрсөн он Аймаг Сум
Л.Шинэбаатар 1988 Архангай Батцэнгэл
Ц.Нямдорж - Архангай Цэнхэр
Б.Ганзориг 1986 Увс Тэс
М.Бат-Отгон 1986 Архангай Булган
Ц.Чимэддорж - Өвөрхангай Хужирт
Д.Амарсайхан - Булган Сэлэнгэ
Л.Батзориг - Өвөрхангай Өлзийт
Б.Баатарцол - Баян-Өлгий Булган
Б.Дэлгэрсайхан - Сэлэнгэ Мандал
Б.Ганхуяг 1987 Хөвсгөл Шинэ-Идэр
Э.Ванданцэрэн - Архангай Цэнхэр
Ч.Хөхчирэнгэр 1991 Хөвсгөл Галт
Д.Анар 1992 Дорнод Дашбалбар
Б.Чимэдвандан 1992 Завхан Их-Уул

GoGo Facebook Хуудас
 
 
Дараагийн Ерөнхий сайд хэн болоосой гэж та хүсч байна вэ?
Нийт 3232 санал өгсөн байна.

Дээшээ