МАН дүүргийн ИТХ-ын сонгуульд ялалт байгууллаа

Сэтгүүлч Б.Эрдэнэчимэг

2016-10-24 11:27 GMT+8

Нийслэлийн сонгуулийн хорооны мэдээлснээр энэ удаагийн дүүргийн ИТХ-ын ээлжит сонгуульд МАН ялалт байгууллаа. Тус нам орон нутгийн сонгуульд хамгийн олон буюу 7124 нэр дэвшигчээ “сойсон”. Нийслэлд АН гурван дүүрэгт, МАН зургаан дүүрэгт ялалт байгууллаа.

Бусад намуудын нэр дэвшигчдийн тоог танилцуулбал

  • Ардчилсан намаас 6401
  • Иргэний зориг ногоон намаас 49
  • Ногоон намаас 7
  • Бүгд Найрамдах намаас 32
  • Монгол ардын хувьсгалт намаас 494
  • Эх орон намаас 24
  • Үндэсний ардчилсан нам 5
  • Хөдөлмөрийн үндэсний нам 11
  • АН+МАХН нэгдэн эвсэл болж 511 (Зөвхөн Төв аймагт)
  • Бие даагч 710 тус тус өрсөлдөв.

УИХ-ын сонгуулийн ээлжит сонгуультай хамт болсон, аймаг нийслэлийн ИТХ-ын сонгуульд МАН мөн л ялалт байгуулсан. Тэд нийслэлийн 45 суудлын 36-г авсан юм.

Засаг захиргааны хамгийн бага нэгж болох дүүргийн ИТХ-д төлөөлөгчдөө суулгаснаар МАН анхан шатны байгууллагаа төлөвшүүлэн бэхжүүлэх, цаашид намын орон нутаг дахь байгууллагын үйл ажиллагааг тогтворжуулах, дараагийн сонгуульд ялалт байгуулах, боловсон хүчнээ байршуулах зэрэг олон давуу тал, бололцоо бүрддэг юм.

Сонгуулийн тухай хуулийн 161 дүгээр зүйл.Сонгуулийн дүн гаргах
161.1.Хамгийн олон санал авсан тухайн тойрогт ногдох мандатын тооны нэр дэвшигчийг сонгогдсонд тооцно.
161.2.Нэр дэвшигчид адил тооны санал авсны улмаас сонгуулийн дүн гаргах боломжгүй бол адил санал авсан нэр дэвшигчдийн дунд дахин санал хураалт явуулж олон санал авсан нэр дэвшигчийг сонгогдсонд тооцно.
161.3.Аймаг, нийслэл, сум, дүүргийн сонгуулийн хороо сонгогдсон нэр дэвшигчид орон нутгийн хурлын төлөөлөгчийн түр үнэмлэх олгоно.
161.4.Аймаг, нийслэл, сум, дүүргийн сонгуулийн хороо сонгуулийн дүнг тав хоногт багтаан хуралдаанаараа хэлэлцэж, орон нутгийн хурлын төлөөлөгчөөр сонгогдсон нэр дэвшигчдийн нэрсийн жагсаалт болон тэдгээрийн бүрэн эрхийг нь хүлээн зөвшөөрөх тухай шийдвэрийн төсөл боловсруулж шинээр сонгогдсон аймаг, нийслэл, сум, дүүргийн хуралд өргөн мэдүүлж, энэ тухай Сонгуулийн ерөнхий хороо болон нийтэд долоо хоногийн дотор тус тус мэдээлнэ.

 

 

Инфографикийг Д.Жавхлантөгс

GoGo Facebook Хуудас
 
 
Дараагийн Ерөнхий сайд хэн болоосой гэж та хүсч байна вэ?
Нийт 3230 санал өгсөн байна.

Дээшээ