2017.01.11 Өнөөдөр болсон үйл явдлуудыг НЭГ ӨГҮҮЛБЭРЭЭР

Сэтгүүлч А.Наранцацрал

2017-01-11 18:32 GMT+8
  • GoGo мэдээний агентлаг Монгол Улсын хэмжээнд үйл ажиллагаагаа явуулж буй бүх хэвлэл мэдээллийн байгууллагуудыг хамтдаа утааны эсрэг дуу хоолойгоо нийлүүлэн тэмцэхийг уриалж байна.
  • Ерөнхийлөгч Ц.Элбэгдорж агаарын бохирдлын талаар болон өчигдөр хуралдсан Үндэсний аюулгүй байдлын зөвлөлөөс гарсан зөвлөмжийн талаар сэтгүүлчдэд яг одоо Төрийн ордны Иргэний танхимд мэдээлэл хийлээ.
  • Иргэдээс агаарын бохирдлын эсрэг хэрхэн тэмцэх талаарх санал санаачлагуудыг олон нийтийн сүлжээгээр дамжуулан цацаж эхэллээ. Бид дараах байдлаар тэдгээр саналаас эмхэтгэн хүргэж байна.
  • Эдийн засагч Д.Жаргалсайханы "Шүгэл үлээх" соёл нийтлэлийг энд дарж уншина уу
  • Сэтгэл зүйн үндэсний төвийн сэтгэл судлаач Б.Ганзултай энэ сургалт болон өсвөр насны хүүхдүүдийн сэтгэлзүйн онцлогийн талаар ярилцлаа.
  • Сүүлийн 10 гаруй жил нийслэлчүүдийн толгойны өвчин болсон агаарын бохирдлын өнөөгийн нөхцөл байдал болоод иргэд, нийгэмд үзүүлсэн хор хохирол, эрх баригчдын утааг бууруулах зорилготой хийсэн арга хэмжээг тоймлон хүргэж байна.
  • Тусгаар тогтнол, эв нэгдэл намаас гаргасан Ерөнхийлөгч Ц.Элбэгдоржийг огцоруулах саналыг УИХ-ын гишүүн С.Жавхлан дэмжиж буйгаа илэрхийлэн, УИХ-ын гишүүнийхээ бүрэн эрхийнхээ хүрээнд энэ асуудлаар төсөл боловсруулж, өргөн барина гэлээ.
  • Хүүхдийн эрхийн асуудлыг гэрэл зургийн хэлээр олон нийтэд ойлгуулах, анхааралд нь авчрах зорилготой “Зэрэгцээ ертөнц” үзэсгэлэн өнөөдөр UB Art Gallery-д нээлтээ хийлээ.

  • Монголын зохиолчдын эвлэлээс зохион байгуулдаг "Болор цом" яруу найргийн наадам энэ сарын 20-ны өдрийг хүртэл бүтээл хүлээн авах гэнэ.
  • Өвөлжилт хүндрэх эрсдэлтэй 17 аймгийн 127 сумын малчдаас 30 хүртэл мянган тонн махыг хот, суурин газрын хүн амын хэрэгцээнд зориулан худалдан авч нөөцлөхөөр боллоо. 
  • Лондоны ЦЭВЭР АГААР тогтоол буюу БУСАД ЖИШЭЭ нийтлэлийг энд дарж уншина уу.
  • Өвөлжилт хүндэрч байгаа зарим аймаг, суманд улсын нөөцөөс 2410 тонн өвсийг үнэгүй, 1700 тонн тэжээлийн үнийг  50 хувь хямдруулан олгохоор боллоо. 
  • Засгийн газрын өнөөдрийн хуралдаанаар баруун талдаа жолооны хүрдтэй тээврийн хэрэгслийн импортыг хязгаарлах тухай Зам, тээврийн хөгжлийн сайд Д.Ганбат Засгийн газрын хуралдаанд танилцуулга хийв.
  • “Монголын археологи-2016”эрдэм шинжилгээний хурал маргааш 09.00 цагт ШУТИС-ийн Номын сангийн 604 тоотод болно.
  • Монголын хөрөнгийн бирж даваа гарагийн үнэт цаасны арилжаагаар нэг, хоёр болон гуравдугаар ангилалд бүртгэлтэй 14 хувьцаат компанийн нийт 35,552 ширхэг хувьцаа арилжжээ.
  • Цахилгааны ачааллаа нэмэх, утаснуудыг дур мэдэн холбох, эвдрэл гэмтэлтэй байх, чанаргүй утас хэрэглэх нь гал түймэр гарах нөхцөл болдог гэдгийг Баянзүрх дүүргийн Урьдчилан сэргийлэх асуудал хариуцсан мэргэжилтэн С.Должинсүрэн хэлж байна.
  • Нийслэлийн хэмжээнд цэргийн тоо бүртгэл 40 гаруй хувьтай байгаа талаар нийслэлийн Засаг даргын тамгын газрын Хэвлэл мэдээлэл, олон нийттэй харилцах хэлтсээс мэдээллээ.
  • Ерөнхий сайд Ж.Эрдэнэбат банкуудын холбоотой хамтран гэрийн цахилгаан халаагуур болон шөнийн тарифт тоолуурыг Ногоон зээлийн сангаас зээлээр авах боломжийг бүрдүүлэхээр ажиллаж байгаа талаараа мэдээллээ.
  • "Алтан өд - 2016" наадмын шилдгүүд тодорлоо
  • Нийслэлд 3087 хүүхэд хувийн цэцэрлэгээр хүмүүждэг
  • “Авлигын эсрэг үндэсний чуулган”-ы нээлтийн үйл ажиллагаанд Улсын Их Хурлын дарга М.Энхболд оролцож, үг хэллээ.
  • Сурагчдын амралтыг сунгах шийдвэр гараагүй Нийслэлийн боловролын газрын дарга Ж.Гантулга хэллээ.
  • Валютын өнөөдөр /Нэгдүгээр сарын 11-ний өдөр/ мөрдөгдөх албан ханшаар ам.доллар төгрөгийн эсрэг бага зэрэг өсөж, хоёр валютын хослол 2498.75 нэгж болоод байна.

Дэлхийд

  • Стокгольм хотын төвийн гудамж талбайд тамхины эсрэг зар сурталчилгаа бүхий цахилгаан самбаруудыг хаа сайгүй байршуулжээ.  Тамхи татаж буй хүмүүс тус самбарын хажуугаар өнгөрөх бүрт самбар дээрх “хүн ханиалгадаг” байна.
  • АНУ-ын Ерөнхийлөгчийн сонгуульд ОХУ хөндлөнгөөс оролцсон хэмээн үзэж, тус улсын байгалийн хий, газрын тосны салбарт хориг арга хэмжээ авах тухай саналыг АНУ-ын улс төрчид гаргалаа.
  • Барак Обама америкчуудад хандан үдэлтийн үгээ хэллээ
  • АНУ-ын Европт байрлах цэргийн байнгын хүчний дараагийн ээлжний 4000 цэрэг ХБНГУ-д ирээд байгаа нь тодорхой нэг улсад буюу ОХУ-д өгч буй дохио хэмээн Пентагон онцолсон байна.
  • БНХАУ-д бага оврын автомашины татварыг бууруулснаар автомашины борлуулалт сүүлийн гурван жилийн хамгийн өндөр түвшинд хүрч өслөө.
  • 2026 оны дэлхийн аваргыг 32 бус 48 багийн дунд зохион байгуулах ФИФА-гийн саналыг УЕФА дэмжлээ.
  • НҮБ-ын Ерөнхий нарийн бичгийн дарга асан Бан Ги Мүний дүү болон зээ хүүг засгийн газрын албан тушаалтанд хахууль өгөхөөр хуйвалдсан гэх хэрэгт холбогдуулан шалгаж байна. 
  •  
GoGo Facebook Хуудас
 
 
Үндсэн хуульд оруулах нэмэлт өөрчлөлтөд УИХ нийтийн ашиг сонирхол хөндсөн тодорхой асуудлаар хянан шалгах хороо байгуулна гэж заажээ. Таны бодлоор УИХ хянан шалгах үйл ажиллага явуулах нь зөв үү?
Нийт 55 санал өгсөн байна.

Дээшээ