2017.01.12 Өнөөдөр болсон үйл явдлуудыг НЭГ ӨГҮҮЛБЭРЭЭР

Сэтгүүлч А.Наранцацрал

2017-01-12 18:16 GMT+8
  • Агаарын бохирдлыг бууруулах чиглэлээр яаралтай цогц, эрс шийдэмгий арга хэмжээ авахгүй бол 2017-2024 оны хооронд цаг бус, эрт нас баралтын тоо 13 мянгаар ихэснэ.
  • Замын цагдаа тэр дундаа зохицуулалт хийдэг цагдаа нарыг шүүлтүүртэй амны хаалт, шүгэлтэй дохиураар хангах зөвлөмжийг өглөө.
  • Нийслэлд жил бүрийн зун орон сууцны айлуудын халуун усыг хаадаг технологийг энэ жил “Улаанбаатар дулааны сүлжээ” ТӨХК өөрчлөхөөр болов.
  • АТГ-ын дарга, тэргүүн комиссар Х.Энхжаргал “Авлигатай тэмцэх газар: Өнгөрсөн, одоо, ирээдүй” гэсэн сэдвээр илгэл тавьжээ. Тэрээр өнгөрсөн арван жилд АТГ ямар ажил гүйцэтгэснийг тоймлон танилцуулав.
  • Замын цагдаа тэр дундаа зохицуулалт хийдэг цагдаа нарыг шүүлтүүртэй амны хаалт, шүгэлтэй дохиураар хангах зөвлөмжийг өглөө.
  • 2017 оны УАШТ-ий эрэгтэйчүүдийн 60кг-д Ро-2016 олимпийн наадмын хүрэл  медальт Д.Отгондалай өрсөлдөгчөө яллаа.
  • Монгол наадам цогцолборын дарга Н.Батсүмбэрэл өнөөдөр Нийслэлийн Засаг Даргын Тамгын Газарт ЮНЕСКО-гийн Монгол Улсын Үндэсний Комиссын Хороотой хамтран ажиллах гэрээнд гарын үсэг зурлаа.
  • Сүхбаатар дүүргийн  орон сууцны 540 жирэмсэн эмэгтэйг судалгаанд хамруулахад агаар цэвэршүүлэгч хэрэглэх нь ургийн өсөлтөд сайнаар нөлөөлнө гэсэн дүгнэлт гарсан байна.
  • Монголын Гимнастикийн холбооны спортын гимнастикийн эрэгтэй, эмэгтэй баг тамирчид ОХУ-ын “Благовещенск” хотноо нэгдүгээр сарын 11-12-нд хамтарсан бэлтгэл хийлээ.
  • Засгийн газар 27.5 тэрбум төгрөгийн үнэт цаас гаргав
  • Шинэ Үндсэн хууль баталсны 25 жилийн ой энэ өдрүүдэд тохиож байна. Хуулийн үзэл баримтлалын талаар Ерөнхий сайд асан Д.Бямбасүрэн, Д.Содном, АИХ-ын дэд дарга асан Ж.Гомбожав, иргэн Д.Ламжав нарын байр суурийг сонирхлоо.
  • Нийслэлийн иргэд агаарын бохирдлын эсрэг чимээгүй хөдөлгөөн өрнүүлж, Улаанбаатарын хөшөө баримлуудад амны хаалт зүүжээ.
  • Улаанбаатар хотын Ерөнхий менежер Т. Гантөмөр өнөөдөр Хангарьд ордонд “Улаанбаатар цахилгаан түгээх сүлжээ” ТӨХК, “Улаанбаатар дулааны сүлжээ” ТӨХК, “Мэдээлэл холбооны сүлжээ” ТӨК-ийн удирдлагуудтай хамтран ажиллах санамж бичигт гарын үсэг зурлаа.
  • Агаарын бохирдлыг бууруулахын тулд сайжруулсан зуух, хатуу түлшинд төсөл хөтөлбөр зохион байгуулж, мөнгө зарахгүй байхад анхаарах зөвлөмжийг Анагаахын шинжлэх ухааны үндэсний их сургуулийн Нийгмийн эрүүл мэндийн сургууль, Сөүлийн их сургуулийн эрдэмтэн судлаачид өглөө.
  • "Монгол улсын Тувачууд" номын нээлт өнөөдөр боллоо. Зохиолч, судлаач Б.Баатархүү арав гаруй жил судалгаа хийн, энэ номыг бичсэн байна.
  • УИХ-ын чуулганы өнөөдрийн хуралдааны үеэр УИХ-ын гишүүн Ц.Нямдорж Ерөнхийлөгч Ц.Элбэгдоржийг огцруулах хөдөлгөөнийг эхлүүлье гэлээ.
  • Экспортод гаргаж байгаа уул уурхайн бүтээгдэхүүний олон улсын зах зээлийн 12 дугаар сарын дундаж жишиг үнийг Сангийн яам танилцууллаа.
  • УИХ-ын чуулганы өнөөдрийн нэгдсэн хуралдаанаар Монгол Улсын Ерөнхий аудитороор Д.Хүрэлбаатарыг томилох асуудлыг хэлэлцлээ.
  • “Орхон аймгийн Эрдэнэт хотоос Хөвсгөл аймгийн Цэцэрлэг сумын нутаг дахь Овоотын уурхай хүртэл барьж байгуулах төмөр замын шугамын чиг”-ийг баталлаа.
  • 2017 оны жүдо бөхийн насанд хүрэгчдийн УАШТ-ийг олимпийн зэрэглэлийн шүүгчид дэнсэлнэ.

Дэлхийд

  • Бүс нутгийн хэмжээнд ажилгүйдэл буурч, ХБНГУ-д үйлдвэрлэлийн хэмжээ ихсэж буй нь евробүсийн эдийн засаг цаашид тогтвортой хөгжихийн баталгаа болов.
  • LinkedIn-ийг үүсгэн байгуулагч Рейд Хоффман, eBay-ийг үүсгэн байгуулагч Пьерр Омидяр нар хүн төрөлхтөнд заналхийлэхгүй хиймэл оюун ухааныг хөгжүүлэх судалгааны ажилд тус бүр 10 сая ам. доллар хандивлалаа.
  • Тайпэйн Худалдаа Эдийн Засгийн Улаанбаатар дахь Төлөөлөгчийн Газрын төлөөлөгч Хуан Куо Рун өнөөдөр 200 гаруй хүүхдийн номыг Хүүхдийн номын өргөөнд хандивлав.
  • Исландын агаарын тээврийн компани WOW Airlines Америкийн Баруун эргийн хоёр чиглэлээс Европын дөрвөн чиглэлд 69 ам. долларын үнэтэй тасалбар санал болгож эхэллээ.
  • Дэлхий дахинд дэлгэрээд байгаа улс төрийн популист хөдөлгөөнтэй тэмцэхийн тулд капитализмын мөн чанарыг өөрчлөх хэрэгтэй хэмээн Дэлхийн эдийн засгийн форумаас мэдэгдсэн байна.
  • Доналд Трамп албан ёсоор төрийн тэргүүний тангараг өргөсний дараа Мексик АНУ-тай найрсаг харилцаатай байна гэдэгт найдаж байна.
  • Филлиппиний домогт боксчин Мэнни Пакьяао ирэх дөрөвдүгээр сард Австрали тивийн түүхэн дэх хамгийн агуу тулаанд оролцох болжээ.
  • БНХАУ-ын Ерөнхийлөгч Си Зиньпин Давос дахь энэ удаагийн Дэлхийн эдийн засгийн форумд оролцох болсноороо тус чуулганд оролцож буй Хятадын анхны Ерөнхийлөгч болж байгаа ба Хятад улс олон улсын харилцаанд илүү их  хувь нэмэр оруулах эрмэлзэлтэй байгаа гэнэ.
GoGo Facebook Хуудас
 
 
Үндсэн хуульд оруулах нэмэлт өөрчлөлтөд УИХ нийтийн ашиг сонирхол хөндсөн тодорхой асуудлаар хянан шалгах хороо байгуулна гэж заажээ. Таны бодлоор УИХ хянан шалгах үйл ажиллага явуулах нь зөв үү?
Нийт 55 санал өгсөн байна.

Дээшээ