Агаарын бохирдол жил бүр 570 мянган ХҮҮХДИЙГ хөнөөж байна

Д.Багахүү GoGo.mn

2017-03-07 09:25 GMT+8

ДЭМБ-ын судалгаагаар жил тутам орчны бохирдлын улмаас тав хүртэлх насны 1,7 сая хүүхэд амиа алдаж байна гэжээ. Дэлхий даяар амиа алдаж буй дөрвөн хүүхэд тутмын нэг нь агаарын бохирдол, бохирдолтой ус, эрүүл ахуйн шаардлага хангахгүй орчинд амьдарснаас болж амиа алдаж байгаа аж.

ДЭМБ-ын Ерөнхий захирал Маргарет Чан “Бохирдолтой орчин гэдэг бага насны хүүхдийн хувьд үхлийн бүс боллоо. Хүүхдүүдийн эд эрхтэн, дархлааны систем дөнгөж хөгжиж байдаг учраас бохирдолтой ус, агаар гэдэг хортой ижил” гэжээ.

Судалгааны тоон мэдээг задалж үзвэл тав хүртэлх насны 570 мянган хүүхэд агаарын бохирдол, дам тамхидалтаас болж, 361 мянган хүүхэд эрүүл ахуйн шаардлага хангахгүй орчинд амьдарч, цэвэр ус ууж чадахгүй байгаагаас, дээрх хоёр шалтгааны улмаас 270 мянган нярай нэг сар хүрч чадалгүй амиа алдаж байгаа аж.

Түүнчлэн жил бүр 200 мянган хүүхэд халуун хумхаа өвчнөөс болж үхэж буйгаас ч сэргийлэх боломжтой талаар тайланд дурджээ.

2013 онд Олон улсын Хавдар судлалын төвөөс агаарын бохирдлыг хорт хавдар үүсгэгч хүчин зүйл хэмээн үзэх болсон юм. Харин өнгөрсөн жилийн есдүгээр сард ДЭМБ-аас нийт хүн төрөлхтний 90 хувь нь хүний биед хортой хэмжээнээс давсан агаарын бохирдолтой бүсэд амьдарч байгаа гэдгийг тогтоожээ.

GoGo Facebook Хуудас
 
 
Ерөнхийлөгчийн сонгууль 39 хоногийн дараа болно. Ард нийтийн санал асуулгын тухай хуульд санал асуулгыг сонгуулийн санал авах өдрөөс 65-аас доошгүй хоногийн өмнө товлохоор заасан. Үндсэн хуульд нэмэлт, өөрчлөлт оруулах ард нийтийн санал асуулгыг Ерөнхийлөгчийн сонгуультай хамтатган явуулах боломжгүй. Иймд УИХ 65-аас доошгүй хоног гэсэн хугацааг өөрчлөхөөр зэхэж байна. Таны бодлоор Үндсэн хуульд өөрчлөлт оруулах, эсэхийг асуух ард нийтийн санал асуулгыг Ерөнхийлөгчийн сонгуулийн өдөр хамт зохион байгуулах нь зөв үү?
Нийт 264 санал өгсөн байна.

Дээшээ