2017.03.17 Өнөөдөр болсон үйл явдлуудыг НЭГ ӨГҮҮЛБЭРЭЭР

Сэтгүүлч А.Наранцацрал

2017-03-17 18:53 GMT+8
  • Шарилжны эсрэг вакцины талаар Арьсны өвчин судлалын үндэсний төвийн Харшил судлалын лабораторийн эрхлэгч Б.Сангидоржтой ярилцсаныг энд дарж уншина уу
  • Монгол ТВ телевизээс дөрөв дэх жилдээ зохион байгуулж буй "Монголын Телевизүүдийн Чуулган" өнөөдөр эхэлж байна. "Тооноос чанарт" сэдвийн хүрээнд зохион байгуулагдаж буй чуулганы үеэр "Медиа бизнесийн чиг хандлага ба стратеги" сэдвээр хэлэлцүүлэг өрнүүллээ.
  • Монгол Улсад суугаа олон улсын дипломатуудын гэргий болон тэдний гэр бүлийнхэн  өчигдөр “Elegant Cashmere”  ноос ноолуурын компаниудын бүтээгдэхүүнүүдийг сурталчлан таниулах загварын шоунд загвар өмсөгчөөр оролцлоо.
  • Ардчилсан намын дотоод сонгуульд нэр дэвшигчдийг бүртгэх хугацаа энэ сарын 15-ны өдрөөр дуусгавар боллоо
  • Амжилт гаргасан онцгойгийн албан хаагчдыг шагналаа
  • Хүүхдүүдэд хөгжлийн бэрхшээлийг эрт илрүүлэх үзлэг хийнэ
  • “Инженер, технологийн дээд боловсрол” төслийн хүрээнд Япон улсад суралцах оюутан, залууст БСШУСЯ-наас батламж гардуулсан байна.
  • Хүүхэд багачуудад урлаг соёлын үнэ төлбөргүй үйлчилгээ үзүүлж, сургалт явуулдаг “Хүүхэд залуучуудын хөгжил хамгаалал” ТББ Хүүхдийн номын өргөөтэй хамтран 7-16 насны 20 гаруй хүүхдэд “Номтой богц”явуулын номын сангийн үйлчилгээ хүргэнэ.
  • Сүхбаатар дүүрэг дэх цагдаагийн нэгдүгээр хэлтсийн алба хаагчид олон удаагийн үйлдэлтэй хулгайн гэмт хэргийн сэжигтнийг илрүүлэн баривчилжээ.
  • Автотээврийн үндэсний төв Өмнөговь аймгийн Цогтцэций суманд шинэ салбараа нээлээ.
  • Гэмтэл согог судлалын үндэсний төвийн “Үйлчлүүлэгчдэд ээлтэй орчны шинэчлэл”-ийн нээлтийн үйл ажиллагаа өнөөдөр боллоо. 
  • Sony компанийн авсан шинэхэн зохиогчийн эрхийн баримтад гар утас хооронд цэнэг дамжуулах технологийн тухай дурджээ.
  • "Алт-2" хөтөлбөрийг хэрэгжүүлэх ажлын хүрээнд Уул Уурхай, Хүнд Үйлдвэрийн яам санхүүжилт шаардлагатай алтны тусгай зөвшөөрөл эзэмшигчдийн жагсаалтыг гаргахаар ажиллаж байна.
  • 2016 онд дугуйтай хүн дайрсан 135 осол бүртгэгдсэн байна
  • 1989 оноос өнөөдрийг хүртэл нийтдээ 26 жилдээ жүдо бөхөөс татамид цаг хором мөч бүхнээ зориулсан Монгол Улсын гавьяат тамирчин Д.Цэрэнханд зодог тайллаа.
  • Хагас боловсруулсан арьс ширийг Итали, Турк, БНХАУ-д экспортолдог “Монгол Шевро” ХК 2016 онд хоёр тэрбум 69.4 сая төгрөгийн борлуулалтын орлоготой ажиллажээ.
  • Сагсан бөмбөгийн шигшээ багийн тамирчид Зүүн Азийн аварга шалгаруулах тэмцээнд оролцож чадахгүй болсон нь Сагсан бөмбөгийн холбоодын дотоод асуудалтай холбоотой гэж үзсэн байна.
  • МУИС-ийн захирлын үүрэг гүйцэтгэгчээр Я.Төмөрбаатарыг томиллоо
  • Туул тосгонд карьерийн үйл ажиллагаа эрхэлж буй ААН-үүдийн лицензийг цуцална
  • Үерийн хамгаалалтын барилга байгууламжийн хамгаалалтын зурваст 1279 айл өр, 279 аж ахуйн нэгж байгууллага байна гэдгийг Нийслэлийн мэргэжлийн хяналтын газраас мэдээллээ.
  • Улсын гуравдугаар төв эмнэлгийн ерөнхий захирал Ц.Төмөр-Очир, манай эмнэлэгт сард 15 мянга орчим хүн амбулаториор үйлчлүүлж, 1500 орчим хүн хэвтэн эмчлүүлж байна.
  • Нийслэлийн нутаг дэвсгэрт хийсэн шалгалтаар барилга угсралтын ажил эхлэх, үргэлжлүүлэх зөвшөөрөлгүй 23 барилга бүртгэгдсэн талаар Нийслэлийн мэргэжлийн хяналтын газраас мэдээллээ.
  • Тусгай хамгаалалттай газар нутгийн Хамгаалалтын захиргаадад гал түймрийн багаж хэрэгслээр иж бүрэн тоноглогдсон 14 автомашиныг хүлээлгэн өгөх ёслол боллоо.

Дэлхийд

  • АНУ-ын Ерөнхийлөгч асан Барак Обама болон түүний гэргий Мишель Обама нар Цагаан ордонд өнгөрүүлсэн найман жилийн тухай дурсамж номоо бичихээр Penguin Random House компанитай 65 сая ам.долларын гэрээ байгуулжээ.
  • Ким Жон Намыг хөнөөсөн этгээдүүдийг эрэн сурвалжилж байна
  • SXSW наадмын үеэр Intel-ийн зүүдэг төхөөрөмжийн салбарын дэд ерөнхийлөгч Сандра Лопец хувцас загварын салбарт технологи шингээсэн бүтээгдэхүүн гаргах боломжийг бүрдүүлэхээр ажиллаж байгаагаа дуулгажээ.

  • АНУ-ын Ерөнхийлөгч Дональд Трамп 2018 оны төсвийн төсөлд батлан хамгаалах салбарын төсвийг нэмэгдүүлж, Засгийн газрын бусад зарцуулалтыг танахаар тусгасан байна.
  • Эмма Уотсоны Entertainment Weekly сэтгүүлд өгсөн ярилцлагаас хүргэлээ.
  • Дэлхийн хүн амын дийлэнх нь исламын шашин шүтдэг болно
  • БНХАУ, Саудын Араб улс байгалийн нөөц баялгийг ашиглах, эрчим хүч, аж үйлдвэр зэрэг хэд хэдэн салбарт хамтарч ажиллах хүрээнд 65 тэрбум ам.долларын үнийн дүн бүхий 20 гаруй гэрээнд БНХАУ-ын дарга Ши Жиньпин, Саудын Араб улсын Хаан Сальман бен Абдель Азиз Аль Сауд нар гарын үсэг зурлаа.
  • Парис дахь ОУВС-гийн байранд илгээсэн дугтуйтай тэсрэх бөмбөгийг нээсэн сангийн ажилтан гар болон нүүрэндээ гэмтэл авчээ.
  • Нидерландын парламентын сонгуульд тус улсын Ерөнхий сайд Марк Рютте ялалт байгууллаа.

GoGo Facebook Хуудас
 
 
Төсвийн хэмнэлт эдийн засаг тогтворжиход нөлөөлж чадах уу ?
Нийт 3786 санал өгсөн байна.

Дээшээ