Улсын Их Хурлын гишүүн Г.Тэмүүлэн өнөөдөр Монгол-Орос хоёр орны залуу бизнес эрхлэгчдийн анхдугаар чуулганыг зохион байгуулах талаараа хэвлэлийн бага хурал хийлээ. Хэвлэлийн хуралд ОХУ-ын Нэгдсэн Орос намын дэргэдэх “Молодоя Гвардия” залуучуудын байгууллагын Эрхүү мужийн салбарын удирдагч Артём Цындыжапов, Монголын худалдаа аж үйлдвэрийн үндэсний тэнхимийн Ерөнхий нарийн бичгийн дарга Э.Оюунтэгш нар оролцлоо.
УИХ-ын гишүүн Г.Тэмүүлэн, УИХ-д залуучуудыг дэмжих лобби бүлэг байгуулагдсан. Уг бүлэг болон зохион байгуулагч талуудын санаачлагаар энэхүү чуулганыг хийхээр боллоо. Чуулганы үеэр Монгол, Оросын төлөөлөгчид хүнс хөдөө аж ахуй, хөнгөн үйлдвэр, хил орчмын бүс нутгийн аялал жуулчлал, байгаль орчин, экологи, эрчим хүч, барилга угсралт, барилгын материалын худалдаа, үйлдвэрлэл, залуучуудыг дэмжих төрийн бодлого гэсэн үндсэн сэдвүүдээр илтгэл хэлэлцүүлж, санал солилцоно.
Түүнчлэн хоёр орны залуу бизнес эрхлэгчид харилцан ашигтай төсөл хөтөлбөрүүдээ танилцуулж, бизнесээ өргөжүүлэх боломж бололцоог судална. Хоёр орны худалдаа, эдийн засгийн харилцаанд тулгамдсан асуудлыг дэвшүүлэх бизнес уулзалтууд болсноор хоёр орны хооронд эдийн засаг, худалдааны харилцааг өргөжүүлж, бизнес эрхлэх таатай орчин бүрдүүлэх зэрэг олон талын ач холбогдолтой гэлээ.
Сүүлийн жилүүдэд хоёр улсын худалдааны эргэлт буурсан статистик үзүүлэлт гарч буй учир хоёр орны эдийн засаг, худалдааны харилцааг шинэ түвшинд гаргахад залуу бизнес эрхлэгчдийн энэхүү чуулган чухал ач холбогдолтой гэж УИХ-ын гишүүн Г.Тэмүүлэн онцлон тэмдэглэв.
ОХУ-ын Нэгдсэн Орос намын дэргэдэх “Молодоя Гвардия” залуучуудын байгууллагын Эрхүү мужийн салбарын удирдагч Артём Цындыжапов хийсэн мэдээлэлдээ “Молодоя Гвардия” буюу “Залуу гвард” байгууллага чуулга уулзалтын үеэр бизнесийн саналуудаа танилцуулна. Саналыг маань Монголын залуучууд хүлээж аваад, хамтран ажиллана гэдэгт итгэж байна" гэлээ.
Одоогоор хоёр орны 100 орчим бизнес эрхлэгч оролцохоо албан ёсоор мэдэгдсэн ба оролцох хүсэлтэй залуу бизнесмэнүүд 99990445 утсаар холбогдон, Нийгмийн ардчилал Залуучуудын холбоо болон Монголын худалдаа аж үйлдвэрийн үндэсний тэнхимд бүртгүүлэх аж. Анхдугаар чуулган дөрөвдүгээр сарын 06-ны өдөр Гадаад харилцааны яаманд болно.
Улсын Их Хурлын гишүүн Г.Тэмүүлэн өнөөдөр Монгол-Орос хоёр орны залуу бизнес эрхлэгчдийн анхдугаар чуулганыг зохион байгуулах талаараа хэвлэлийн бага хурал хийлээ. Хэвлэлийн хуралд ОХУ-ын Нэгдсэн Орос намын дэргэдэх “Молодоя Гвардия” залуучуудын байгууллагын Эрхүү мужийн салбарын удирдагч Артём Цындыжапов, Монголын худалдаа аж үйлдвэрийн үндэсний тэнхимийн Ерөнхий нарийн бичгийн дарга Э.Оюунтэгш нар оролцлоо.
УИХ-ын гишүүн Г.Тэмүүлэн, УИХ-д залуучуудыг дэмжих лобби бүлэг байгуулагдсан. Уг бүлэг болон зохион байгуулагч талуудын санаачлагаар энэхүү чуулганыг хийхээр боллоо. Чуулганы үеэр Монгол, Оросын төлөөлөгчид хүнс хөдөө аж ахуй, хөнгөн үйлдвэр, хил орчмын бүс нутгийн аялал жуулчлал, байгаль орчин, экологи, эрчим хүч, барилга угсралт, барилгын материалын худалдаа, үйлдвэрлэл, залуучуудыг дэмжих төрийн бодлого гэсэн үндсэн сэдвүүдээр илтгэл хэлэлцүүлж, санал солилцоно.
Түүнчлэн хоёр орны залуу бизнес эрхлэгчид харилцан ашигтай төсөл хөтөлбөрүүдээ танилцуулж, бизнесээ өргөжүүлэх боломж бололцоог судална. Хоёр орны худалдаа, эдийн засгийн харилцаанд тулгамдсан асуудлыг дэвшүүлэх бизнес уулзалтууд болсноор хоёр орны хооронд эдийн засаг, худалдааны харилцааг өргөжүүлж, бизнес эрхлэх таатай орчин бүрдүүлэх зэрэг олон талын ач холбогдолтой гэлээ.
Сүүлийн жилүүдэд хоёр улсын худалдааны эргэлт буурсан статистик үзүүлэлт гарч буй учир хоёр орны эдийн засаг, худалдааны харилцааг шинэ түвшинд гаргахад залуу бизнес эрхлэгчдийн энэхүү чуулган чухал ач холбогдолтой гэж УИХ-ын гишүүн Г.Тэмүүлэн онцлон тэмдэглэв.
ОХУ-ын Нэгдсэн Орос намын дэргэдэх “Молодоя Гвардия” залуучуудын байгууллагын Эрхүү мужийн салбарын удирдагч Артём Цындыжапов хийсэн мэдээлэлдээ “Молодоя Гвардия” буюу “Залуу гвард” байгууллага чуулга уулзалтын үеэр бизнесийн саналуудаа танилцуулна. Саналыг маань Монголын залуучууд хүлээж аваад, хамтран ажиллана гэдэгт итгэж байна" гэлээ.
Одоогоор хоёр орны 100 орчим бизнес эрхлэгч оролцохоо албан ёсоор мэдэгдсэн ба оролцох хүсэлтэй залуу бизнесмэнүүд 99990445 утсаар холбогдон, Нийгмийн ардчилал Залуучуудын холбоо болон Монголын худалдаа аж үйлдвэрийн үндэсний тэнхимд бүртгүүлэх аж. Анхдугаар чуулган дөрөвдүгээр сарын 06-ны өдөр Гадаад харилцааны яаманд болно.