“Mongolian property awards 2016” ёслол 4 сарын 29-нд болно

Бизнес мэдээ

2017-04-15 13:19 GMT+8

Монгол Улсын барилга, үл хөдлөх хөрөнгийн салбарын шилдэг бүтээн байгуулалтыг шалгаруулах, тэдгээрийн чанар чансааг үнэлэх, цаашлаад олон улсын тавцанд гаргах, салбартаа манлайлагчдыг тодруулах зорилготой “Mongolian Property Awards 2016” ёслол хүндэтгэлийн арга хэмжээг Барилга хот байгуулалтын яам, Мэргэжлийн хяналтын ерөнхий газар, Онцгой байдлын ерөнхий газар, Монголын барилгын үндэсний ассоциаци, Үл хөдлөх хөрөнгө зуучлагчдын нэгдсэн холбооны дэмжлэгээр Holiday Inn” зочид буудалд 2017 оны 04-р сарын 29-ний өдөр 17:00 цагт уламжлал ёсоор зохион байгуулах гэж байна. 

Энэхүү арга хэмжээгээр нийт 16 төрөл номинацийн хүрээнд 2016 онд ашиглалтад орсон шилдэг барилга байгууламжуудыг шалгаруулна. Барилга байгууламж нэр дэвшүүлэх, ивээн тэтгэгчээр хамтран ажиллах, ёслол хүндэтгэлийн үйл ажиллагаанд оролцогчдын бүртгэлийг propertyawards.mn хаягаар болон 70114646 утсаар авч байна.

Арга хэмжээний нэр дэвшигч барилгын бүртэл дараах байдлаар явагдаж байна:

  • Шилдэг “Эрүүл мэндийн цогцолбор 2016”
  • Шилдэг “Үйлдвэр, ложистикийн барилга 2016”
  • Шилдэг “Эко барилга 2016”
  • Шилдэг “Оффис, бизнесийн барилга 2016”
  • Шилдэг “Сэргээн зассан барилга 2016”
  • Шилдэг “Орон сууцны барилга 2016”
  • Шилдэг “Худалдааны төв 2016”
  • Шилдэг “Ирээдүйн төсөл+” / 10.000 м2 хүртэл /
  • Шилдэг “Ирээдүйн мега төсөл” / 10.000 м2-с дээш /
  • Шилдэг “Нийтийн үйлчилгээний байгууламж 2016”
  • Шилдэг “Үл хөдлөх хөрөнгийн байгууллага 2016”
  • Шилдэг “Дотоод засал чимэглэл 2016”
  • Шилдэг “Гадаад орчны тохижилт 2016”
  • Шилдэг “Зочид буудал, жуулчны бааз 2016”
  • Шилдэг “Таун Хаус 2016”
  • Тусгай шагнал - Шилдэг “Хотын дүр төрх 2016”

Шалгаруулалтын номинацид нэр нэвшигчдэд тавигдах нөхцөлийн мэдээлэлтэй энд дарж танилцана уу.

“MONGOLIAN PROPERTY AWARDS 2010-2015” ёслолын арга хэмжээг “М Жи Эл Интернэшнл” ХХК Барилга хот байгуулалтын яам, Барилгын хөгжлийн төв болон Нийслэлийн засаг даргын тамгын газрын дэмжлэгтэйгээр 2016 оны 04 дүгээр сарын 29-ний өдөр Best Western Premier  Туушин зочид буудалд амжилттай зохион байгуулсан.  Тус арга хэмжээнд UPS олон улсын буухиа шуудан ивээн тэтгэгчээр, Forbes Mongolia сэтгүүл мэдээллийн ивээн тэтгэгчээр хамтран ажиллаж Монгол улсын барилга, үл хөдлөх хөрөнгийн салбарын бүтээн байгуулалтуудыг 16 төрлийн нэр дэвшүүлэлтээр шалгаруулж, шилдэг барилгуудыг тодруулсан билээ.

“MONGOLIAN PROPERTY AWARDS 2010-2015”-ын шилдгүүдтэй танилцана уу.

GoGo Facebook Хуудас
 
 
Та оюуны өмчийг хамгаалах нь хөгжил, хөрөнгө оруулалтыг дэмжинэ гэж боддог уу?
Нийт 596 санал өгсөн байна.

Дээшээ