Майк Пенс: Батлан хамгаалах салбарын нөөц, боломжийг сорих хэрэггүй

BloombergTV.mn

2017-04-20 17:50 GMT+8

АНУ-ын дэд Ерөнхийлөгч Майк Пенс " АНУ Азийн холбоотон орнуудаа БНАСАУ болон бусад аюул заналхийллээс хамгаалах болно" гэж мэдэгдлээ. Тэрээр Хойд Солонгосыг Ази Номхон далайн бүсийн энх тайван, аюулгүй байдалд хамгийн их аюул заналхийлэл учруулж буй улсаар нэрлэсэн байна. Мөн тэрээр "Ерөнхийлөгч Дональд Трамп Америкийн зэвсэгт хүчний түүхэн дэх хамгийн сайн анд нөхөр байна.

Түүний өнгөрсөн долоо хоногт Сири, Афганистанд хийсэн шийдэмгий үйлдлийг дэлхий нийтээрээ харсан. Тиймээс АНУ-ын эрх чөлөө болон манай холбоотон орнуудад халдаж байгаа эсрэг талууд бидний батлан хамгаалахын нөөц бололцоог сорих гэж оролдох хэрэггүй" хэмээн онцолжээ. Майк Пенс Япон дахь 10 өдрийн айлчлалаа өндөрлөсний дараа Индонез улсын нийслэл Жакарта хотод айлчилж байна. Тэрээр тус улсын Ерөнхийлөгч Жоко Видодо болон бусад албаныхан, бизнесийн төлөөлөгчидтэй уулзахаар товложээ. Индонез дахь айлчлалын хүрээнд талууд терроризм болон тэнгисийн хамтын ажиллагаа мөн бусад асуудлын хүрээнд яриа, хэлэлцээ хийх төлөвтэй байгаа юм.

Н.Номин-Эрдэнэ

GoGo Facebook Хуудас
 
 
Мягмар гарагаас эхлэн нийслэлийн төв зам болох Энхтайваны өргөн чөлөөгөөр баруунаас зүүн чиглэн явах жолооч нарт зүүн эргэхийг хориглолоо. Нийт долоон уулзвараар зүүн эргэх хориотой болов. Та энэ шийдвэрийг дэмжиж байна уу?
Нийт 1488 санал өгсөн байна.

Дээшээ