Украины Ерөнхийлөгч Петр Порошенко ОХУ-ын болон тус улсын компаниудын эсрэг гаргасан эдийн засгийн хоригоо өргөжүүлэх зарлиг гаргажээ. Шинэчилсэн хоригт Оросын олон нийтийн хэвлэл мэдээллийн, мэдээллийн технологийн хэд хэдэн компаниуд багтсаны дотор РБК (РосБизнесКонсалтинг), ТВ Центр, ВГТРК, НТВ Плюс, Звезда зэрэг олон нийтийн хэвлэл мэдээллийн компаниуд, вирусын эсрэг программ хангамжийн “Лаборатория Касперского” болон “Dr. Web”, Mail.Ru групп болон түүний нийгмийн сүлжээ болох “ВКонтакте”, “Одноклассники”, Яндекс болон түүний үзүүлдэг бүх үйлчилгээнүүд тус тус багтжээ.
Украины эрх баригчдын үзэж байгаагаар Оросын нийгмийн сүлжээнүүдийг хууль бусаар мэдээ мэдээлэл цуглуулах, суртал ухуулга явуулах, хууль бус контент тараахад өргөнөөр ашиглаж байсан аж.
Ингэснээр Украины интернет сүлжээгээр хангагч байгууллагууд эдгээр сайтууд руу орох эрхийг хаах шаардлагатай болж байгаа аж.
Украины цахим холбооны тэргүүн Александр Федиенкогийн хэлж байгаагаар Украины Ерөнхийлөгчийн зарлиг бүрэн хэрэгжих хүртэл хоёр жилийн хугацаа, нэг тэрбум ам. доллар шаардлагатай аж. Тэрээр, “Бидэнд зөвхөн дээрх сайтууд руу орох эрхийг хаагаад зогсохгүй, дээрх сайтуудын байрлаж буй бүх системийг хаах шаардлага гарч байна. Энэхүү системийг хааснаар хоригт багтаагүй өөр бусад сайтууд руу ч орох боломжгүй болно.” хэмээн ярьсан байна.
Мэргэжилтнүүдийн үзэж байгаагаар Украины интернет хэрэглэгчид эдгээр хоригийг тойрон гарах арга замаа удахгүй олох гэнэ. Хэрэглэгчид удахгүй анонимайзер, VPN зэрэг хаалттай сайтууд руу ороход шаардлагатай тоног төхөөрөмж, программ зэргийг ашиглаж сурах аж.
Mail.Ru Группын "ВКонтакте" нийгмийн сүлжээг 16 сая украинчууд ашигладаг аж. Тус компанийн зүгээс Украины эрх баригчдын гаргасан хоригийн талаар, “Бид манай сүлжээг ашигладаг дэлхийн бүх орны хэрэглэгчиддээ үйлчилгээгээ үргэлжлүүлэн хүргэх болно.” хэмээн мэдэгдсэн байна.
Хоригт багтсан Оросын бусад компаниуд ч мөн адил дээрх хориг нь тэдний үйл ажиллагаа болон ашиг орлогод ямар ч нөлөө үзүүлэхгүй хэмээн мэдэгдсэн байна.
Украины Ерөнхийлөгч Петр Порошенко ОХУ-ын болон тус улсын компаниудын эсрэг гаргасан эдийн засгийн хоригоо өргөжүүлэх зарлиг гаргажээ. Шинэчилсэн хоригт Оросын олон нийтийн хэвлэл мэдээллийн, мэдээллийн технологийн хэд хэдэн компаниуд багтсаны дотор РБК (РосБизнесКонсалтинг), ТВ Центр, ВГТРК, НТВ Плюс, Звезда зэрэг олон нийтийн хэвлэл мэдээллийн компаниуд, вирусын эсрэг программ хангамжийн “Лаборатория Касперского” болон “Dr. Web”, Mail.Ru групп болон түүний нийгмийн сүлжээ болох “ВКонтакте”, “Одноклассники”, Яндекс болон түүний үзүүлдэг бүх үйлчилгээнүүд тус тус багтжээ.
Украины эрх баригчдын үзэж байгаагаар Оросын нийгмийн сүлжээнүүдийг хууль бусаар мэдээ мэдээлэл цуглуулах, суртал ухуулга явуулах, хууль бус контент тараахад өргөнөөр ашиглаж байсан аж.
Ингэснээр Украины интернет сүлжээгээр хангагч байгууллагууд эдгээр сайтууд руу орох эрхийг хаах шаардлагатай болж байгаа аж.
Украины цахим холбооны тэргүүн Александр Федиенкогийн хэлж байгаагаар Украины Ерөнхийлөгчийн зарлиг бүрэн хэрэгжих хүртэл хоёр жилийн хугацаа, нэг тэрбум ам. доллар шаардлагатай аж. Тэрээр, “Бидэнд зөвхөн дээрх сайтууд руу орох эрхийг хаагаад зогсохгүй, дээрх сайтуудын байрлаж буй бүх системийг хаах шаардлага гарч байна. Энэхүү системийг хааснаар хоригт багтаагүй өөр бусад сайтууд руу ч орох боломжгүй болно.” хэмээн ярьсан байна.
Мэргэжилтнүүдийн үзэж байгаагаар Украины интернет хэрэглэгчид эдгээр хоригийг тойрон гарах арга замаа удахгүй олох гэнэ. Хэрэглэгчид удахгүй анонимайзер, VPN зэрэг хаалттай сайтууд руу ороход шаардлагатай тоног төхөөрөмж, программ зэргийг ашиглаж сурах аж.
Mail.Ru Группын "ВКонтакте" нийгмийн сүлжээг 16 сая украинчууд ашигладаг аж. Тус компанийн зүгээс Украины эрх баригчдын гаргасан хоригийн талаар, “Бид манай сүлжээг ашигладаг дэлхийн бүх орны хэрэглэгчиддээ үйлчилгээгээ үргэлжлүүлэн хүргэх болно.” хэмээн мэдэгдсэн байна.
Хоригт багтсан Оросын бусад компаниуд ч мөн адил дээрх хориг нь тэдний үйл ажиллагаа болон ашиг орлогод ямар ч нөлөө үзүүлэхгүй хэмээн мэдэгдсэн байна.