АНУ-ын баазаас хулгайлсан автомашиныг Монгол руу гаргах гэж байжээ

МОНЦАМЭ

2017-05-19 12:55 GMT+8

Өмнөд Солонгос дахь АНУ-ын цэргийн баазаас цэргийн зориулалттай автомашинуудыг хулгайлж, энгийн иргэдэд худалдан борлуулах гэж байсан бүлэг этгээд, тэдний дотор нэг америк цэргийг Өмнөд Солонгосын цагдаа нар баривчлан саатуулжээ.

Энэ долоо хоногийн лхагва гарагт Сөүл хотын Цагдаагийн газрын мэдэгдсэнээр, зургаан этгээд өнгөрсөн оны 6-9 дүгээр сард АНУ-ын баазаас тус бүр нь 40-70 сая воны үнэтэй “Humvee” загварын гурван автомашиныг хулгайлсан байна.

Цагдаа нар мэдэгдэхдээ “манай улсад цэргийн зориулалттай тээврийн хэрэгсэл хулгайлж байсан тохиолдол өмнө нь гарч байгаагүй. Сэжигтнүүд эдгээр автомашиныг ашиглалтаас гарсан гэж актлаад баазаас гаргасныг илрүүллээ” гэв.

Гурван автомашины нэгийг нь Өмнөд Солонгосын  54 настай иргэн кино зураг авалтад ашиглах гэж 11 сая воноор худалдан авсан байжээ.

Харин үлдсэн хоёрыг нь Монгол ба Шри-Ланкт худалдахаар хил давуулах гэж байхад нь цагдаа нар сэжигтнүүдийг баривчилсан байна.

Г.Доржханд

GoGo Facebook Хуудас
 
 
Үндсэн хуульд оруулах нэмэлт өөрчлөлтөд УИХ нийтийн ашиг сонирхол хөндсөн тодорхой асуудлаар хянан шалгах хороо байгуулна гэж заажээ. Таны бодлоор УИХ хянан шалгах үйл ажиллага явуулах нь зөв үү?
Нийт 53 санал өгсөн байна.

Дээшээ