2017.05.26: Өнөөдөр болох үйл явдлуудыг НЭГ ӨГҮҮЛБЭРЭЭР

Сэтгүүлч Э.Оргил GoGo.mn

2017-05-26 18:32 GMT+8

Улс оронд өнөөдөр өрнөсөн үйл явдлын хураангуйг хүргэж байна.

-
Ерөнхий боловсролын сургуулийн 12 дугаар ангийн сурагчдын математикийн улсын шалгалт өчигдөр орон даяар эхэлсэн ч шалгалтын материал задарсан учир улсын шалгалтыг дахин авахаар болжээ.

-Дээд боловсролын салбарын нээлттэй өдөрлөг Сүхбаатарын талбайд боллоо
-Сонгуулийн ерөнхий хорооны хуралдаанаар Ерөнхийлөгчийн сонгуульд нэр дэвшигчдийн МҮОНРТ-ээр төлбөргүй нэвтрүүлэх сурталчилгааны нэвтрүүлгийн хуваарь, цагийг баталжээ

-
Ерөнхий сайд Ж.Эрдэнэбат БНСУ-ын “Эделман Кореа” компанийн төлөөлөгчдийг хүлээн авч уулзах үеэр тус компани дэлхийн 200 гаруй оронд Монгол Улсын брэндийг таниулахыг зорьж, юуны түрүүнд судалгаа хийхээр төлөвлөснөө мэдэгдлээ. 

-Хүүхдийн эрхийг хамгаалах олон улсын өдөр болох гэж байгаатай холбогдуулан Нийслэлийн мэргэжлийн хяналтын газраас зөвлөмж гаргалаа.
-Бага ангийн гурван охиныг дагуулан явсан Хятад эмэгтэй Сэтгэцийн эрүүл мэндийн үндэсний төвд хэвтэж байна.

-Хонгконгод болж буй 2017 оны жүдо бөхийн ААШТ-ий эмэгтэйчүүдийн -52кг-д Ч.Аззаяа аваргын төлөө Японы шилдэг жүдоч Ай Шишимэтэй барилдаж нэмэлт цагт вазари үнэлгээгээр ялагдаж мөнгөн медаль хүртлээ.

-Өрхийн эрүүл мэндийн төвүүдэд зохион байгуулах элэгний В, С вирусын илрүүлэгт нийслэлийн хэмжээнд 40-65 насны 334 мянган хүнийг хамруулах бөгөөд бэлтгэл ажлын явц 70 хувьтай байна. 

-Төв талбайд болсон дээд боловсролын салбарын нээлттэй өдөрлөгийн үеэр ШУТИС-ийн Механик тээврийн сургуулийн IV дамжааны оюутан Ц.Доржсүрэн, тус сургуулийн Нисэх техникийн механикийн IV дамжааны оюутан М.Баярсайхан нар хамтарч өөрсдийн хөгжүүлсэн удирдлагатай спорт загварын машины дрифтийн үзүүлбэрийг сонирхууллаа.
-Нийслэлийн Засаг даргын Тамгын газраас “Иргэдийн оролцоотой эрх зүйн шинэтгэлийн жил”-ийн ажлын хүрээнд Монголын өмгөөлөгчдийн холбоотой хамтран сард нэг удаа иргэдэд хууль, эрх зүйн үнэ төлбөргүй зөвлөгөө өгөх өдөрлөг боллоо.


-
Баянгол дүүрэгт нийслэлийн ахмадууд болон хүүхэд багачуудад дүүрэг, хороо харгалзахгүй үйлчлэх Ахмадын сувилал, хүүхдийн эмнэлэг ашиглалтад ороход бэлэн болжээ.

-Нийслэлийн шилдэг 40 рестораны хоолыг нэг дор амтлах боломжтой “Ub Food&Drink Festival 2017” Зайсан толгойд эхэллээ.

ДЭЛХИЙД

-Фэйсбүүкийг үүсгэн байгуулагч Марк Цукерберг Харвардын төгсөгчдөд хандаж хэлсэн үгийг бүрэн эхээр нь хүргэж байна.

-Английн Манчестер хотын цэнгэлдэхийн гадна тэсрэх бөмбөг дэлбэлж, 22 хүний аминд хүрсэн Салман Абеди алан хядах үйл ажиллагаагаа жилийн өмнөөс бэлдэж эхэлсэн талаар Их Британийн Таймс сонинд бичсэн байна.

-Хятадын хойд зүгт орших ӨМӨЗО-ны улс төрийн ахлах зөвлөх асан Жао Липинийг хүний амь санаатайгаар бүрэлгэсэн, авлига авсан, галт зэвсэг хууль бусаар эзэмшсэн зэрэг хэрэгт буруутгаж, цаазаар авчээ. 

 

 

GoGo Facebook Хуудас
 
 
Хотын дарга Су.Батболдын ажлыг Та хэрхэн дүгнэх вэ?
Нийт 1229 санал өгсөн байна.

Дээшээ