Монголын эрэгтэй жүдочид тивдээ АМАН ХҮЗҮҮДЛЭЭ


2017-05-28 18:46 GMT+8

Жүдо бөхийн 2017 оны насанд хүрэгчдийн ААШТ-ий багийн төрөлд Монголын эрэгтэй жүдочид мөнгөн медаль хүртлээ.

Аваргын төлөөх барилдаанд БНСУ-ын багтай таарч 3:2-оор хожигдлоо. -66кг-д ОУХМ Г.Хэрлэн гурван вазари үнэлгээгээр хожиж яваад барилдааны төгсгөлд боох мэхэнд орж цэвэр хожигдсон.

-73кг-д Г.Одбаяр дэлхийн аварга Ан Чангримд вазари үнэлгээгээр хожигдсон бол 81кг-д Н.Дагвасүрэн багтаа эхний ялалтыг авсан.  Г.Алтанбагана өрсөлдөгчөө вазари үнэлгээгээр ялж яваад гар хөшсөн хэмээн шүүгч эсрэг талд ялалт өгснөөр Монголын баг тивийн аваргад түрүүлэх найдваргүй болсон.

+100 кг-д олимпын хос медальт Н.Түвшинбаяр аварга Ким Сангвинийг даралтаар цэвэр ялж багтаа хоёр дахь ялалтыг авчирсан юм.  Хүрэл медалийг Япон, Ираны эрэгтэй баг хүртлээ. 

GoGo Facebook Хуудас
 
 
Хотын дарга Су.Батболдын ажлыг Та хэрхэн дүгнэх вэ?
Нийт 1254 санал өгсөн байна.

Дээшээ