Гимнастикчид "Сингапур опен" тэмцээнээс найман медаль авлаа


2017-06-19 17:00 GMT+8

Олон улсын гимнастикийн холбооны албан ёсны хөтөлбөрт багтсан Сингапурын нээлттэй тэмцээнээс Монголын баг найман медаль хүртэв. 

Уг тэмцээнд Монголын Гимнастикийн Холбооноос С.Надежда Багийн ахлагчтай, Олон улсын шүүгч Б.Эрдэнэзаяа, Багийн менежер Б.Оюун, Тамирчин Х. Ундрам, У.Айыына нар оролцсон. 

Х.Ундрам хэрэглэл тус бүрийн аварга шалгаруулах тэмцээнд

  • Цагаригтай дасгал 12.10 оноогоор 2 дугаар байр 
  • Булавтай дасгалд 14.40 оноогоор 1 дүгээр байр 
  • Туузтай дасгалд 11.20 оноогоор 1 дүгээр байр тус тус хүртэв. 

Бага насны ангиллын тэмцээнд өсвөрийн бяцхан тамирчин У. Айыына 10-аас доош насны ангилалд

  • Нийлбэр дүнгээр 42.40 оноогоор 2 дугаар байр
  •  Чөлөөт дасгал 11.60 оноогоор 3 дугаар байр 
  • Олстой дасгалд 10.04 оноогоор 3 дугээр байр 
  •  Бөмбөгтэй дасгалд 11.85 оноогоор 1 дүгээр байр эзэллээ. 

Манай баг тамирчид тэмцээнээ дуусгаад Сингапур улсад хамтарсан бэлтгэл сургуулилт хийнэ.

Хамтарсан бэлтгэлээ дуусгаад Казакстан улсын Астана хотноо 2017 оны зургадугаар сарын 24-27-нд болох залуучуудын 15, насанд хүрэгчдийн 9 дэх удаагийн Ази тивийн аварга шалгаруулах тэмцээнд өрсөлдөнө. 

GoGo Facebook Хуудас
 
 
Дараагийн Ерөнхий сайд хэн болоосой гэж та хүсч байна вэ?
Нийт 3802 санал өгсөн байна.

Дээшээ