Газрын тосны хайгуулын шинэ талбайнуудад нөөцийг нь амжилттай тогтоож байгаа, удахгүй бүтээгдэхүүн хуваах гэрээ байгуулах хүлээлттэй байгаа талаар Ашигт Малтмал, Газрын Тосны газраас мэдээллээ. Өмнөговь, Дорноговь аймгийн нутагт оршдог "Галба 11" болон Дорноговь аймагт орших "Эргэл 12" газрын тосны талбайн хайгуулын ажил ийнхүү амжилттай дуусахад ойртож байна. Эдгээр талбайд БНХАУ-ын хөрөнгө оруулалттай "Smart Oil Investment", "Зонхэн Юу Тиан" компаниуд хайгуулын ажлыг нь гүйцэтгэж байгаа аж.
Үүнээс гадна Монгол Улсын Засгийн газар БНХАУ-ын хөрөнгө оруулалттай "Зах Петролиум" компанитай газрын тосны бүтээгдэхүүн хуваах гэрээ байгуулахаар ажиллаж байгаа талаар АМГТГ-аас мэдээллээ. Тус компанийн хувьд газрын тосны "Шарга 3" талбайд хайгуул хийхээр төлөвлөж байна. Хайгуулын компаниудын хувьд 2017 онд газрын тосны хайгуулд 100 орчим сая ам.долларын хөрөнгө зарцуулахаар төлөвлөж байгаа аж.
Газрын тосны IV, V талбайд амжилттай хайгуул хийж байгаа “Петро Матад” компани 45.2 сая ам.долларын санхүүжилт татсан, “Sinopec Mongolia” компанитай хамтрахаар бэлтгэж байна. Мөн Австралийн Хөрөнгийн биржид бүртгэлтэй “Wolf Petrolium” компани Баруун Урт, Жинст талбайд хайгуул хийж байгаа юм. Хайгуулын ажилд 4.4 сая ам.доллар шаардлагатай гэж тогтоожээ. Одоогоор санхүүжилт татахаар “Sam Group”-тай хэлэлцээ хийж байгаа гэж тус компани мэдээллээ.
Т.Элиса
Газрын тосны хайгуулын шинэ талбайнуудад нөөцийг нь амжилттай тогтоож байгаа, удахгүй бүтээгдэхүүн хуваах гэрээ байгуулах хүлээлттэй байгаа талаар Ашигт Малтмал, Газрын Тосны газраас мэдээллээ. Өмнөговь, Дорноговь аймгийн нутагт оршдог "Галба 11" болон Дорноговь аймагт орших "Эргэл 12" газрын тосны талбайн хайгуулын ажил ийнхүү амжилттай дуусахад ойртож байна. Эдгээр талбайд БНХАУ-ын хөрөнгө оруулалттай "Smart Oil Investment", "Зонхэн Юу Тиан" компаниуд хайгуулын ажлыг нь гүйцэтгэж байгаа аж.
Үүнээс гадна Монгол Улсын Засгийн газар БНХАУ-ын хөрөнгө оруулалттай "Зах Петролиум" компанитай газрын тосны бүтээгдэхүүн хуваах гэрээ байгуулахаар ажиллаж байгаа талаар АМГТГ-аас мэдээллээ. Тус компанийн хувьд газрын тосны "Шарга 3" талбайд хайгуул хийхээр төлөвлөж байна. Хайгуулын компаниудын хувьд 2017 онд газрын тосны хайгуулд 100 орчим сая ам.долларын хөрөнгө зарцуулахаар төлөвлөж байгаа аж.
Газрын тосны IV, V талбайд амжилттай хайгуул хийж байгаа “Петро Матад” компани 45.2 сая ам.долларын санхүүжилт татсан, “Sinopec Mongolia” компанитай хамтрахаар бэлтгэж байна. Мөн Австралийн Хөрөнгийн биржид бүртгэлтэй “Wolf Petrolium” компани Баруун Урт, Жинст талбайд хайгуул хийж байгаа юм. Хайгуулын ажилд 4.4 сая ам.доллар шаардлагатай гэж тогтоожээ. Одоогоор санхүүжилт татахаар “Sam Group”-тай хэлэлцээ хийж байгаа гэж тус компани мэдээллээ.
Т.Элиса