СЕХ: Ерөнхийлөгчийн сонгуулийн эцсийн дүнг өнөөдөр УИХ-д өргөн мэдүүлнэ

Сэтгүүлч Э.Оргил GoGo.mn

2017-07-09 09:58 GMT+8

Сонгуулийн ерөнхий хорооны өнөө өглөө 09.00 цагт хуралдаж гаргасан шийдвэрээ танилцууллаа. Хуралдаанаараа хоёр тогтоол гаргасэн гэж СЕХ-ны дарга Ц.Содномцэрэн мэдээлэв.
Нэгдүгээрт, 2017 оны Ерөнхийлөгчийн сонгуулийн дүнг баталлаа. Хоёр дахь санал хураалтад саналаа  өгсөн 1.207.787 сонгогчоос:

  • М.Энхболд- 497.067 буюу нийт сонгогчийн -41.16 хувь
  • Х.Баттулга- 611.226 буюу нийт сонгогчийн -50.61 хувийн санал авсныг баталсугай гэсэн тогтоол гаргалаа.

Сонгогчийн нэрийн жагсаалтад 1.990.797 иргэний нэр байснаас ирц 60.67 хувьтай гарсан байна. .

Хоёрдугаарт, Монгол Улсын Ерөнхийлөгчийн бүрэн эрхийг хүлээн зөвшөөрөх тухай УИХ-д өргөн мэдүүлэх тогтоол гаргалаа.  СЕХ тогтоолын төслийг УИХ-д өргөн мэдүүлнэ гэв.

СЕХ уг тогтоолын төслийг өнөөдөр 10.00 цагт УИХ-ын дарга М.Энхболдод өргөн мэдүүлэх юм байна.

Зургийг: mpa.mn

GoGo Facebook Хуудас
 
 
Дараагийн Ерөнхий сайд хэн болоосой гэж та хүсч байна вэ?
Нийт 5159 санал өгсөн байна.

Дээшээ