Олон улсын хөөрөлт буултын нислэг 14.5 хувиар нэмэгджээ

Б.Эрмүүн GoGo.mn

2017-09-13 09:31 GMT+8

Иргэний Нисэхийн Ерөнхий Газрын харьяа Буянт-Ухаа дахь Чингис хаан Олон улсын нисэх буудалд өнгөрсөн наймдугаар сарын 1-ний өдрийн байдлаар олон улсын хөөрөлт буултын нислэг 4163 буюу өмнөх оны мөн үетэй харьцуулахад 14.5 хувиар нэмэгджээ. 

Харин орон нутгийн хөөрөлт буултын  3317 нислэг үйлдэгдсэн нь 23 хувиар тус тус өссөн үзүүлэлт юм.

Мөн Монгол Улсын агаарын зайгаар 62002 олон улсын нислэг өнгөрч, өмнөх оны мөн үеийнхтэй харьцуулахад 11.8 хувиар өсжээ.

Олон улсын өнгөрөлтийн нислэгийн тоог нэмэгдүүлэх ажлын хүрээнд Зам, тээврийн хөгжлийн сайдын 2017 оны  01 дүгээр сарын 13-ны өдрийн “Агаарын замуудыг  шинэчлэн тогтоох тухай” 09 дүгээр тушаалаар Монгол Улсын агаарын зайд үзүүлэлтэд тулгуурласан навигаци бүхий замуудыг шинэчлэн тогтоож 2017 оны гуравдугаар сарын 30-ны өдрөөс нислэгийн үйл ажиллагаанд ашигласан нь ийнхүү үр дүнгээ өгч эхэлсэн гэж дүгнэсэн байна.

GoGo Facebook Хуудас
 
 
Утааны улирал эхэллээ. Та амны хаалтыг өөртөө болон үр хүүхдүүддээ гадаа орчинд байнга зүүлгэж чадах уу?
Нийт 130 санал өгсөн байна.

Дээшээ