Ц.Дамдинсүрэнгийн эрдэм шинжилгээний бүтээлийн есөн боть ном гарчээ

А.Мишээл GoGo.mn

2017-11-14 15:10 GMT+8

Төрийн гурван удаагийн шагналт, Ардын уран зохиолч, Академич Ц.Дамдинсүрэнгийн эрдэм шинжилгээний бүтээлийн чуулган есөн боть номын нээлт БСШУСЯ-нд боллоо.

"Монгол судлалын шилдэг өв" цуврал болон хэвлэгдсэн тус бүтээлийг "Монгол судлалыг дэмжих сан"-аас санхүүжүүлжээ. Академичийн охин, ОХУ-ын Москвагийн Хүмүүнлэгийн ухааны их сургуулийн профессор Анна Цендина тэргүүтэй МУИС, Шинжлэх ухааны Академийн эрдэмтэн судлаачдын баг эрхлэн гаргасан байна.

Ц.Дамдинсүрэн бол монгол хэл, утга зохиол судлалын чиглэлээр олон арван бүтээл туурвисан гарамгай эрдэмтэн билээ. Тиймээс түүний бүтээлийг "Монгол судлалын шилдэг өв" цувралд оруулж, эмхэтгэн хэвлэжээ.

GoGo Facebook Хуудас
 
 
Шанхайн Хамтын Ажиллагааны Байгууллагат манай улс элсэн орох саналыг Та дэмжих үү?
Нийт 1478 санал өгсөн байна.

Дээшээ