Өнөөдөр болох үйл явдлууд


2017-11-15 09:35 GMT+8

09.00 Кибер аюулгүй байдлын “The Premier Cyber Security” арга хэмжээ нь үйлчлүүлэгч, түншүүдийн аюулгүй байдал хамгаалалтын төлөв байдал, хамгийн их өсөлттэй байгаа халдлага, ирээдүйд юуг анхаарах шаардлагатай зэргийг танилцуулах өдөрлөг “М Плаза” төвийн 16-р давхарт болно.

11.00

  • Ерөнхий сайд У.Хүрэлсүх дулааны дөрөвдүгээр цахилгаан станцад ажиллана.
  • ШУА-ийн Палеонтологи, Геологийн хүрээлэнгийн нээлттэй хаалганы өдөрлөг "Хүннү молл"-ын В1 давхарт болно. Нээлттэй хаалганы өдрөөр "Үлэг гүрвэлийн гайхамшиг" үзэсгэлэнг үнэ төлбөргүй үзэх бөгөөд Палеонтологи, Геологийн судлаачдын сонирхолтой лекц сонсох боломжтой.
  • Монгол Улсын нийгэм, эдийн засгийн 2017 оны эхний 10 сарын байдлаарх хэвлэлийн бага хурал 11 цагаас Засгийн газрын III байранд болно.
  • БСШУС-ын сайд Ц.Цогзолмаа Налайх дүүрэгт байрлах Монгол-Германы Ашигт малтмал, технологийн их сургуульд зочилно.
  • ГХЯ-нд Үндэсний аудитын газраас тус яаманд хийсэн аудитын газрын шалгалтын дүгнэлтийг танилцуулна.
  • Монгол ньюс мэдээллийн төвд МҮЭХ-г шинэчлэх гишүүдийн нэгдлээс цаг үеийн асуудлаар мэдээлэл хийнэ.

11.40 Зайсан толгойн Зөвлөлтийн дайчдын хөшөөний зүүн урд талд БНМАУ-ын Баатар И.А.Плиевын хөшөөний нээлт болно.

12.00

  • Япон, Монголын балетчид хамтран тавьж буй "Хязгаараас ангид" тоглолтын талаар өнөөдөр Корпорайт Конвенш центрийн Еvent Hall-д хэвлэлийн бага хуралтай.
  • Төрийн ордны Иргэний танхимд энэ жилийн “Чингис хааны одон”-ы эзнийг танилцуулах хэвлэлийн бага хуралтай.
  • Монгол ньюс мэдээллийн төвд “Улсын мэргэшсэн хяналтын төв” ТББ-аас Ерөнхий сайд У.Хүрэлсүх, Төрийн өмчийн бодлого, зохицуулалтын газрын дарга Ц.Ням-Осор нарт шаадлага хүргүүлэх талаар мэдээлэл хийнэ.

14.00 НҮБ-ын байранд Японы Хөгжиж  буй орнуудын эдийн засгийн хүрээлэнгээс Монгол Улсын Эдийн засгийн коридорын нөхцөл байдалд хийсэн судалгааны дүнг танилцуулна.

15.00 цагт Монголын уран зургийн галлерейд “Монголын орчин үеийн дүрслэх урлагийн нэрт төлөөлөгчид” эрдэм шинжилгээний бага хурал болно.

GoGo Facebook Хуудас
 
 
Утааны улирал эхэллээ. Та амны хаалтыг өөртөө болон үр хүүхдүүддээ гадаа орчинд байнга зүүлгэж чадах уу?
Нийт 156 санал өгсөн байна.

Дээшээ