Хуучин байрны үнэ буурч, шинэ байрны үнэ бага зэрэг өслөө

Б.Чимэг GoGo.mn

2018-01-13 15:45 GMT+8

                                    2017/12 сарын орон сууцны үнийн индекс

Монголбанкны захиалгаар Үл хөдлөх хөрөнгийн Тэнхлэг зууч компанийн хараат бусаар хийсэн “Орон сууцны үнийн индекс”-ийн (ОСҮИ) судалгааны 2017 оны арван хоёрдугаар сарын үр дүнг  танилцуулж байна.

Тус судалгаагаар өнгөрсөн сард орон сууцны үнийн ерөнхий индекс 1.013 болж, суурь үе буюу 2013 оны I сараас 1.3 хувиар өслөө. Энэ нь өмнөх сараас 0.22 хувиар, өнгөрсөн оны мөн үетэй  харьцуулахад 0,34  хувиар өссөн байна.

Харин үнийн индексийн үзүүлэлтийг шинэ орон сууц, хуучин орон сууцаар ангилж үзвэл:

Шинэ орон сууцны үнийн индекс 1,164 гарсан. Энэ нь өмнөх сараас 0.32 хувиар, өнгөрсөн оны мөн үетэй харьцуулбал 0,75 хувиар өссөн байна.

Хуучин орон сууцны үнийн индекс 0,912. Суурь үеэс 8,80 хувиар буурлаа. Харин өмнөх сараас 0,28 хувиар, өнгөрсөн оны мөн үеэс 1.16 хувиар буурсан үзүүлэлт юм.

GoGo Facebook Хуудас
 
 
Хотын дарга Су.Батболдын ажлыг Та хэрхэн дүгнэх вэ?
Нийт 1811 санал өгсөн байна.

Дээшээ