Сар шинийн баяраар иргэдэд анхааруулах зөвлөмж


2018-02-13 17:15 GMT+8

Нийслэлийн эрүүл мэндийн газраас удахгүй бол сар шинийн баярыг тохиолдуулан иргэдэд анхааруулах зөвлөмжийг гаргажээ. Үүнд:

  • Бага насны хүүхэд, жирэмсэн эхчүүд томуугийн халдвар авах магадлалтай тул урьдчилан сэргийлэх аргууд болох тогтмол гараа угааж, аль болох олон айлаар хэсэхгүй байх,
  • Архи, согтууруулах ундааг тохируулан хэрэглэж, хэрэв хамт яваа хүн тань хэтрүүлэн хэрэглэсэн хүн байвал гэрт нь хүргэж өгөх, согтууруулах ундаа хэрэглэсэн бол тээврийн хэрэгсэл жолоодохгүй байх,
  • Гудамж, талбайд ухаангүй, биеэ авч явах чадваргүй хүн байгаа бол яаралтай 102, 103 дугаарын утсанд мэдэгдэх,
  • Хоол идэхийн өмнө, бие зассаны дараа, олон нийтийн газар явсан бол, мөнгө барьсан тохиолдол бүрийн дараа гараа заавал угаах, гар угаах боломжгүй бол цэвэрлэх, ариутгах зориулалттай санитол, нойтон салфеткийг хэрэглэх,
  • Хүнсний бүтээгдэхүүнийг баталгаатай газраас худалдан авч, хугацааг шалгах,
  • Бялуу, өндөг, хиам, цөцгий, төрөл бүрийн салад, зууш, сүү, сүүн бүтээгдэхүүнийг хэмжээг тохируулан бэлтгэж хэрэглэх, зориулалтын дагуу хөргөгчинд 24 цагаас ихгүй хугацаагаар зөв хадгалах,
  • Жимс хүнсний ногоог сайтар угааж хэрэглэх,
  • Савласан ундаа, айраг зэргийг ам дамжуулан уухаас татгалзах,
  • Хордлого, халдвар болон бусад өвчний шинж тэмдэг илэрсэн үед яаралтай эмчид хандах зэрэг болно.

Мөн НЭМГ-аас Монголын уламжлалт цагаан сарын баярыг архигүй тэмдэглэн өнгөрүүлэхийг нийт ард иргэдэд уриалсан байна. 

GoGo Facebook Хуудас
 
 
У.Хүрэлсүх 2017 оны аравдугаар сарын 4-нд Ерөнхий сайд болсон. Түүний тэргүүлсэн Засгийн газрын үйл ажиллагаанд Та ямар дүгнэлт өгөх вэ?
Нийт 773 санал өгсөн байна.

Дээшээ