Нийтээр амрах өдөр бямба, нямд таарвал амралтыг дараагийн ажлын өдөрт шилжүүлэн тооцдог байхаар төсөлд тусгасан

Сэтгүүлч Э.Оргил GoGo.mn

2018-02-14 17:05 GMT+8

Засгийн газрын өнөөдрийн хуралдаанаар Хөдөлмөрийн тухай хуулийн шинэчилсэн найруулгыг хэлэлцэн, УИХ-д өргөн мэдүүлэхээр шийдвэрлэлээ. Энэ хуулийн төслийн талаар Хөдөлмөр, нийгмийн хамгааллын сайд С.Чинзориг мэдээлэл хийв. 

Тэрбээр, Уг хуулийн төсөлд нийгэм, эдийн засгийн харилцаанд өөрчлөлт орсноор Хөдөлмөр эрхлэлтийн хуульд өөрчлөлт оруулах шаардлага үүссэн.

  • Тухайлбал, Оюутолгой, Тавантолгой зэрэг уурхайд гэрээсээ алслагдмал байдлаар ажиллаж буй залуучуудын ажил, амралтын горимыг шинэ хуульд тусгасан.  
     
  • Шөнийн цагаар ажиллах зайлшгүй шаардлага гардаг. Одоогийн хуулиар шөнийн цагаар ажилласныг зохицуулж чадахгүй байгаа. Шинэ хуулийн төсөлд шөнийн цагаар ажилласан бол цалин хөлсийг 1.5 дахин нэмэгдүүлэн олгохоор тусгасан.
     
  • Оюутан залуус бүрэн бус цагаар ажилллаж, ажилласан хөлсөө цаг тухайд нь авдаг байх тухай нэлээд яригддаг. Тиймээс энэ хуулиар цалин хөлсийг бүрэн бус цагаар ажилласан бол бүрэн цагаар ажиллах ажлын хөлснөөс багагүй байхаар тусгасан.
     
  • Хөдөлмөрийн маргаантай холбоотой асуудлуудыг шүүхийн шатанд очихоос өмнө шийддэг, эвлэрүүлэн зуучилдаг байх, үйлдвэрчний эвлэлтэйгээ зөвшилцөн шийддэг байх талаар зохицуулалт оруулсан.
     
  • Нийтээр амрах амралтын өдөр долоо хоногийн бямба, ням гарагт таарвал амралтыг дараагийн ажлын өдөрт шилжүүлэн тооцдог байх хуулийн зохицуулалтыг тусгалаа гэж мэдээлэв.
GoGo Facebook Хуудас
 
 
Эмнэлэгийн ажилтнуудын цалинг нэмэх нь зөв гэж Та бодож байна уу?
Нийт 1281 санал өгсөн байна.

Дээшээ