Хосгүй урчуудын 3 арт галерей

Woovoo

2018-02-15 10:00 GMT+8

Лас Вегас үзвэр үйлчилгээний газар олонтой. Энэ удаа бид тус хотын шилдэг 15 арт галерей дундаас онцгой нь хэмээн үзэж та бүхэнд тэргүүлэгч 3 арт галерейг танилцуулж байна.

1. Мартин Лауренсийн галарей gallery

250 гаруй үзмэртэй энэ галерей 2011 онд байгуулагдсан бөгөөд үзэгч олондоо тохитой халуун дулаан уур амьсгал  бүрдүүлж ажиллахыг эрхэмлэдэг. Ер нь Мартин Лауренс нь 42 жилийн түүхтэй бөгөөд  АНУ-ын 9 хотод үйл ажиллагаа явуулж байгаа юм.

Музей цуглуулгаасаа худалдаж борлуулахыг эрхэмлэхээсээ илүүтэй соёлын үр нөлөөг илүү өргөн дэлгэр орчинд түгээхийг эрхэмлэдэг билээ. Өнөөдрийн түвшинд Мартин Лауренс $50 саяын фондыг нэгэнт бий болгосон бөгөөд зураач урчуудын бүтээлийг бусад музейгээс илүү үнээр худалдаж авсаар байгаа юм.

Дэлхийн алдартнууд Пикассо, Далигаас гадна сүүлийн үеийн чадварлаг уран бүтээлчдийн бүтээл энд олны сэтгэлийг баясган бий. Энд та Мagritte, Calder, Bertho, Francis, Deyber, Chagall, Kondakova, Kourpour, Faine, Hirst, Lalonde, Kostabi, Hoffman нарын бүтээлүүдтэй танилцах болно. Woovoo энэ удаа Erte-ийг онцолж байна.

1892 онд Оросын Санкт Петербургт төрсөн Erte 1910 онд Парист уран бүтээлээ туурвихаар очсоноосоо хойш хийсэн бүтээснийг нь дэлхий өнөөдөр нэгэнт мэдэх билээ. Түүний 1915-1937 оны хооронд туурвисан 200 гаруй бүтээл Harper s bazaar, Cosmopolitan, Ladies home Journal, Voque зэрэг сэтгүүлийн нүүрийг чимэглэж байдгийг бид мэднэ.

Түүний бүтээл одоо ч үнэ цэнээ алдаагүй байгаа билээ. Эртэ-гийн бүтээлийг бусдаас тод ялгаруулсан амидлаг, эрэмгий сүнслэг байдлыг та Лас Вегасын Мартин Лауренс галерейгаас тод мэдрэх болно.

2. Петр Ликийн галарей

Петрийн гайхалтай мэдрэмжтэй гэрэл зургийг Нью-Йоркоос Лос-Анжелос хүртэлх уудам орон зайд амьдрагч хэн бүхэн андахгүй. Түүний увидас бусдын анхаарлыг яг л соронзон мэт татаж чаддаг билээ.

Петр бол дайны дараа Чехээс Австрали руу цагаачилсан гэр бүлд 1959 онд төрсөн билээ. Анх гэрийнхээ цэцэрлэг дэх аалзны зургийг авах үедээ тэр 8 настай байсан гэдэг. Магадгүй түүний эцэг эхэд хүүгийнхээ холын авьяасыг таних мэдрэмж байсан дээрээс төрсөн өдрөөр нь зургийн Кодак аппарат бэлэглэсэн бизээ. Ингээд Петер гурван хөлтэй, магадгүй түүнээс ч олон хөлтэй болсон байх. Түүний хамгийн гол хөл нь авъяас мэдрэмж хоёр нь байсан гэж бид бодож байна.

1 | 3 фото
1
1
1

Петерийн авсан зургийн төрлийг нэрлэснээс аваагүйг нь нэрлэвэл илүү амар байх бизээ. Анхныхаа галерейг төрөлх Австралидаа 1997 онд нээсэн Петр 2003 онд Лас Вегаст одоо бидний ярьж байгаа галерейгаа нээсэн билээ. Ертөнц илүү өнгөтэй юү? Нэг үгээр бидний үл анзаарсан ямар нэг өнгө төрх энэ дэлхийд бий юу? Та ийнхүү эрэлхийлж байвал Петерийн галерейд зочил. Эрлээ олж мэднэ шүү.

3. Беллажиогийн галарей

Бидний дараагийн очих газар бол 3600 Las Vegas BLvD, S Las Vegas. NV 89109. Урд өмнө энэ хотод ирж байсан хүмүүс энэ хаягийг андахгүй. Энд тус хотын гурав дахь онцлог галерей Bellagio gallery of fine art оршино. Беллажио-д яагаад очих ёстой вэ.  

Юуны өмнө Лас Вегасын хамгийн арт галерей гэдгээрээ алдартай. Нөгөөтэйгүүр энд алдартнууд, суутнуудын бүтээлүүд байнга шинэчлэгдэн эргэлдэж байдгаараа онцлогтой. За гурав дахь онцлог гэвэл урлагийн төрөл бүрийн чиглэлтэй та энд л учирч болно шүү дээ.

Орчин цагийн Лихтенштейн, хүний биеийн бүтэц хэлбэр агуулгын өвөрмөц үзмэртэй зэрэгцээд Пикассо байж байна гэж боддоо. Нэг үгээр очоод үз. Беллажиогийнхон таныг тун ч найрсгаар тосно шүү. 

Woovoo аппликейшнийг татах: 

Woovoo Facebook хуудас

www.woovoo.com

GoGo Facebook Хуудас
 
 
Иргэдэд газрыг үнэ төлбөргүйгээр өмчлүүлэх хуулийн хугацаа тавдугаар сарын 1-нд дуусна. Энэ хугацааг сунгах эсэхэд та ямар саналтай байна?
Нийт 389 санал өгсөн байна.

Дээшээ