Гэр бүлийн үнэ цэнэ юунд оршдог вэ? Харилцан хүндлэл, итгэлцэл, ойлголцол бас хайр халамж дээр...
10 гаруй жил ханилж, бие биеэ түшиж, жаргал зовлонгоо хуваалцаж явсан нэгэн сайхан гэр бүлийн дундуур залуухан эмэгтэй орсноор тэдний ээдрээт амьдрал эхэлнэ.
Ханьдаа бат итгэдэг Дулмаа сэтгэлдээ хадгалж явсан нууцаа нөхөртээ хэлэхийг хүсэвч эв нь таарахгүй явсаар нэг л өдөр нөхрөө алдана.
Он цаг, жил сар улиран өнгөрсөөр хэдийнэ арав гаруй жил өнгөрсөн ч хувь тавилан нэг л өдөр Дорлиг, Дулмаа хоёрыг дахин уулзуулах учиртай байжээ. Гэвч тэр үед ...
Төрийн шагналт, ардын жүжигчин, эрдэмтэн, зохиолч Э.Оюун мэндэлсний 100 жилийн ойд зориулан тайзнаа тавьсан “Би эндээс явахгүй” уянгын драмын жүжиг өчигдөр Драмын эрдмийн театрын тайзнаа нээлтээ хийлээ.
Уг жүжгийн Ерөнхий найруулагчаар Н.Наранбаатар ажиллаж, жүжигчин О.Гэрэлсүх, Н.Баярмаа, Б.Одончимэг, Д.Баттөр, Ц.Баясгалан зэрэг жүжигчид тоглосон юм.
Зохиолч, найруулагч, орчуулагч, судлаач, нийгэм соёлын нэрт зүтгэлтэн Төрийн шагналт, Ардын жүжигчин Эрдэнэбатын Оюун 1956 онд С.Нинжбадгартай хамтран “Би эндээс явахгүй” драм жүжгийг бичжээ.
Жүжгийн нээлтэд хүрэлцэн ирж үзсэн СГЗ, яруу найрагч, эрдэмтэн Ү.Хүрэлбаатар: НУЛИМСТАЙ ЖҮЖИГ ҮЗЛЭЭ
"Э.Оюун гуайг нэлээн сайн мэднэ. Шинжлэх ухааны академийн Хэл зохиолын хүрээлэнд Урлаг судлалын секторт төсөл дээр бид хамтарч ажиллаж байлаа. Жүжгийн зохиолыг би мэднэ. Нэлээн сайн шинэчилж тавьсан байна. Нулимстай үзлээ. Өнөөгийн нийгэмд хүний мөн чанар, гэр бүлийн бат бэх, амьдралын үнэн дутагдаад байна. Үүнийг эргэн сануулж сайхан тавьсан байна. Н.Наранбаатар найруулагч гайхалтай сайхан тавьсан байна" гэлээ.
Жүжигчин П.Шүүдэрцэцэг:
ГЭР БҮЛИЙН ҮНЭ ЦЭНЭЭ ЖИЖИГ Ч АТУГАЙ ЗҮЙЛЭЭР БҮҮ СЭВТЭЭГЭЭСЭЙ
"Гэр бүлийн үнэ цэнэ, эхнэр нөхрийн хамтын амьдралыг энэ жүжгээр харуулж байна. Жүжгийн дундаас нь эхлээд дуусан дуустал асгартал уйллаа. Үнэ цэнэ гэж зүйлийг жижигхэн ч гэсэн чулуугаар битгий хагалаасай гэж бодогдлоо. Гэр бүл бол маш чухал зүйл. Ашиг хонжоо, нууц амраг, гадаад үзэмжээр өөрсдийнхөө нандин харилцааг битгий сэвтээгээсэй. Уучлалт бол хамгийн том хүндлэл гэдгийг энэ жүжгээс олж харлаа. Хайр бол миний бодлоо итгэл, хүндлэл, тэвчээр дээр оршдог.
Гэхдээ хэзээ нэгэн цагт тэвчээр алдарч, итгэх мохох цаг ирдэг. Хүн болгон гэр бүлтэй байдаг, гэр бүлтэй болохын төлөө хүн болж ирдэг. Хүний сэтгэлийг их хөндсөн энэ жүжгийг үзээд хүмүүс амьдралаа хадгалж үлдээсэй. Алдаа хийх гэж байгаа бол битгий хийгээсэй гэдгийг сануулсан жүжиг байлаа. Жүжигчид, найруулга, тавилт маш гайхалтай, сонирхолтой, хүний сэтгэлийг татахуйц жүжиг болсон байна. Миний хувьд маш их таалагдлаа. Энэ жүжгийг гэр бүлтэй, гэр бүлээ хайрладаг, гэр бүлийн үнэ цэнийг мэдэрдэг хүн болгон ирж үзээсэй гэж хүсч байна" гэлээ.
Гэр бүлийн үнэ цэнэ юунд оршдог вэ? Харилцан хүндлэл, итгэлцэл, ойлголцол бас хайр халамж дээр...
10 гаруй жил ханилж, бие биеэ түшиж, жаргал зовлонгоо хуваалцаж явсан нэгэн сайхан гэр бүлийн дундуур залуухан эмэгтэй орсноор тэдний ээдрээт амьдрал эхэлнэ.
Ханьдаа бат итгэдэг Дулмаа сэтгэлдээ хадгалж явсан нууцаа нөхөртээ хэлэхийг хүсэвч эв нь таарахгүй явсаар нэг л өдөр нөхрөө алдана.
Он цаг, жил сар улиран өнгөрсөөр хэдийнэ арав гаруй жил өнгөрсөн ч хувь тавилан нэг л өдөр Дорлиг, Дулмаа хоёрыг дахин уулзуулах учиртай байжээ. Гэвч тэр үед ...
Төрийн шагналт, ардын жүжигчин, эрдэмтэн, зохиолч Э.Оюун мэндэлсний 100 жилийн ойд зориулан тайзнаа тавьсан “Би эндээс явахгүй” уянгын драмын жүжиг өчигдөр Драмын эрдмийн театрын тайзнаа нээлтээ хийлээ.
Уг жүжгийн Ерөнхий найруулагчаар Н.Наранбаатар ажиллаж, жүжигчин О.Гэрэлсүх, Н.Баярмаа, Б.Одончимэг, Д.Баттөр, Ц.Баясгалан зэрэг жүжигчид тоглосон юм.
Зохиолч, найруулагч, орчуулагч, судлаач, нийгэм соёлын нэрт зүтгэлтэн Төрийн шагналт, Ардын жүжигчин Эрдэнэбатын Оюун 1956 онд С.Нинжбадгартай хамтран “Би эндээс явахгүй” драм жүжгийг бичжээ.
Жүжгийн нээлтэд хүрэлцэн ирж үзсэн СГЗ, яруу найрагч, эрдэмтэн Ү.Хүрэлбаатар: НУЛИМСТАЙ ЖҮЖИГ ҮЗЛЭЭ
"Э.Оюун гуайг нэлээн сайн мэднэ. Шинжлэх ухааны академийн Хэл зохиолын хүрээлэнд Урлаг судлалын секторт төсөл дээр бид хамтарч ажиллаж байлаа. Жүжгийн зохиолыг би мэднэ. Нэлээн сайн шинэчилж тавьсан байна. Нулимстай үзлээ. Өнөөгийн нийгэмд хүний мөн чанар, гэр бүлийн бат бэх, амьдралын үнэн дутагдаад байна. Үүнийг эргэн сануулж сайхан тавьсан байна. Н.Наранбаатар найруулагч гайхалтай сайхан тавьсан байна" гэлээ.
Жүжигчин П.Шүүдэрцэцэг:
ГЭР БҮЛИЙН ҮНЭ ЦЭНЭЭ ЖИЖИГ Ч АТУГАЙ ЗҮЙЛЭЭР БҮҮ СЭВТЭЭГЭЭСЭЙ
"Гэр бүлийн үнэ цэнэ, эхнэр нөхрийн хамтын амьдралыг энэ жүжгээр харуулж байна. Жүжгийн дундаас нь эхлээд дуусан дуустал асгартал уйллаа. Үнэ цэнэ гэж зүйлийг жижигхэн ч гэсэн чулуугаар битгий хагалаасай гэж бодогдлоо. Гэр бүл бол маш чухал зүйл. Ашиг хонжоо, нууц амраг, гадаад үзэмжээр өөрсдийнхөө нандин харилцааг битгий сэвтээгээсэй. Уучлалт бол хамгийн том хүндлэл гэдгийг энэ жүжгээс олж харлаа. Хайр бол миний бодлоо итгэл, хүндлэл, тэвчээр дээр оршдог.
Гэхдээ хэзээ нэгэн цагт тэвчээр алдарч, итгэх мохох цаг ирдэг. Хүн болгон гэр бүлтэй байдаг, гэр бүлтэй болохын төлөө хүн болж ирдэг. Хүний сэтгэлийг их хөндсөн энэ жүжгийг үзээд хүмүүс амьдралаа хадгалж үлдээсэй. Алдаа хийх гэж байгаа бол битгий хийгээсэй гэдгийг сануулсан жүжиг байлаа. Жүжигчид, найруулга, тавилт маш гайхалтай, сонирхолтой, хүний сэтгэлийг татахуйц жүжиг болсон байна. Миний хувьд маш их таалагдлаа. Энэ жүжгийг гэр бүлтэй, гэр бүлээ хайрладаг, гэр бүлийн үнэ цэнийг мэдэрдэг хүн болгон ирж үзээсэй гэж хүсч байна" гэлээ.