"Монголын цахилгаан холбоо" ХК-ийн үнэт цаасны багцыг арилжина

Б.Чимэг GoGo.mn

2018-04-16 11:30 GMT+8

Засгийн Газар болон БНСУ-ын “Кореа Телеком” ХК-ийн хооронд байгуулагдсан гэрээний дагуу Монголын хөрөнгийн биржийн үнэт цаасны II ангилалд бүртгэлтэй “Монголын Цахилгаан Холбоо” ХК-ийн 40 хувийг Монгол Улсын Засгийн газарт худалдахаар болсон. 

Багцын арилжааг Монголын хөрөнгийн биржээр дамжуулан зохион байгуулахаар болжээ.

“Монголын Цахилгаан Холбоо” ХК-г 1921 онд байгуулсан, Монголын ууган компани. Эрх бүхий байгууллагаас олгосон лицензийн хүрээнд төв, орон нутагт улс, хот хоорондын цахилгаан холбоо, интернэт, кабелийн телевиз, лавлах үйлчилгээг үзүүлдэг юм. Тус компанийн нийт хувьцааны 

  • 54.67 хувийг Монгол Улсын Засгийн газар,
  • 40.0 хувийг Бүгд Найрамдах Солонгос улсын Кореа Телеком компани,
  • 5.33 хувийг Монгол Улсын болон гадаадын иргэд, аж ахуйн нэгж тус тус эзэмшдэг.

Багцын арилжааг явуулснаар, “Монголын Цахилгаан Холбоо” ХК дахь Монгол Улсын Засгийн газрын эзэмшлийн хувь нь 94.67 хувьд хүрнэ гэж МОНГОЛЫН ХӨРӨНГИЙН БИРЖ-ээс мэдээллээ. 

GoGo Facebook Хуудас
 
 
Бөхийн өргөөг тойрсон маргаан талцал бөхчүүдийн дунд ил далд олон жил үргэлжилж байна. Таны бодлоор иргэдийн хандив, төсвийн дэмжлэгээр бүтээсэн Бөхийн өргөөг төр өөрийн эзэмшилд авах ёстой юу?
Нийт 514 санал өгсөн байна.

Дээшээ