Засгийн газраас энэ сарын 19-нд Гаалийн албан татвар, НӨАТ-аас чөлөөлөх тухай хуулийн төслийн үзэл баримтлалыг УИХ-д өргөн мэдүүлсэн юм.
Ойжуулалт, цэцэрлэгжүүлэлт, ойн аж ахуйн арга хэмжээний ажил болон импортоор оруулдаг мод орлох бүтээгдэхүүн, модон барилгын хийцийг татвараас чөлөөлөх шаардлагатай гэж Засгийн газар үзжээ.
Ойн санг тодорхой хэмжээгээр нөхөж, нэмэгдүүлж чадахгүй байгаа энэ үед ойжуулалт, цэцэрлэгжүүлэлт, ойн аж ахуй, модон эдлэлийн бизнес эрхлэгч аж ахуйн нэгжээ дэмжсэн бодлого барих шаардлагатай.
2013 оны 06 дугаар сарын 07-ны өдрийн Гаалийн албан татвараас чөлөөлөх тухай хуулиар Ойжуулалт, цэцэрлэгжүүлэлт, ойн аж ахуйн арга хэмжээний ажил болон импортоор оруулж байгаа тууш чиглэлийн нимгэн давхаргатай хавтан (OSM), стандартын дагуу хийсэн, угсрахад бэлэн модон барилгын угсармал хийцийг 2017 оны 12 дугаар сарын 31-нийг хүртэл тус тус гаалийн албан татвараас чөлөөлсөн. Энэ хуулийг хэрэгжүүлэх явцад мод, модон материалын импорт жил дараалан өсөн, энэ хэмжээгээр ойгоос ашиглах, бэлтгэх, мод хууль бус мод бэлтгэлийн хэмжээ буурч, ойг нөхөн сэргээх цэцэрлэгжүүлэх ажлын цар хүрээ нэмэгдсэн байна.
Экологи, нийгэм эдийн засгийн ач холбогдол бүхий энэ хуулийн үйлчлэх хугацаа дууссан тул Гаалийн албан татвараас чөлөөлөх тухай хуулийн төслийг дахин боловсруулжээ.
Төсөлд ойжуулалт, цэцэрлэгжүүлэлт, ойн аж ахуйн арга хэмжээний ажил болон импортоор оруулдаг тууш чиглэлийн нимгэн давхаргатай хавтан (OSM), стандартын дагуу хийгдсэн угсрахад бэлэн модон барилгын угсармал хийцийг гаалийн албан татвараас чөлөөлөхөөр тусгажээ.
УИХ-ын гишүүд энэ төсөл нь Төсвийн тухай хуулийн 6.2.5-ыг зөрчиж байгаа эсэх, он гарснаас хойших энэ төрлийн бүтээгдэхүүнээс татвараас бүрдүүлсэн орлогын хэмжээ, цаашлаад хуулийн дагаж мөрдөх хугацаа, хууль батлагдсанаар хэчнээн төгрөгийн татварыг хөнгөлж байгааг илүүтэй тодруулав.
Хуулийн төслийн дагаж мөрдөх хугацааг батлагдсан өдрөөс хэрэгжиж эхлэхээр тусгасан байна. Энэ оны нэгдүгээр сарын 01-ээс энэ сарын 20-ны байдлаар энэ төрлийн татварын орлого 97.9 сая төгрөг байна. Хууль батлагдвал гаалийн албан татвараас
- 2018 оны үлдсэн хугацаанд 200 сая,
- 2019 онд 300 сая,
- 2020-2021 онд 400 сая орчим төгрөгийн орлого татварын хөнгөлөлтөд хамрагдана.
Улсын Их Хурлын гишүүн Д.Оюунхорол “Монгол Улсын газар нутгийн найман хувь нь ойгоор бүрхэгдсэн. Ойн санг тодорхой хэмжээгээр нөхөж, нэмэгдүүлж чадахгүй байгаа энэ үед ойжуулалт, цэцэрлэгжүүлэлт, ойн аж ахуй, модон эдлэлийн бизнес эрхлэгч аж ахуйн нэгжээ дэмжсэн бодлого барих шаардлагатай. НҮБ-аас манай орны ойн нөөц, талбайн хэмжээ маш бага байна гэж дүгнэсэн. Улстөржилгүйгээр хуулийн төслийг хэлэлцэх нь зүйтэй” гэв.
Энэ талаарх Байнгын хорооны санал, дүгнэлтийг УИХ-ын чуулганы нэгдсэн хуралдаанд танилцуулахаар тогтжээ.
Засгийн газраас энэ сарын 19-нд Гаалийн албан татвар, НӨАТ-аас чөлөөлөх тухай хуулийн төслийн үзэл баримтлалыг УИХ-д өргөн мэдүүлсэн юм.
Ойжуулалт, цэцэрлэгжүүлэлт, ойн аж ахуйн арга хэмжээний ажил болон импортоор оруулдаг мод орлох бүтээгдэхүүн, модон барилгын хийцийг татвараас чөлөөлөх шаардлагатай гэж Засгийн газар үзжээ.
Ойн санг тодорхой хэмжээгээр нөхөж, нэмэгдүүлж чадахгүй байгаа энэ үед ойжуулалт, цэцэрлэгжүүлэлт, ойн аж ахуй, модон эдлэлийн бизнес эрхлэгч аж ахуйн нэгжээ дэмжсэн бодлого барих шаардлагатай.
2013 оны 06 дугаар сарын 07-ны өдрийн Гаалийн албан татвараас чөлөөлөх тухай хуулиар Ойжуулалт, цэцэрлэгжүүлэлт, ойн аж ахуйн арга хэмжээний ажил болон импортоор оруулж байгаа тууш чиглэлийн нимгэн давхаргатай хавтан (OSM), стандартын дагуу хийсэн, угсрахад бэлэн модон барилгын угсармал хийцийг 2017 оны 12 дугаар сарын 31-нийг хүртэл тус тус гаалийн албан татвараас чөлөөлсөн. Энэ хуулийг хэрэгжүүлэх явцад мод, модон материалын импорт жил дараалан өсөн, энэ хэмжээгээр ойгоос ашиглах, бэлтгэх, мод хууль бус мод бэлтгэлийн хэмжээ буурч, ойг нөхөн сэргээх цэцэрлэгжүүлэх ажлын цар хүрээ нэмэгдсэн байна.
Экологи, нийгэм эдийн засгийн ач холбогдол бүхий энэ хуулийн үйлчлэх хугацаа дууссан тул Гаалийн албан татвараас чөлөөлөх тухай хуулийн төслийг дахин боловсруулжээ.
Төсөлд ойжуулалт, цэцэрлэгжүүлэлт, ойн аж ахуйн арга хэмжээний ажил болон импортоор оруулдаг тууш чиглэлийн нимгэн давхаргатай хавтан (OSM), стандартын дагуу хийгдсэн угсрахад бэлэн модон барилгын угсармал хийцийг гаалийн албан татвараас чөлөөлөхөөр тусгажээ.
УИХ-ын гишүүд энэ төсөл нь Төсвийн тухай хуулийн 6.2.5-ыг зөрчиж байгаа эсэх, он гарснаас хойших энэ төрлийн бүтээгдэхүүнээс татвараас бүрдүүлсэн орлогын хэмжээ, цаашлаад хуулийн дагаж мөрдөх хугацаа, хууль батлагдсанаар хэчнээн төгрөгийн татварыг хөнгөлж байгааг илүүтэй тодруулав.
Хуулийн төслийн дагаж мөрдөх хугацааг батлагдсан өдрөөс хэрэгжиж эхлэхээр тусгасан байна. Энэ оны нэгдүгээр сарын 01-ээс энэ сарын 20-ны байдлаар энэ төрлийн татварын орлого 97.9 сая төгрөг байна. Хууль батлагдвал гаалийн албан татвараас
- 2018 оны үлдсэн хугацаанд 200 сая,
- 2019 онд 300 сая,
- 2020-2021 онд 400 сая орчим төгрөгийн орлого татварын хөнгөлөлтөд хамрагдана.
Улсын Их Хурлын гишүүн Д.Оюунхорол “Монгол Улсын газар нутгийн найман хувь нь ойгоор бүрхэгдсэн. Ойн санг тодорхой хэмжээгээр нөхөж, нэмэгдүүлж чадахгүй байгаа энэ үед ойжуулалт, цэцэрлэгжүүлэлт, ойн аж ахуй, модон эдлэлийн бизнес эрхлэгч аж ахуйн нэгжээ дэмжсэн бодлого барих шаардлагатай. НҮБ-аас манай орны ойн нөөц, талбайн хэмжээ маш бага байна гэж дүгнэсэн. Улстөржилгүйгээр хуулийн төслийг хэлэлцэх нь зүйтэй” гэв.
Энэ талаарх Байнгын хорооны санал, дүгнэлтийг УИХ-ын чуулганы нэгдсэн хуралдаанд танилцуулахаар тогтжээ.