Анкарагийн гудамжны нэг ч модыг тайраагүй, харин хожуулуудыг цэвэрлэн, мод суулгасан гэв

Б.Чимэг GoGo.mn

2018-05-17 14:40 GMT+8

Нийслэлийн Чингэлтэй дүүргийн Анкарагийн гудамжны нэг ч модыг тайраагүй гэж тус дүүргийн Тохижилт, нийтийн аж ахуйн хэлтсийн дарга А.Гэрэлт-Од тайлбарлав. Учир нь зарим иргэн тус гудамжин дахь моддыг тайрчээ хэмээн хожуулын зургийг олон нийтийн цахим сүлжээнд тараасан нь олон иргэнийг бухимдуулсан.

Өвөлдөө агаарын бохирдол, хавартаа тоосжилтод нэрвэгддэг нийслэлчүүд ногоон байгууламжид ихээхэн анхаардаг болсон юм.

Анкарагийн гудамжин дахь үхсэн моддыг таван жилийн өмнө тайрч, 34 хожуул үлдсэн байжээ. Иймд тэдгээр хожуулыг үндэстэй нь татаж гарган, цэвэрлэж байгаа юм байна. Оронд нь нийт 1200 ширхэг гоёлын сөөг, буйлс тарьж эхэлжээ.     

Нийслэлийн тохижилтын хэлтсүүд сүүлийн үед модны ёроолыг байгалийн чулуугаар бүрж, шороо, тоос бууруулах арга хэмжээ авч байна. Үүнийг иргэд модны ургалтад сөрөг нөлөөтэй гэж шүүмжилдэг. Энэ талаар А.Гэрэлт-Од дарга “Чулуу ус, агаарыг нэвтрүүлдэг ургалтад ямар ч сөрөг нөлөөгүй” гэв.   

Мөн тэрээр хожуулын өнгөнөөс хэзээ тухайн модыг тайрсныг төвөггүй мэдэж болно. Тэдгээр хожуулын зурагнаас тайраад их удсаныг мэргэжлийн хүмүүс хараад л ойлгоно гэсэн юм.   

Гэрэл зургийг Д.Жавхлантөгс

GoGo Facebook Хуудас
 
 
УИХ-ын гишүүн Д.Хаянхярваагийн санаачилгаар нэр бүхий 27 гишүүн У.Хүрэлсүхийн Засгийн газрыг огцруулах шаардлагатай гэж үзэн, тогтоолын төсөл өргөн барилаа. Таны бодлоор Засгийн газрыг огцруулах нь зөв үү?
Нийт 2578 санал өгсөн байна.

Дээшээ