УИХ-ын гишүүнээс чөлөөлөгдөх Д.Гантулгын хүсэлтийг байнгын хорооны гишүүд дэмжлээ

Сэтгүүлч Э.Оргил GoGo.mn

2018-06-13 13:37 GMT+8

УИХ-ын гишүүн Д.Гантулга өнгөрсөн даваа гарагт УИХ-ын гишүүнээс чөлөөлөгдөх хүсэлтээ УИХ-ын дарга М.Энхболдод албан ёсоор гаргасан. 

Түүний асуудлыг өнөөдөр УИХ-ын Төрийн байгуулалтын байнгын хорооны хуралдаанаар хэлэлцэж, байнгын хорооны гишүүдийн олонх Д.Гантулгын УИХ-ын гишүүнээс чөлөөлөгдөх хүсэлтийг хүлээн авлаа. 

Байнгын хорооны хуралдаанаар энэ асуудалтай холбоотойгоор гишүүд асуулт тавиагүй бөгөөд байнгын хорооны дарга асуудлыг танилцуулсны дараа шууд санал хураалт явуулж, олонхийн саналаар шийдвэрлэв. 

Д.Гантулгын УИХ-ын гишүүнээс чөлөөлөгдөх тухай хүсэлтийг дэмжсэн тус байнгын хорооны санал дүгнэлтийг УИХ-ын нэгдсэн чуулганд танилцуулж, гишүүдийн олонхийн саналаар эцсийн шийдвэрийг гаргана. 

GoGo Facebook Хуудас
 
 
У.Хүрэлсүх 2017 оны аравдугаар сарын 4-нд Ерөнхий сайд болсон. Түүний тэргүүлсэн Засгийн газрын үйл ажиллагаанд Та ямар дүгнэлт өгөх вэ?
Нийт 4612 санал өгсөн байна.

Дээшээ