ГССҮТ: "Сансрын хөлөг" тоглоом дээр сууж байсан нэг хүүхдийн биеийн байдлыг ажиглаж байна


2018-06-13 18:25 GMT+8
2018.06.13-ны 16.30 цаг, ҮСАХ, эвдэрсэн "Сансрын хөлөг" нэртэй тоглоом

Өнөөдөр Үндэсний соёл амралтын хүрээлэнгийн “Пуужин” нэртэй тоглоом хугарч, дотор нь сууж байсан хүүхдүүдээс гэмтсэн байна.

Хугацаагаар эрэмбэлэж харах :
18:29 2018-06-13

ҮСАХ-ын "Сансрын хөлөг" тоглоом хугарсантай холбоотойгоор 17.00 цагийн орчимд хаалгаа барьж, дотор байсан хүмүүсийг гаргасан. ҮСАХ-ын ажилтнууд иргэдэд хэзээнээс эхлэн хэвийн ажиллах нь тодорхойгүй бөгөөд энэ талаарх мэдээллийг өөрийн фэйсбүүк хуудсаар дамжуулан өгөх болно хэмээн тайлбарлаж байлаа. 

18:25 2018-06-13

Гэмтэл согог судлалын үндэсний төвөөс "Сансрын хөлөг" тоглоом дээр сууж байсан хүүхдүүдийн биеийн байдлыг тодруулахад "Яаралтай түргэн тусламжаар дөрвөн хүүхэд хүргэгдэж ирсэн. Хүнд гэмтэл байхгүй. Зөөлөн эдийн гэмтэлтэй. Нэг хүүхдийн рентген зургийг авч, биеийн байдлыг ажиглаж байна" гэлээ. 

Хүргэгдэж ирсэн хүүхдүүдийн хувьд ил харагдах гэмтэл шархгүй учраас зөвлөгөө өгч гэрт нь буцаасан байна. Хэдий тийм ч хүүхдүүдийн биеийн байдлыг ажиглах хэрэгтэй гэдгийг хүлээн авч үзсэн эмч нь хэлж байна. 

17:56 2018-06-13

Нийслэлийн Яаралтай түргэн тусламжийн төвийн эмч нар тоглоом дээр сууж байсан дөрвөн хүүхдийг Гэмтэл согог судлалын үндэсний төвд хүргэсэн байна. ЯТТТ-өөс мэдээлж буйгаар хүүхдүүд хүнд бэртэл гэмтэл аваагүй гэв. 

17:24 2018-06-13

ҮСАХ-ийн захирал Б.Батнягт: БИД БҮХ ХАРИУЦЛАГЫГ ХҮЛЭЭНЭ

17:02 2018-06-13
16:04 2018-06-13

16:03 2018-06-13

Өнөөдөр Үндэсний соёл амралтын хүрээлэнгийн “Сансрын хөлөг” нэртэй тоглоом хугарч, дотор нь сууж байсан хүүхдүүдээс гэмтсэн байна. Тоглоом 14.50 минутын орчимд эвдэрчээ.

Энэ тоглоом дээр нэг удаад найман хүүхэд суух боломжтой бөгөөд тухайн үед 11-13 насны дөрвөн хүүхэд сууж байсан аж. 

Харин энэ талаар Үндэсний соёл амралтын хүрээлэнгээс тодруулахад “Одоогоор мэдээлэл өгөх боломжгүй” гэж хариулав. Сүхбаатар дүүргийн мэргэжлийн хяналтын хэлтсээс энэ хавар ҮСАХ-ийн үйл ажиллагаа эхлэхийн өмнө хяналт шалгалт хийжээ.

Албан ёсны мэдээллийг хэргийн газрын үзлэг дууссаны дараа маргааш өгөх юм. ҮСАХ-д өнөөдрийн байдлаар нийт 22 тоглоом ажиллаж байгаа аж.

GoGo Facebook Хуудас
 
 
Эмнэлэгийн ажилтнуудын цалинг нэмэх нь зөв гэж Та бодож байна уу?
Нийт 2738 санал өгсөн байна.

Дээшээ