Франц 1:0-р Бельгийг хожиж, АЛТАН медалийн төлөө тоглохоор боллоо

А.Мишээл GoGo.mn

2018-07-11 02:27 GMT+8

Франц-Бельгийн сэтгэл догдлуулсан тоглолт

Хугацаагаар эрэмбэлж харах :
03:55 2018-07-11

Тоглолтын цаг дуусаж Франц 1:0-ээр  Бельгийг хожиж, АЛТАН медалийн төлөө тоглохоор боллоо.

Харин Бельгийн шигшээ баг хүрэл медалийн төлөө долоодугаар сарын 14-ний өдөр тоглоно.

03:47 2018-07-11

Францын торгуулийн цохилтын үеэр Азар, Матьюди хоёр хүчтэй мөргөлдөж, Эден Азар шууд босоод явсан бол Францын хагас хамгаалагч Матюидид тусламж үзүүлснээр тоглолтын цагийг авч байлаа.

Тоглолтын үндсэн цаг дуусаж шүүгч цагийг 6 минутаар сунгав.

Бөмбөг эзэмшилт Франц 39, Бельги 61 хувьтай байна.

03:29 2018-07-11

Францын довтлогч 19 настай Килиан Мбаппегийн хурдыг гэрэл зурагчин ч гүйцэхгүй байна гэв

03:21 2018-07-11

Бельгийн хагас хамгаалагч Эден Азар Погбаг татаж унагаан алдаа гаргаж шар хуудсаар торгууллаа.

03:09 2018-07-11

Францын хамгаалагч Самюуэль Умтити тоглолтын 51 дэх минутад гоол хийж тооны харьцааг 1:0 болголоо.

02:46 2018-07-11

Тоглолтын нэгдүгээр үе өндөрлөлөө. Хоёр багийн аюултай, хурц  довтолгоонуудаар дүүрэн байлаа

02:38 2018-07-11

Хоёр багийн тоглолтын нэгдүгээр үе дуусахад 5 минут үлдлээ. Тооны харьцаа 0:0. Ширүүхэн өрсөлдөөнөөр үргэлжилж байна.

02:37 2018-07-11

Хоёр баг өмнө нь 73 удаа учраа тааран тоглоход Бельги 30 , Франц 24 удаа хожсон бол 19 тоглолт тэнцээгээр өндөрлөж байв.

Хоёр баг томоохон тэмцээнд 3 удаа тааран тоглоход бүх тоглолт Францын ялалтаар өндөрлөсөн.

Харин хоёр багийн хооронд болсон сүүлийн 3 нөхөрсөг тоглолтод Бельги 1 хожиж 2 тоглолт тэнцээгээр өндөрлөж байв.

02:25 2018-07-11

Хөл бөмбөгийн ДАШТ-ий хагас шигшээ тоглолтууд эхэллээ. Франц, Бельгийн шигшээ багууд өнөөдөр Санкт-Петербург цэнгэлдэх хүрээлэнд тоглож байна.

Өнөөдрийн тэмцээнд ялсан баг аваргын төлөө финалд, хожигдсон баг хүрэл медалийн төлөө тоглох юм.

Удаа дараалсан Бельгийн хүчтэй довтолтуудыг Францын шигшээ баг  хаасаар байна.

Бөмбөг эзэмшилт Франц 42 хувь, Бельги 58 хувьтай байна.

GoGo Facebook Хуудас

ХОЛБООТОЙ МЭДЭЭ

 
 
У.Хүрэлсүх 2017 оны аравдугаар сарын 4-нд Ерөнхий сайд болсон. Түүний тэргүүлсэн Засгийн газрын үйл ажиллагаанд Та ямар дүгнэлт өгөх вэ?
Нийт 773 санал өгсөн байна.

Дээшээ