Хашлага даван, зүлэг гэмтээсэн жолоочийн эрхийг хоёр жилээр хасжээ

Энэ мэдээг шинэ хувилбараар унших бол арын товч дээр дарна уу
Б.Чимэг GoGo.mn

2018-07-11 16:00 GMT+8

Энэ сарын 10-ны өдөр Хюндай портер машины жолооч Я Баянгол дүүргийн 21 дүгээр хорооны нутаг дэвсгэрт замын хөдөлгөөнд оролцохдоо замын хөдөлгөөний дүрмийг зөрчжээ.

Тэрээр хашлага даван, зүлэгжүүлсэн талбай дээгүүр эсрэг урсгалд орсон байна. Ингэхдээ зам дагуух саадыг эвджээ. Тэрээр ЗЦГ-т “Бороо орж, зам дээр түгжрэл үүссэн. Би яарч явсан тул хашлага давсан. Талх түгээдэг ажилтай. Дэлгүүрүүд утасдаад байсан” гэж мэдүүлжээ.

Иймд түүний жолоо барих эрхийг 2 жилээр хасаж, хохирлыг нь нөхөн төлүүлжээ.

GoGo Facebook Хуудас
 
 

Дээшээ